Медээлер

19.01.2023 Тывада республиканың оперштавының шиитпирлерин күүсетпээни дээш торгаалдарны доктааткан

Чурттуң регионнарында белен болурунуң чогуур деңнелин хандырган оперативтиг штабтың база республика Баштыңының шиитпирлерин күүсетпээни азы хажытканы дээш адинистративтиг харыысалганы онаар дээн Тываның Чазааның саналын деткээн.

19.01.2023 Тываның эмчилеринге идиг бээр чаа төлевирлерни киирген

Бир талазында, республикадан арга-дуржулгалыг специалистерни чорутпас, а өске талазында – эмчи институттарының база училищелериниң бөгүнгү дозукчаларындан төлептиг салгалды белеткээр дээш, эмнелге ажылдакчыларынга немелде төлевирлерни Тывада доктааткан.

18.01.2023 Тывада мобилизацияже кыйгырткан хамаатыларны деткимче хемчеглеринче хаара туткан

Шериг албанныгларны болгаш оларның өг-бүлелерин деткиир талазы-биле республиканың каттышкан штавының ээлчеглиг хуралында, долу эвес мобилизацияже кыйгырткан хамаатыларның кол кезии республикада хүлээп алган хемчеглерни алганын Тываның Күш-ажыл болгаш социал политика яамызының төлээлери дыңнаткан.

18.01.2023 Тывада Крещение байырлалынга сугже кирип, айыс алыр ёзулалга белеткел доозулган

Православ шажын чүдүлгелиглерниң Крещение хүнүнде ыдыктаан сугга калбаа-биле сугга кирип, айыс алыры - чугула байырлалдарның бирээзи. Сөөлгү чылдарда коронавирус кызыгаарлаашкыннарындан республикага Крещениеде сугга массалыы-биле кирер ёзулал болбайн турганын сагындыраал. Ам бо чылын ук байырлалда хөй чүдүкчүлер келири чадапчок.

17.01.2023 Тываның үндүрүг төлекчилери үндүрүглер төлээриниң чаа дүрүмнерин ажыглаар
2023 чылдың январь 1-ден эгелеп, Тывада 7 муң ажыг хуу сайгарлыкчылар база 3,5 муң юридиктиг черлер Үндүрүг Хоойлузунуң тургусканы үндүрүглер, дадывырлар база чыылдаларын чаңгыс үндүрүг счёдундан (ЕНС)  төлээр. 

17.01.2023 Тывада чуртталга сертификаттарын бээри-биле өскүстерден документилер хүлээп алыышкынын эгелээн

Тываның эрге-чагыргазы өскүс уругларга чуртталга сертификаттарын бээр практиканы моон-даа соңгаар уламчылаан. ТР-ниң Өөредилге яамызы сертификаттар алырынче документилер хүлээп алыыышкыны март 15-ке чедир уламчылаарын чарлаан.

17.01.2023 Тывага «Блокада хлеви» деп сактыышкын акциязы эгелээр

2023 чылдың январь 18-тен эгелеп, республикада «Блокада хлеви» деп бүгү-российжи сактыышкын акциязы эгелээр. 

17.01.2023 Тывада сооктар үезинде чылыг-энергетика комплекизиниң, чуртталга-коммунал ажыл-агыйының бүдүрүлгелери кезээде белен чурумга ажылдап турар

Сибирь федералдыг округ база Ыраккы чөөн чүк девискээринде соок агаар тургустунганы-биле, онза байдалдарны болдурбас база чайладырының девискээр системазының күштерин база удуртулга органнарын “кезээде белен” ажыл чурумунче киирер дугайында айтыышкынга республика баштыңы Владислав Ховалыг атты январьның 12-де салган.

16.01.2023 Тываның Баштыңының МИЧ адырында грантыларын тывыскан

Чазак Даргазының информастыг блогун удуртуп турар оралакчызы Айдын Чюдюк тыва журналистиканың хоочуннары-биле ужуражып тура, массалыг информация чепсектериниң база массалыг коммуникация адырында Тыва Республиканың Баштыңының грант алыкчыларының аттарын чарлаан. 

16.01.2023 Тывада ОРВИ болгаш грипптен аарыыры эвээжээн

Бо чылдың январь 2-ден 8 хүннеринде, республикада ОРВИ болгаш грипптен аараан 609 таварылга бүрүткеттинген, ол-ла үениң чүгле үш хонуунда 1468 халдавыр чыпшынган барымдаа демдеглеттинген. 

