Тываның Баштыңы Александр Куренковка харыысалгалыг албан-дужаалда томуйлатканы-биле байырын чедирген

Тываның Баштыңы Владислав Ховалыг РФ-тиң хамааты камгалал, онза байдалдар болгаш ала чайгаар болган халаптарның уржуктарын чайладыр херектер талазы-биле сайыттың албан-дужаалында томуйлатканы-биле Александр Куренковка байырын чедирген.

«Амы-тынны камгалаар дээш бодун хайырлаан кижилерниң лидери болуру — кончуг улуг харыысалга боорда, хүндүткелдиг болгаш төлептиг сорулга. Ол үезинде дээштиг шиитпирлерни ажыглаарын негеп турары чугаажок» - деп, республика Баштыңы соцчеткилерде бодунуң арыннарында байыр чедиришкиннеринде демдеглээн.

Владислав Ховалыг Онза байдалдар яамызын баштаар Александр Куренковка чедиишкиннерни күзээш, чаа сайыт ооң мурнунда удуртукчунуң республикага эгелеп кааны төлевилелдерин, ооң иштинде “Айыыл чок” хоорай аппарат-программалыг комплексти деткип, уланчылаарынга идегелин илереткен.