Медээлер

30.05.2022 Владислав Ховалыг Тываның төөгүзүнүң чаа өөредилге номун тургузарын саналдап үндүрген
Тывада өөреникчилерге республиканың чаа төөгү номун чыып тургузар ажыл эгелээн. Тываның Баштыңы Владислав Ховалыг 2022 чылда бодунуң айыткалында мурнады кылыр ажылдарның бирээзи кылдыр төлевилелди боттандырарын ол айыткан.

30.05.2022 Тыва Республика девискээринде коронавирус талазы-биле эпидемиологтуг байдал
Росхереглел хайгааралының Тыва Республикада эргелели биле ТР-ниң Кадык камгалал яамызының медээзи-биле алырга, эрткен неделяда, азы 2022 чылдың май 20-26-га чедир COVID-19-тан аарааны лабораторияга бадыткаттынган 27 чаа таварылга бүрүткеттинген. 

30.05.2022 Тываның кулаа дыңнавас спортчулары Россияның бирги чери дээш дзюдо чемипионадынга чедиишкинниг киришкен
Майның 28-29 хүннеринде Подмосковьениң Зеленоград хоорайынга кулаа дыңнавас спортчуларның дзюдога Россия чемпионады болуп эрткен. Республиканың кулаа дыңнавас уруглар школа-интернадының чыынды командазы Тываны төлээлээн. 

30.05.2022 Боттарын ажыл-биле хандыртырган хамаатыларның ийиги шуулганы Кызылга болуп эрткен
«Бодун ажыл-биле хандыртынары – чедиишкинниг бизнесче бирги базым» деп аттыг боттары ажыл-биле хандырттынган хамаатыларның ийиги республика шуулганы ажылын дооскан.

28.05.2022 Тываның Баштыңы Россияның Федералдыг кызыгаар албанының ТР талазы-биле эргелелиниң ажылдакчыларын шаңнаан
ТР-ниң Баштыңы Владислав Ховалыг Россияның Федералдыг кызыгаар албанының тургустунган хүнүнге тураскаадып, Тыва Республикада федералдыг албанның ажылдакчыларынга күрүне шаңналдарын тывыскан

27.05.2022 Тываның эрге-чагыргазынга арга-арыгда улуг өрттерни өжүреринче күштерни база акша-хөреңгини мөөңнээрин дааскан
Тываның Баштыңы Владислав Ховалыг арга-арыг өрттерин өжүрер ажыл-чорудулганы дүүштүрер федералдыг штабтың хуралынга киришкен. Россия Федерациязының бойдус курлавырлары база экология сайыды Александр Козловтуң даргалааны ВКС хурал май 26-та болган.

27.05.2022 Кызылдан Улан-Удэже дорт авиарейс ажыттынган
Тыва Республиканың күүсекчи эрге-чагыргазы транспорт чедингирин улгаттырып, турисчи курлавырларны бедидер сорулга-биле, чаа рейсти организастап, авиакомпанияларны хаара тударының аргаларын эрткен чылдан бээр көрүп келген.

27.05.2022 Тывада кайы хамаанчок төктүнген боктарны чок кылыр ажылдарның акшаландырыышкынын беш катап улгаттырган
Тывада кайы хамаанчок төктүнген боктарны аштаарынга 2022 чылда бюджеттен 21 млн рубльди тускайлаан, эрткен чылга деңнээрге ол 5 катап хөй. Коммунал боктарның ала айгаар чыглы берген черлерин аштап-арыглаары элээн калбарар.

27.05.2022 Тываның Баштыңы Александр Куренковка харыысалгалыг албан-дужаалда томуйлатканы-биле байырын чедирген

Тываның Баштыңы Владислав Ховалыг РФ-тиң хамааты камгалал, онза байдалдар болгаш ала чайгаар болган халаптарның уржуктарын чайладыр херектер талазы-биле сайыттың албан-дужаалында томуйлатканы-биле Александр Куренковка байырын чедирген.