16.01.2023 Тыва коронавируска удур чурттакчы чонга тарылга салырының көргүзүү-биле РФ-те 8-ки черде

Өске российжилерге деңнээрге, Тываның чурттакчылары коронавируска удур ийи катап хөй тарыткан. Неделяның аппарат хуралында, Росхереглел хайгааралының регион эргелели республика Баштыңы Владислав Ховалыгга регион 2022 чылда вакцинация планын 100, 2 хууга күүсеткенин дыңнаткан.

15.01.2023 Тываның Баштыңы Истелге комитединиң ажылдакчыларынга байырны чедирген

Россия Федерациязының Истелге комитеди тургустунганындан бээр 12 чыл болганын демдеглеп турар. Шак бо чылдар иштинде ооң ажылдакчылары кеземче херектерин истевишаан, боттарының мергежилин болгаш билииниң бедик деңнелин көргүзүп келгеннер.

14.01.2023 Тывада 654 өг-бүле чаңгыс аай пособиени алган

Январь 13-те, республикада ажы-төлдүг өг-бүлелер бирги чаңгыс аай пособиезин алган. Россияның Социал фондузунуң Тыва Республикада салбыры 964 ажы-төлдүг 654 өг-бүле деткимче хемчээн алганын дыңнаткан. 

14.01.2023 2023 чылда Тывада төөгүнүң катап тургузуушкунун бир дугаар организастаар

2023 чылда, Тываның үш төлевилели Президент грантыларының фондузунга бир дугаар киришкеш, тиилээн. Инициативаларны боттандырарынче ниитизи-биле 7,6 миллион ажыг рубльди угландырар.

14.01.2023 Тываның Орук-транспорт яамызы муниципалдар аразында чаа автобус маршруттарын ажыткан

Тываның Орук-транспорт комплекизиниң яамызы чаа үнген чылда Кызыл чоогунче автобус рейстерин база Шагаан-Арыгга чедир муниципалдар аразының маршрудун немей ажыдарын планнаан.

14.01.2023 Тываның Баштыңы республиканың журналистеринге профессионал байырлалы-биле байырны чедирген

Январь 13-те, «Ведомости» солуннуң бирги дугаары чырыкче үнгенден бээр 320 чылын бо чылын демдеглеп эрттирип турар Россияның Парлалга хүнү тавырыштыр, Тываның Баштыңы республиканың массалыг инфрмация ажылдакчыларының шылгараңгайларын демдеглеп, а эң тергииннеринге күрүне шаңналдарын тывыскан. 

13.01.2023 Тываның оруктарында, дыңзыг сооктар үезинде, чолаачылар чылыгар база дуза чедирер пунктулар ажылдап турар

Тывада 48 градус чедир дыңзыдыр сооп эгелээни-биле, республиканың Орук-транспорт яамызы база орук албаны федералдыг база регион чергелиг автооруктарда чолаачылар база пассажирлер чылыгар кылдыр хондур ажылдаар пунктуларны январь 12-ден эгелеп организастаан.

13.01.2023 Тывада «Делегейде тываларның Шагаа-биле видео байыр чедириишкиннери» деп улусчу төлевилел эгелээн

Тываның Аныяктар херээниң талазы-биле агентилел “Делегейде тываларның Шагаа-биле видео байыр чедириишкиннери” деп улусчу төлевилелдиң эгелээнин чарлап, күзелдиг кижилерни аңаа киржиринче чалаан.

13.01.2023 Тываның эрге-чагыргазы «ДОМ.РФ» күрүне компаниязы-биле кады хөлезилээр чуртталга тудуун хөгжүдер

Тывада бажың хөлезилээр база автомобиль тургузар ажылдыг организацияларны эт-хөреңги үндүрүүнден хостаан. ТР-ниң Тудуг яамызының белеткээни «Организацияларның өнчү-хөреңгизинге үндүрүг дугайында» регион хоойлузунче бажыңнар хөлезилээр операторларга ындыг чиигелдени киирер дугайында доктаалын республиканың Чазаа бадылаан.

12.01.2023 «Енисей Сибириниң лидерлери» конкурстуң тиилекчилер санында Тываның 17 чурттакчызы бар

«Енисей Сибириниң лидерлери» регионнар аразында конкурстуң түңнелдерин үндүрген. Тиилекчи болган 97 конкурсантының аразында Тыва Республиканың 17 чурттакчызы бар.