Медээлер

09.02.2023 Тывадан мобилизастаттынган шериг албанныглар 55-ки мотоадыгжы бригаданың одуруунче кирер дээш Луганскыда чеде берген

Тывадан мобилизастаттынганнарның видео-дыңнадыының соонда, республика Баштыңының даалгазы-биле Донецск Улус Республикада чеде берген Тыва Республиканың Чазааның даргазының орлакчызының албан-хүлээлгезин күүседип турар Виталий Бартына-Сады, шериг албанныглар ДУР-дан үнгеш, 55-ки мотоадыгжы бригаданың одуруунга кирер дээш, Луганск Улус Республикада чеде бергенин дыңнаткан.

09.02.2023 2023 чылдың төнчүзүнде «Хандагайты—Боршоо» кызыгаар эрттирилге пунктузу хөй талалыг апаар

Тываның Баштыңының даргалаашкыны-биле эрткен Тыва Республиканың Кызыгаар комиссиязының хуралында, «Хандагайты - Боршоо» ийи талалыг эрттирилге пунктузун хөй талалыг кылдыр эде классификастаар ажылдың чорудуун чугаалажып көрген.

09.02.2023 Чайын Тывага хөөмейге VII делегей симпозиуму болуп эртер

Июньнуң 7-9 хүннеринде Кызылга, «Хөөмей» делегейниң эртем төвүнүң (амгы үеде – «Хөөмей» делегей академиязы) 30 чылдаанынга тураскааткан «Хөөмей – Төп Азия чоннарының культурлуг эртинези» деп этнохөгжүмнүң ээлчеглиг, чедиги делегей симпозиуму болуп эрттерин Тываның культура яамызы дыңнаткан.

09.02.2023 Тывага Россияның Эртем хүнүнде республиканың эртемденнеринге байырны чедирген

Кызылда Аныяктар ордузунга, Россияның эртем хүнүнде, республиканың эртеминиң алдар-аттыг хоочуннарынга база улуг идегелди берип турар аныяк эртемденнерни демдеглээн.

08.02.2023 Тывада национал төлевилелдер айы чоруп турар

«Национал төлевилелдер түңнелдери» федералдыг кампания чорудуунуң национал төлевилелдер айы февраль 26-га чедир үргүлчүлээр. Ол үе дургузунда, регионнуң шупту яамылары Интернет четкизинде боттарының албан курлавырлары база массалыг информация чепсектери таварыштыр кандыг хемчеглер эрттиргенин, кандыг үре-түңнелдерни чедип алганын тодаргай таныштырар.

08.02.2023 Тывада сайыттарның, мэрлерниң база кожуун чагырга даргаларының ажылының шынарын чеже ажылчын олуттар ажытканындан үнелээр

Тывада регионнуң күүсекчи эрге-чагырга органнары база тус чер бот-башкарылга удуртукчуларының ажылының шынарынга чаа негелдени киирген – оларның харыысалгазында адырларда база девискээрлеринде чурттакчы чонну ажылга хаара тутканының деңнели. 

08.02.2023 Россияда эң улуг дээн сарыг шажын хүрээзиниң ажыдыышкынын соңгаарлаткан
Россияда эң улуг буддийжи хүрээ – Чырыткылыг 14-кү Далай-Башкының бодунуң айызааны Кызыл хоорайда «Тубтен Шедруб Линг» хүрээниң февраль 21-де болур турган ажыдыышкыны элээн соңгаарлаттынган. Кужугет Шойгу аттыг культура фондузунуң парлалга-секретары Антон Тарханов ооң дугайында дыңнаткан.

07.02.2023 Тывада чазын суг үеринге алзып болур девискээрлерни тодараткан

Республика Баштыңы Владислав Ховалыгның даалгазы-биле, чазын харлар эрип, суглар чайындылап эгелээрге, сугга алзып болур девискээрлерни тодарткан. 18 суурларда 1 муң хире өрегелер чазын сугга алзып болурунуң айыылы барын, ТР-ниң Бойбдус курлавырлары болгаш экология яамызы дыңнаткан. Ында 3 муң хире кижи, ооң санында 846 чаштар чурттап турар. 

07.02.2023 Тывада тускай шериг операциязының киржикчилеринге база бир эмчи чиигелдезин берген

Республиканың Кадык камгалал яамызы Тыва Республиканың Баштыңы Владислав Ховалыгның даалгазн күүседип, керээ азы эки тура-биле тускай шериг операциязынга киржир дээш шериг албанынче чоруп турар кижилерниң эмчи шинчилгезин халас организастаар дугайында шиитпирни хүлээп алган.