26.05.2022 Тываның школаларының капитал септелгезинде ортумак профессионал өөредилге черлериниң сургуулдары киржип турар
Тываның техникумнарының 20 сургуулу школаларның капитал септелгезин кылып турар тудуг организациялары-биле керээни чаргаш, ажылдап эгелээн. Оолдарга арга-дуржулга шиңгээдип, акша ажылдап алырынга тергиин эки арга деп, регионнуң өөредилге сайыды Алексей Храмцов чугаалаан. 

26.05.2022 Тываның эрге-чагыргазы кадрлар белеткелиниң тускай сорулгалыг чагыглар санын 1,2 катап көвүдеткен
Тывадан 935 оолдар, кыстар чурттуң дээди болгаш ортумак тускай өөредилге черлеринче тускай чыылда-биле 2022 чылда дужаап кирерлер. Республиканың эрге-чагыргазы ынча санныг олуттарны күрүнениң кадрлар чагыының шугуму-биле чагаан. 2021 чылга деңнээрге, ол 185 олутка хөй. 

26.05.2022 Агаарже хоралыг бүдүмелдер үндүргенинге квота бээр федералдыг экспериментиге Тываның найысылалы киржир
Агаарның шынарын экижидеринге дыка хереглелдиг РФ-тиң 24 хоорайларының баш бурунгаар тургускан санынче республиканың найысылалы Кызыл хоорайны киирерин Тываның эрге-чагыргазы чедип алган.

26.05.2022 Тывада кадык камгалалының бирги звенозун эде чаартыры-биле ам база дериг-херекселдер келген
Республиканың 1 дугаар эмнелгезиниң консультативтиг-диагностика поликлиниказында, Чөөн-Хемчиктиң база Улуг-Хемниң кожууннар аразының эмнелге төптеринде, Кызыл, Өвүр, Тес-Хем, Чеди-Хөл кожууннарның төп эмнелгелеринде чымчак эндоскоп чуур MT- 5000L деп дериг-херекселдер келген.

26.05.2022 Тываның Баштыңы Владислав Ховалыг Россияның сайгарлыкчы чорук хүнү-биле республиканың бизнес ниитилежилгелеринге байырны чедирген
«Россияның сайгарлыкчы чорук хүнү-биле байыр чедирип тур мен!
Сайгарлыкчыларының саны немежип турар мурнакчы беш регионнуң санынче Тыва база кирген. 

25.05.2022 СФО регионнарының аразында Тывада инфляцияның деңнели эң куду
Мартка деңнээрге апрельде Тывада чылдың инфляциязы 0,08 хуу пунктуга улгадып, Сибирь федералдыг округдан (19,35%) база Россиядан (17,83%) 15,05 хуу куду болган.

25.05.2022 Тываның 2116 школа доозукчуларынга сөөлгү коңга эткен
Бөгүн май 25-те, Тываның 175 школаларынга 11 класстың 2116 доозукчузунга байырлыг шугум чыскаалы болуп эрткен. Росхереглелхайгааралының регион эргелелиниң санитар-эпидемиологтуг негелделерин сагывышаан, сөөлгү коңганы эрттирген.

25.05.2022 Тывада паром кежиглер ажыттынган
Тывада Бии-Хем биле Каа-Хемде суг оруу ажыттынганы-биле шупту паром кежиглер ажылдап эгелээн. Дош шимчээрге чедир, күстен часка чедир, “улуг чер-биле” харылзаа чок турган 7 суур кожуун төвү-биле аргыжар аргалыг апарган.

25.05.2022 Арга-арыг ажыл-агыйларынга ажыктыг техникалар келген
«Экология» национал төлевилелдиң «Арга-арыглар камгалалы» федералдыг төлевилел күүселдези-биле республикада чаа тускайжыттынган техникалар келген.

24.05.2022 Тывада республика Баштыңының эрге-дужаалының ады өскерилген
Бөгүнден эгелеп Тываның Баштыңы албан-дужаалды өскерткен – “Чазак даргазы” деп немелде тодарадылга чокка, Тыва Республиканың Баштыңы деп адаар. 

24.05.2022 Тываның чер ажылдыглары тарылга шөлдерин улгаттырган
Тываның фермерлери эрткен чылдың тарылга шөлдеринге немей 1 муң га шөлдү ажыглалче киирген. Ынчап кээрге тарылга шөлү 56,2 муң га чедип, 20 хуу улгатканы ол.