Бо неделяда Тываның чурттакчылары 5 хонук дыштаныр

Тываның чурттакчыларынга чаа ажылчын неделя ийи ажыл хонуктуг. Республика Шагааны байырлаары-биле, Россияның өске регионнардан бир хонук артыкка дыштаныр.
Тыва Республиканың Камбы-Лама эргелели бо чылын Чаа чыл 2023 чылдың февраль 21-де үнүп келирин ай санаашкыны-биле үндүргенинден, регионнуң депутаттары декабрьда-ла ол хүннү доктааткан. «Тыва Республиканың байырлал хүннериниң дугайында» регион хоойлузу езугаар чоннуң Шагаа байырлалы - дыштаныр хүн апаар. Бо неделяның понедельникте, азы 20-де база средада, февраль 22-де ажылдаар. Февраль 23 – Ада-чурт камгалакчының хүнү – дыштаныр хүн, а Чаа чыл хонуктарының дыштаныр хүнү – январь 1-ни – улуг-хүннү февраль 24-түң хүнүнче чылдырган. Суббота база улуг-хүннү кады санаптарга, беш хонук дыштаныр апарган ужуру ол.
Неделяда алды хүн ажылдаар черлерге февраль 25-тиң суббота хүнү – ажылдаар хүн болурун, Роскүш-ажыл тайылбырлаан.