07.02.2023 Тываның Баштыңының даалгазы-биле республика курлавырындан мал чемин ажыл-агыйларга үлээн

Кыштаглаашкын үезинде мал бажының чидириин болдурбазы-биле, республика фондузундан мал чемин хереглелдиг ажыл-агыйларга үлеп, деткимчени көргүзер даалганы Көдээ ажыл-агый яамызынга Владислав Ховалыг берген. 

07.02.2023 Тывадан мобилизастаттынган оолдар-биле болуушкунга хыналда чоруп турар

Тываның Баштыңы РФ-тиң Президентизиниң Чарлыы езугаар эге белеткелдиң баазалыг деңнелин хандырар оперативтиг штабтың хуралын эрттирген.

06.02.2023 Владислав Ховалыг: Тываның энергия хандырылгазының план күүселдези аңгы-аңгы адырларны өрү тырттар
Тываның Баштыңы Владислав Ховалыг Москвага ажыл-агыйжы сургакчылаашкын үезинде, РФ-тиң Чазааның даргазының оралакчызы Александр Новак-биле ужурашкан. 

06.02.2023 Бо чылын Тываның 3,8 муң ажыг чурттакчылары-биле социал керээлерни чарар

2023 чылда Тываның 3880 чурттакчызы социал керээ-биле күрүне деткимчезин алыр. Программага киржир күзелдиг кижилерден документилер хүлээп алыышкыны февраль 1-ден эгелээнин регионнуң Күш-ажыл яамызы дыңнаткан.

06.02.2023 Тыва Россияның Тудуг яамызының шугуму-биле федералдыг программаларның күүселдезин чедип алган

Тываның Баштыңы Владислав Ховалыг Россияның тудуг сайыды Ирек Файзуллин-биле ужурашкаш, Тывада тудуг адырының 2022 чылда түңнелдерин таныштырган. Бистиң республика отчеттуг үе дургузунда, киржип турары федералдыг программаларының көргүзүглерин күүсеткен.

06.02.2023 Тывада «омикрон» коронавирус халдавырының «кракен» хевири-биле аараан бирги таварылга демдеглеттинген

Тыва Республиканың кол санитар эмчизи Людмила Салчак республикада коронавирус халдавыры-биле аараан кижиниң биологтуг материалын шинчээн соонда, ында «омикрон» коронавирус халдавырының «кракен» хевири бары бадыткаттынганын дыңнаткан.

06.02.2023 Тываның Баштыңы Владислав Ховалыг Донецк Улус Республикада долу эвес мобилизация-биле чоруткан шериг албанныгларның видеодыңнадыының соонда, бодунуң төлээлерин ынаар чоруткан

Тывадан долу эвес мобилизация-биле чоруткан чаңгыс чер чурттугларывыстан видеодыңнадыг социал четкилерге үнүп келирге-ле, Тываның Баштыңы Владислав Ховалыг Донецк Улус Республиканың Чазааның даргазы Виталий Хоценкоже дораан долгаан.

04.02.2023 2023 чылда Тываның Адалар чөвүлели 10 чылдаанын демдеглээр

 «Тыва Республиканың Адалар чөвүлели» бо чылын тургустунганындан бээр 10 чыл оюн демдеглеп турар. Чазак бажыңынга аңаа тураскааткан Чазак Даргазының оралакчызының хүлээлгезин күүседип турар Айдың Чюдюктуң киржилгези-биле калбак хурал болуп эрткен.​ 

03.02.2023 Тывада Шагаа байырлалынга тураскааткан хемчеглер эгелээн

Тыва чоннуң Чаа чыл байырлалы - Шагааның бүдүү айының хемчеглери эгелээн. Республиканың оргкомитеди чоннуң байырлалы - Шагааның бүдүү айында болуп эртер чырыдыышкын, өөредилге, спортчу болгаш культура-массалыг хемчеглер программазын бадылаан.

03.02.2023 Тывада хөй ажы-төлдүг 70 аданың кыйгыртылгаже хуусаазын соңгаарлаткан

Азыралында 16 хар чедир назылыг, үш болгаш оон хөй ажы-төлдүг хамаатыларга мобилизация-биле шериг албанынче кыйгыртылгазының хуусаазын соңгаарлаткан.

 

03.02.2023 Владислав Ховалыг Тывада орук четкизин экижидеринге федералдыг бюджеттен акша-хөреңгини немей хаара тударын чугаалаан

Тываның Баштыңы РФ-тиң транспорт сайыдының бирги оралакчызы Андрей Костюк-биле ажыл аайы-биле ужурашкаш, республика оруктарының тудуунче база эде чаартылгазынче акшаландырыышкынны көвүдедирин чугаалашкан.