Тываның Баштыңы Истелге комитединиң ажылдакчыларынга байырны чедирген

Россия Федерациязының Истелге комитеди тургустунганындан бээр 12 чыл болганын демдеглеп турар. Шак бо чылдар иштинде ооң ажылдакчылары кеземче херектерин истевишаан, боттарының мергежилин болгаш билииниң бедик деңнелин көргүзүп келгеннер.

Республиканың Баштыңы Владислав Ховалыг юстицияның полковниги Константин Столбинниң удуртканы Тывада Истелге эргелелиниң коллективин Россияның Истелге комитединиң тургустунганындан бээр 12 чыл болганы-биле байырны чедирген.

“Кем-херек үүлгедиишкиннери-биле демисел ажылынче силерниң киирип турар үлүг-хууңарны үнелээри кончуг нарын. Чөптүг чорукту катап тургузар, саттыныкчы чорукту узуткаар, аар хоойлу-дүрүм үрээшкиннерин истээр дээш оон-даа өске амыр эвес айтырыгларны шиитпирлээри силерниң ажыл-ижиңерге, мергежилиңерге бердингениңерден, хууда харыысалгаңардан хамааржыр.

Хүндүлүг, Истелге эргелелиниң ажылдакчылары болгаш хоочуннары! Күрүнениң, ниитилелдиң болгаш хоойлунуң чаагай чоруу дээш чаа-чаа бедиктерни күзедим. Силерге болгаш өг-бүлеңерге быжыг кадыкшылды, чаагай чорукту күзедим” – деп, регионнуң баштыңы бодунуң телеграмм-каналында бижээн.