Арга-арыг ажыл-агыйларынга ажыктыг техникалар келген

25.05.2022 «Экология» национал төлевилелдиң «Арга-арыглар камгалалы» федералдыг төлевилел күүселдези-биле республикада чаа тускайжыттынган техникалар келген.

Тыва Республиканың Арга-арыг ажыл-агыйы база бойдус ажыглал яамызы арга-арыгларны катап тургузуп, ону өстүрүп көвүдеринге херек тускайжыттынган техника – “ТЛ-3АЛМ” деп маркалыг, илчирбелиг дугуйлуг ийи тракторну садып алган. Яамының хуваалдазы-биле ведомство албан черлери ону алыр.

«ТЛ-3АЛМ илчирбелиг машинаны арга-арыг үлетпүрүнүң ажылдарын сайзыраңгайжыдарынга ажыглаар. Улуг болгаш ортумак хемчээлдиг ыяштарны көдүртүп, чүдүрүп ажыглаарынга ажыктыг” – деп, яамының кол механиги Монгуш Мерген Тогус-оолович техниканың онзагай шынарын тайылбырлаан.

2022 чылда «Экология» национал төлевилелдиң «Арга-арыглар камгалалы» федералдыг төлевилел-биле күрүне эрге-чагырга органнарының албан черлерин чепсеглеп, арга-арыг ажыл-агыйынга ажыглаар 17 санныг техниканы сатканын сагындыраал.