Тывада Шагаа байырлалында Арат шөлүнде чонга тыва чемнерни сонуургадыр

Февраль 21-де, Арат Шөлүнге Шагаа байырлалында, республика найысылалының чурттакчыларынга база аалчыларынга сүттүг шайны база хырбачадан кара-мүннү сонуургадыр. Ай санаашкыны-биле Чаа чылдың – Шагаа-2023-түң хемчеглери хөй-чарны манап турар.
Кол хемчеглер дал дүъште эгелээрин ТР-ниң Культура яамызы дыңнаткан. Аалчылар «Шагаа-биле, Курай! Курай!» деп театржыткан көргүзүгнү сонуургап, оюн-хөглээшкинниг хемчеглерге киржип болур. Тевек тевер, аът шалбадаар, даш көдүрер мөөрейлер эң аваангырларны,эң шыдамыктарны, эң күштүглерни илередир. Аргамчы тырттар хөглүг, каттырынчыг оюн командаларны манап турар.
Ол хүн Арат шөлүнге ус шеверлерниң база тус чер бүдүрүкчүлериниң делгелге-ярмарказы ажылдаар. Байырлап келген чон садыглаар майгыннар чанында тиккен өглерге чыннып ап болур .
Республика девискээринде эге белен чорук чуруму ажылдап турары-биле, байырлал хемчеглериниң үезинде хөй-ниитиниң айыыл чок чоруун хандырар дээш, Арат шөлүнче эрттирилге чурумун киирип, демир херимчигештерни тургузар.