Тывада күрүне кызыгаарында эрттирилге пунктулары февральдың 21, 22, 23, 24 база 26-да ажылдавас

Февральдың 21, 22, 23, 24 база 26-да санитарлыг хүннер чарлаттынгандан, Россияның Моол-биле күрүне кызыгаарында «Хандагайты», «Цагаан-Толгой» база «Шара-Суур» автомобиль эрттирилге пунктулары ол хүннерде ажылдавазын, Тыва Республиканың Даштыкы экономиктиг харылзаалар агентилели дыңнаткан.

Февральдың 25-те «Хандагайты» эрттирилге пунктузу анаа ажыл чуруму-биле ажылдаар. Моолче чоруурун планнап турар республиканың чону база аалчылары ол медээни өөренип көөрү артык эвес.

2023 чылдың февраль 22 биле 23-те Моолга Цагаан-Сар – Чаа чылды байырлаары-биле, моол таланың дилээ езугаар, «Хандагайты», «Цагаан-Толгой», «Шара-Суур» күрүне кызыгаары эртер черлерде санитарлыг хүннерни киирген.

Россия Федерациязының Чазааның 2022 чылдың август 29-та №1505 доктаалы езугаар, 2023 чылдың январь 1-ниң дыштаныр хүнүн 2023 чылдың февраль 24-че чылдырганы, ол ышкаш февраль 23-те Ада-чурт камгалакчызының хүнүн байырлаары-биле, февраль 23 биле 24-тү санитарлыг хүннер кылдыр тургускан.

«Цагаан-Толгой» биле «Шара-Суур» автомобиль эрттирилге пунктуларында февраль 25-те немелде санитарлыг хүннү киирген. А «Хандагайты» автомобиль эрттирилге пунктузу анаа ажылдаар.

2023 чылдың февраль 26 – улуг-хүннүң дыштаныр хонуу.