Медээлер

22.02.2023 Тываның Баштыңы РФ-тиң Президентизиниң Айыткалының дугайында: Россияның күштүг эрге-ажыын хандырар бис

Февраль 21-де, Россия Федерациязының Президентизи Владимир Путин Федералдыг Хуралга 18-ки Айыткалын кылган. Гостиный дворга, Президентиниң Айыткал ёзулалынга республиканың удуртукчузу Владислав Ховалыг баштаан делегация киришкен.

21.02.2023 Тываның Баштыңының Владислав Ховалыгның Шагаа байырлалы-биле байыр чедириишкини

Эргим чаңгыс чер чурттугларым!

Өгбелерниң ай санаашкыны-биле Чаа чыл – Шагаа байырлалын уткуштур Тыва Республиканың Чазааның база бодумнуң өмүнээмден байыр чедирип тур мен.

20.02.2023 Тываның Баштыңы РФ-тиң Президентизиниң чылдың Айыткалын таныштырар езулалга киржир

Эртен, февраль 21-де, Гостиный дворга, Россия Федерациязының Президентизи Владимир Путинниң Федералдыг Хуралга чылдың Айыткалын таныштырган езулалынга Тываның Баштыңы Владислав Ховалыг база киржир.

20.02.2023 Тывада Шагаа байырлалында Арат шөлүнде чонга тыва чемнерни сонуургадыр
Февраль 21-де, Арат Шөлүнге Шагаа байырлалында, республика найысылалының чурттакчыларынга база аалчыларынга сүттүг шайны база хырбачадан кара-мүннү сонуургадыр.

20.02.2023 Тываның корум-чурум камгалакчылары чурттакчыларга хамааты серемчилелди кошпатпазын кыйгырган

Республикада террорчу кыжаныышкынныг меге дыңнадыглар бо-ла нептерей бээр апарганын корум-чурум камгалаар органнар демдеглээн. 

20.02.2023 Тывага байырлал хүннеринде арага аймаан сатпас

Тываның найысылалынга февраль 21, 23 база 24 хүннеринде араганы садарын хораан. Шак-ла ындыг хоругларны республиканың арткан муниципалдыг тургузуглары база киирген. 

20.02.2023 Бо неделяда Тываның чурттакчылары 5 хонук дыштаныр

Тываның чурттакчыларынга чаа ажылчын неделя ийи ажыл хонуктуг. Республика Шагааны байырлаары-биле, Россияның өске регионнардан бир хонук артыкка дыштаныр.

20.02.2023 «Баштайгыларның шимчээшкини» бүгү-российжи уруглар болгаш аныяктар шимчээшкининиң эге салбырлар четкизи немешкен

Эрткен неделяда Тываның күрүне университединге «Баштайгыларның шимчээшкини» бүгү-российжи уруглар болгаш аныяктар шимчээшкининиң эге салбырын байырлыы-биле ажыткан. 

20.02.2023 Дмитрий Семёнов, Россияның пекарьлар эвилелиниң вице-президентизи: Тывада ёзулуг хлебтиң амданы арткан-дыр
Россияның пекарьлар эвилелиниң төлээзи - регионнар-биле кады ажылдажылга талазы-биле вице-президентизи Дмитрий Семёнов Тывага келгеш барган. Ол Кызылдың хлеб комбинадынга база хуу сайгарлыкчылар А. Сарыглар биле А. Монгуштуң база «Саян Торг» КХН-ниң бичежек бүдүрүлгелерин көрген.

18.02.2023 Тывада туберкулёз-биле демиселде эки талаже өскерлиишкиннер демдеглеттинген

Эрткен чылдың түңнелдери-биле алырга, Тывада туберкулезтан аарыыр чорук эвежээни демдеглеттинген. Фтизиатрлар ниитилелиниң хуралында, республиканың фтизиатрия албанының дыңнаткан сан-чурагайлары-биле алырга, 2022 чылда 100 муң кижиге онааштыр 113,5 кижи аарып, 2021 чылдан 8 хуу эвээжээни айыттынган. 

18.02.2023 «Салгалдарга тураскаал»: Тываның чурттакчыларынга алдарлыг «Саяннар» ансамблиниң чогаадыкчы өнчү-салгалының дугайында таныштырар

Тываның профессионал танцы уран чүүлүнүң алдын шыгжамырын тургускан алдарлыг “Саяннар” ансамблиниң кол хореографтыг көргүзүглеринге тураскааткан “Салгалдарга тураскаал” деп элээн каш дамчыдылгалыг төлевилелдиң көргүзүү «Оваа ТВ» телеканалга эгелээр.

