Тыва турисчи инфраструктураның хөгжүлдезинче федералдыг субсидияны алыр

Россия Чазааның 2023 чылда 3 ажыг млрд рубль акшаны туризм хөгжүлдезинче үлештирген Россияның 44 регионунуң санында Тыва база кирген. Премьер-министр Михаил Мишустин февраль 9-та чогуур айтыышкынга атты салган.
Тывага бээр субсидияның түңү 43 млн.156,9 муң рубль. 2022 чылда «Туризм болгаш хүндүлээчел чорук индустриязы» национал төлевилел күүселдези-биле эрткен конкурстуг шилилдениң түңнелинде акша-хөреңгини тускайлап, турисчи инфраструктураны хөгжүдеринче угланган хөй-ниити инициативаларын деткиир.
«Аян-чорукчуларга билдингир черлерниң чаңгыс аай архитектурлуг-культурлуг шөлүн тургузуп, тураскаалдыг черлерин каттыштырып, чаагайжыдылганы чорудуп, кижилерге таарымчылыг болгаш эптиг навигацияны киирип, шупту чүүлдерни чаңгыс аянга кылырынга акша-хөреңги дузалаар. Ол чурттакчылыг черлерниң чонунга-даа, аян-чорукчуларга-даа тарымчалыг, оларны хаара тударынга-даа эптиг» – деп, Михаил Мишустин чугаалаан.