Медээлер

15.02.2023 Тываның Баштыңы Росавиацияның удуртулгазы-биле ужурашкан

Тываның Баштыңы Владислав Ховалыг Москвага ажыл-агыйжы сургакчылаашкынының үезинде, Агаар транспортунуң федералдыг агентилелиниң удуртукчузу Александр Нерадько-биле ужурашкан.

15.02.2023 Тыва Республиканың Соңгулда комиссиязының даргазында Лариса Андалаеваны соңгаан

Бөгүн Тыва Республика Соңгулда комиссиязының кежигүннери 35-ки хуралында, чажыт бадылаашкынның шиитпири-биле Лариса Сереновна Андалаеваны кандидатуразын бадылаан. 

14.02.2023 Тывада күрүне кызыгаарында эрттирилге пунктулары февральдың 21, 22, 23, 24 база 26-да ажылдавас

Февральдың 21, 22, 23, 24 база 26-да санитарлыг хүннер чарлаттынгандан, Россияның Моол-биле күрүне кызыгаарында «Хандагайты», «Цагаан-Толгой» база «Шара-Суур» автомобиль эрттирилге пунктулары ол хүннерде ажылдавазын, Тыва Республиканың Даштыкы экономиктиг харылзаалар агентилели дыңнаткан.

14.02.2023 ТР-ниң Сайгарлыкчы чорукту деткиир фонд «Ус ажыл школазынга» өөредилгени эгелээр

 Россияның улусчу уран-дарган болгаш ус-шеверлел палатазының баштаар чериниң президентизи, юрист Жанна Сусловичене республиканың Сайгарлыкчы чорукту деткиир фондунуң Улусчу уран ус-шеверлел төвүнүң “Ус ажыл школазынга” бөгүн эгелээр өөредилгеде кол кичээлдерни бээр.

14.02.2023 Тываның 500 ажыг чурттакчылары национал төлевилел боттанылгазы-биле чаа мергежилдерни халас шиңгээдир

2023 чылда «Демография» национал төлевилелдиң «Ажылче хаара тударынга деткимче» федералдыг программа-биле Тываның 500 ажыг ажыл чок хамаатылары чаа мергежилдерни шиңгээдип ап болурун, республиканың Күш-ажыл болгаш социал политика яамызы дыңнаткан.

14.02.2023 «Деткимче» республика төвү 20 чылдаанын ачы-буян концерти-биле демдеглээр

«Деткимче» республика төвү ажыттынганындан бээр 20 чыл болганынга ачы-буян концертин белеткеп турар. Апрель 12-де Улусчу чогаадылга бажыңынга эртер болуушкун - коллективтиң 2023 чылда кол юбилейлиг хемчээниң бирээзи .

14.02.2023 Россияның Көдээ ажыл-агый яамызы Тывада АҮК хөгжүлдезиниң мурнады боттандырар угланыышкыннарын деткээн
Тываның Баштыңы Владислав Ховалыг Россияның көдээ ажыл-агый сайыды Дмитрий Патрушев-биле ужурашкаш, республиканың агроүлетпүр комплекизиниң мурнады көөр айтырыгларын чугаалашкан.

14.02.2023 Тываның чурттакчылары «Донбасс 2022» фотоделгелгеден ТШО үезиниң болуушкуннарын көрүп болур

«Российская газета» солуннуң фотокорреспондентизи Владимир Аносовтуң «Донбасс 2022» автор делгелгези Кызылда Туризм бажыңынга февраль төнчүзүнге чедир ажылдаар. 

13.02.2023 Тываның чаңгыс аай штавы Донбасста шериглерже ээлчеглиг чүъктү чоруткан

Эрткен неделяның төнчүзүнде, тускай шериг операциязында киржип турар шериг албанныгларже Тыва Республикадан ачы-дуза чүъгүнүң ээлчеглиг партиязын чоруткан.

13.02.2023 2030 чылга чедир Тывада Тудуг адырын хөгжүдериниң стратегиязы бадылаттанган

Тыва беш чыл дургузунда чуртталга тудуун ажыглалче дужаарының чылда хемчээлин 1,5 катап көвүдедип – 2022 чылда 111 муң дөрбелчин метр турганындан, 2027 чылда 141 муң чедирер. 