18.02.2023 Шагаа бүдүүзүнде Тываның Чазаанга күрүне шаңналдарын тыпсырының байырлыг ёзулалы болуп эрткен

Февраль 17-де, ай санаашкыны-биле Чаа чылга – Шагаа байырлалынга тураскаадып, Тыва Республиканың күрүне шаңналдарын тывыскан. Байырлал бүдүүзүнде Тываның Баштыңы Владислав Ховалыг төрээн чериниң байлак культурлуг өнчүзүн кадагалап, ону хөгжүдүп чоруур чаңчылчаан тыва иштиң маадырлары – малчыннарга, ус шеверлерге, уран чүүл күүседикчилеринге, башкыларга болгаш эртемденнерге өөрүп четтиргенин илереткен

17.02.2023 Тывада байырлал хүннеринде айыыл чок чоруктуң хемчеглерин күштелдирер

Тываның Баштыңы Владислав Ховалыгның берген даалгазы-биле, Шагаа, Ада-чурт камгалакчызының база Масленица байырлалдарының хүннеринде хөй-ниитиниң айыыл чок чоруунуң хемчеглерин күштелдирер. 

17.02.2023 Тываның күрүне университеди Моолдуң университеди-биле кады ажылдажылганың чаа өөредилге программазын белеткеп турар

Тываның күрүне университеди чаа өөредилге чылында боттандырар дээш, көдээ ажыл-агый продукциязын болбаазырадыр чурттар аразының өөредилге программазын белеткеп турар.

17.02.2023 Тываныӊ Баштыӊы Тыва Республиканыӊ Ыдык ырызының автору Өөкей Шанагаштың мөчээни-биле ооң өг-бүлезинге база чоок кижилеринге ханы кажыыдалын илереткен

Тыва уран чүүл эгиттинмес улуг каражага таварышкан. Тыва Республиканың Ыдык ырызының автору, ТР-ниң алдарлыг ажылдакчызы, хан төрел сенгел чоннуң төлептиг оглу Тос-Кириш сөөктүг Баянца­гаан оглу Өвекей аар-берге аарыгга таварышкаш, чырык өртемчейден кезээ мөңгеде чарлып чорупканының дугайында кажыыдалдың медээзи дыңналып келген.

16.02.2023 Красноярскиниң экономиктиг форумунга Тываны хөгжүдериниң перспективтиг угланыышкыннарын таныштырар

Бо чылын Красноярскиниң экономиктиг форумунуң темазы - Сибирьни хөгжүдериниң айтырыы болур.
Тыва Республиканың губернатору Владислав Ховалыг баштаан делегация Красноярскиниң экономиктиг форуму-2023 шөлүнге регионнуң инвестиция курлавырын, социал-экономиктиг хөгжүлдениң тускай программазы-биле (ИПСЭР) боттандырар төлевилелдерни таныштырар.

16.02.2023 Тываның чурттакчыларын Масленицаның хайымныг неделязы манап турар

Чаңчылчаан масленица неделязы бо удаада февраль 20-де эгелээш, Шагаа болгаш Ада-чурт камгалакчызының хүнү-биле капсырлажып эртер.

16.02.2023 Тывада чаа туткан хүрээниң чанынга Саң салыр ёзулалды эрттирер

Шагаа байырлалын белеткеп эрттирер оргкомитеди Тываның найысылалында Саң салыр езулал эртирирер черлерни тодарадып доктааткан. Чоннуң киржилгези-биле саң ужудуп чаңчыга берген черлерден аңгыда, чаа туттунган «Тубтен Шедруб Линг» хүрээниң чанынга база Дөгээ дааның эдээнге субурган чанынга езулалды эрттирерин дыңнаткан. 

16.02.2023 Тыва турисчи инфраструктураның хөгжүлдезинче федералдыг субсидияны алыр

Россия Чазааның 2023 чылда 3 ажыг млрд рубль акшаны туризм хөгжүлдезинче үлештирген Россияның 44 регионунуң санында Тыва база кирген. Премьер-министр Михаил Мишустин февраль 9-та чогуур айтыышкынга атты салган.

16.02.2023 Тывада Ада-чурттан дашкаар албан хүлээлгезин күүседип чораан чаңгыс чер-чурттугларывыска мөгейигни кылган

2011 чылдан бээр Россияда тураскаалдыг мөгейигниң хүнүн — чурттуӊ кызыгаарындан дашкаар черлерге албан-хүлээлгезин эрттирип турган российжилерге Сактыышкын хүнүн демдеглеп турар.