Тываның Баштыңы Башкылар съездизинде өөредилгениң шынарын бедидер кол хемчеглерни айыткан

В. Көк-оол аттыг Национал театрга Тываның башкыларның республика съездизи болуп эрткен. Регионнуң Баштыңы Владислав Ховалыг, сенатор Дина Оюн, Тыва Республиканың Дээди Хуралының (парламент) даргазы Каң-оол Даваа база Татарстан Республиканың Өөредилге яамызының немелде профессионал өөредилге килдизиниң начальниги Роза Шаяхметова баштаан төлээлер хемчегниң хүндүлүг аалчылары болган.
Съездиниң делегаттары Тывада Башкының болгаш дагдыныкчының чылын албан езузу-биле айыткан. Съезд ажылының түңнели-биле, регионнуң өөредилге политиказының өөредилгениң шынарын бедидер мурнады көөр угланыышкын апаар арга-сүмелерлиг болгаш санал-оналдарлыг резолюция хүлээп алдынган.