13.02.2023 Тывада ковидтен аараан кижилер саны неделя дургузунда ийи катап көвүдээн

Росхереглелхайгааралының регион эргелелиниң удуртукчузу Людмила Салчак коронавирус халдавырындан аараан таварылгаларның сан-чурагайын дыңнаткан. Февральдың 4-тен 10-га чедир республикада covid-19-тан аарааны лабораторияга бадыткаттынган 301 кижи илереттинген. 

13.02.2023 Февралдың 25-те Тывага ивижилерниң чаңчылчаан фестивалы болуп эртер

Тожу февраль 25-те планнаан ивижилер фестивалының аалчыларын хүлээп алырынга белеткенип эгелээн. Байырлал кожуун төвү Тоора-Хемден ырак эвесте бирги оймакка болурун организаторлар дыңнаткан.

12.02.2023 Россияның регионнар рейтингизинде Тыва үлетпүр бүдүрүлгезиниң хөгжүлдези-биле мурнуку черде

Үлетпүр бүдүрүлгезиниң индекизи-биле Тыва Республика Россия Федерациязының мурнуку 10 регионнарының бажында. Росстаттың сан-көргүзүү-биле алырга, 2022 чылда Тыва үлетпүр бүдүрүлгезиниң эки динамиказы-биле чуртта эң улуг көргүзүглүг - 137,1 хуу, ооң соонда Брянск область (117,7 хуу) база Калмык Республика (115,3 хуу) чоруп олурар.

11.02.2023 Тывада «Тыва Республиканың алдарлыг дагдыныкчызы» хүндүлүг атты тургузар

Дүүн Башкылар съездизиниң соонда, хөй чыл стажтыг башкылар-биле ужурашкан соонда, Тываның Баштыңы Владислав Ховалыг республиканың аңгы-аңгы өөредилге организацияларындан дагдыныкчы башкыларның «Тыва Республиканың алдарлыг дагдыныкчызы» хүндүлүг атты тыпсыр дугайында саналын деткээнин бодунуң блогунда дыңнаткан. 

11.02.2023 Тываның Баштыңы Башкылар съездизинде өөредилгениң шынарын бедидер кол хемчеглерни айыткан

В. Көк-оол аттыг Национал театрга Тываның башкыларның республика съездизи болуп эрткен. 

11.02.2023 Тывада автотранспортка техниктиг хыналда эрттирериниң тариви өскерилген

Январьның 1-ден автомобиль транспортунуң техниктиг байдалын хынаар ачы-дузага чаа өртектерни киирген. Республиканың Чазаа теххыналда өртээн өскертир дугайында Тарифтер албанының саналын деткээн.

10.02.2023 Тываның уран-шеверлериниң "Шагаа белээ" садыг-делгелге ажылдап турар

Реcпубликаның кожуун, суурларында чоннуң Шагаа байырлалынга уткуштур тыва чемнер, идик-хептер болгаш ус-шеверлел ажылдарын делгеп-саткан хемчеглер калбаа-биле эртип турар. 

10.02.2023 Тываның Чазаанга республикада мал эмчилери чедишпес айтырыгны шиитпирлээриниң аргаларын чугаалашкан

Тываның Баштыңы Владислав Ховалыг республиканың ветеринария албан черлеринде специалистер чедишпес айтырыгны Россияның көдээ ажыл-агый хайгааралының Хакасия, Тыве база Кемерово облазы – Кузбасста территориалдыг эргелелиниң удуртулгазы-биле сайгарып чугаалашканнар.

10.02.2023 Тыва Республика Кыдат Улус Республиканың Синьцзян-Уйгур автономнуг можузу-биле кады ажылдажылганы калбартыр

Дүүн видеоконференцхарылзаазының үезинде, ийи тала Тыва Республиканың Чазаа биле Кыдат Улус Республиканың Синьцзян-Уйгур автономнуг можузунуң Чазааның аразында дугуржулга хемчеглерин боттандырар планны бадылаан.

10.02.2023 Тывада "Чаңгыс демниг Россия" партиязы тускай шериг операциязының киржикчилерин болгаш оларның өг-бүлелерин деткээн организацияларны шаңнап-мактаан

Тыва Республиканың Чазаанга "Чаңгыс демниг Россия" бүгү-российжи политиктиг партияның дээди партийжи удуртулгазындан шаңналдарны тыпсыр езулал болуп эрткен.