Тываның Баштыңы РФ-тиң Президентизиниң чылдың Айыткалын таныштырар езулалга киржир

Эртен, февраль 21-де, Гостиный дворга, Россия Федерациязының Президентизи Владимир Путинниң Федералдыг Хуралга чылдың Айыткалын таныштырган езулалынга Тываның Баштыңы Владислав Ховалыг база киржир.
Президентиниң Айыткалын Бирги канал, «Россия 1» база НТВ каналдар дамчыдар. Республиканың чурттакчылары тус чернии-биле 16.00 шактан 17.00 шакка чедир Айыткалдың дорт дамчыдылгазын көрүп болур.
Президентиниң парлалга-секретары Дмитрия Песковтуң чугаазы-биле алырга, күрүне баштыңы бодунуң айыткалында тускай шериг операциязынче акцентини кылыр. Чуртта амгы байдал, экономика база социал адырлар айтырыглары – чугула черни ээлээр.
Россияның Президентизиниң Айыткалын дыңнаарынче Федералдыг Хурал кежигүннерин, политиктиг болгаш хөй-ниити ажылдакчыларын, шажын чүдүлге төлээлерин, массалыг информация чепсектериниң удуртукчуларын чаңчыл езугаар чалаан.
Путин российжи парламентиге сөөлгү катап 2021 чылдың апрельде айыткалын кылганын сагындыраал. 2022 чылда ТШО эгелээни-биле хемчегни чылдырган турган.