Тывада республика Баштыңының эрге-дужаалының ады өскерилген

Бөгүнден эгелеп Тываның Баштыңы албан-дужаалды өскерткен – “Чазак даргазы” деп немелде тодарадылга чокка, Тыва Республиканың Баштыңы деп адаар. Тыва Республиканың Дээди Хуралы (парламентизи) республиканың Конституциязынче ол талазы-биле чогуур эдилгени киирген.

РФ-тиң субъектилеринде хөйнүң эрге-чагыргазын организастаар ниити принциптер дугайында федералдыг хоойлуга дүүштүр кол хоойлуже эдилгени киирип, шупту губернаторларны “регион баштыңы” деп адаарын парламент тайылбырлаан.

Ук хоойлу регион хоойлужудулгаларын чаңгыс аайлап, федералдыг төптүң эрге-чагыргазын күштелдирген.  

Оон аңгыда, губернаторларже президентиниң салдарын хоойлу-биле күштелдирген. Ам оларга сагындырыгны, доңгулданы онаап, бүзүрелин чидиргени-биле халап болур апарган.