Медээлер

07.02.2024 Республика чурттакчызының мөчээн чылдагаанын истээр дилегни Тываның омбудсмени Россияның Истелге комитединиң даргазынче киирген

Тываның Баштыңы Владислав Ховалыгның даалгазы-биле, 2024 чылдың январь 31-де Санкт-Петербург хоорайның Мария эмнелгезиниң дузалал ажыл-агый өрээлинге республиканың чурттакчызы Айдыс Чындыгырның мөчүзү тывылган фактыга истелгени чорудар дугайында бижикти Россия Федерациязының Истелге комитединиң даргазы Александр Бастрыкинниң адынче чоруткан. 

07.02.2024 Тывада эде чаарткан инвестиция порталын ажылдаткан

Тываның Экономиктиг сайзырал яамызы «Тыва Республиканың инвестиция порталы» чаартынган информация системазын таныштырган.

06.02.2024 Тываның эртемденнери «Яндекс очулдурукчу» ачы-дузазынче тыва дылды киирер дээш ажылдап турар

2023 чылда бадылаан Тыва дылды хөгжүдериниң база деткиириниң  күрүне стратегиязының бир угланыышкыны - тыва дылды чурагайжыдары.

06.02.2024 Тывада ай санаашкыны-биле Чаа Чыл – Шагааның байырлал хүннеринде 800 ажыг культура-массалыг хемчеглер эртер

Тыва бо чоокку хүннерде ай санаашкыны-биле чоннуң Чаа чыл – Шагаа байырлалын демдеглеп эрттирер. Частың башкы айы дүжерин санап, ооң хүнүн чылдың-на тодарадыр. 2024 чылда бүгү чон февраль 10-да Шагаа хүнүн байырлаар.

06.02.2024 Тывада коклюш аарыының көвүдээни демдеглеттинген

2023 чылга деңнээрге, Тывада коклюштан аарыыры январьда 2 катап көвүдээн. 2024 чылдың эгезинде 100 муң чурттакчы чонга онааштыр 5,3 кижи (РФ-те – 11,5), азы 18 кижи коклюштан аарааны бүрүткеттинген.

05.02.2024 ТШО зоназынче чорудар Тывада ужудукчу чок ужар чүүлдерниң улуг партиязын чыып эгелээн

Регион чазааның деткиишкини-биле Кызылда ужудукчу чок ужар шериг дериг-херекселдер бүдүрүлгезиниң хемчээлин улгаттырган. Амгы үеде тускай шериг операциязынче чорудар дроннарны ында чыып турар.

05.02.2024 Тывада «Культурлуг десант» төлевилел көдээниң чурттакчыларын культура болгаш уран чүүлче хаара тудар

Тываның Баштыңы Владислав Ховалыг 2024 чылда Дээди Хуралга бодунуң Айыткалын берип тура, көдээ чурттакчылар ортузунга культура-чырыдыышкын ажылдарын чорударының чугулазын демдеглээн. 

05.02.2024 Тывада «Самбону – школаларже» төлевилелдиң киржикчилери үш чыл дургузунда үш катап көвүдээн

Тывада «Самбону – школаларже» төлевилели-биле ажыттынган спортчу клубтарда белеткенип турар бичии мөгелерниң саны 342 кижи четкен. 

03.02.2024 Тывага «Төрээннерим, эргимнерим» регионалдыг шуулган болуп эрткен

Россияда Өг-бүле чылының байырлыг ажыдыышкынынга тураскаадып, «Төрээннерим, эргимнерим» регионалдыг өг-бүле шуулганы Кызылда Аныяктар ордузунга болуп эрткен. 

02.02.2024 Тываның Баштыңы Владислав Ховалыг Россияның вице-премьери - үлетпүр болгаш садыг сайыды Денис Мантуров-биле ужурашкан

Россия Федерациязының Чазааның даргазының оралакчызы – үлетпүр болгаш садыг сайыды Денис Мантуров-биле Тываның Баштыңы Владислав Ховалыг ажыл-агыйжы байдалда ужурашкаш, республиканың үлетпүр болгаш социал адырларында инвестиция төлевилелдериниң энергетика хандырылгазының комплекстиг планының күүселдезин чугаалажып көрген. 

02.02.2024 Тывада Кызыл хоорайның турисчи кодун чогаадып турар
«Сибирь дыштанылгалары» дээн ышкаш турисчи маршрут кирген национал турисчи угланыышкыннарны бөгүн бүгү чурт сайзырадып турар. Чурттуң Президентизи Владимир Путинниң Красноярск крайның, Хакасияның база Тываның девискээрлеринге чораан дыштанылга кокпалары-биле ол харылзаалыг.

02.02.2024 ТШО зоназында тыва шериглерже ээлчеглиг гуманитарлыг чүъктү чоруткан

Шериг албанныгларга дуза чедирер чаңгыс аай штаб тускай шериг зоназынче доң инек, хой база аът эъттери-биле долдурган 20 биле 5 тоннаның ийи чүък машиназын чоруткан.

02.02.2024 Тываның Баштыңы Владислав Ховалыг Россияның тудуг болгаш ЧКА сайыды Ирек Файзуллин-биле ужурашкан

Ужуражылга үезинде, «Чуртталга оран-савазы болгаш хоорай хүрээлеңи» национал төлевилелди регионда 2023 чылда күүсеткениниң түңнелдерин сайгарып, ам кылыр ажылдарны чугаалашкан.

02.02.2024 Тывада Башкы болгаш дагдыныкчының чылы Өг-бүле чылынга эстафетаны дамчыткан

Тывага Башкы болгаш дадыныкчының чылын байырлыы-биле хаап, Өг-бүле чылын ажыткан. Байырлыг езулалга республиканың башкылар ниитилежилгези, республиканың аңгы-аңгы булуңнарындан башкы династияның төлээлери, билдингир өг-бүлелер киришкен.

01.02.2024 Тожуда доктаамал чырык хандырылгазынче кожулда ажылдары дооступ турар

Январь 31-ниң кежээзинде, Тожу кожууннуң Тоора-Хем суурунда 500 кВт күчүлүг дөрт чаа дизель генераторларын эптеп, өйлеп база белеткээр ажылдар доозулган.

01.02.2024 Тываның экономика адырының хоочуну, Россия Федерациязының алдарлыг экономизи Светлана Николаевна Сапова мөчээн

Тываның Баштыңы болгаш республика Чазааның кежигүннери күрүне албанының хоочуну, Россия Федерациязының алдарлыг экономизи Светлана Николаевна Сапованың мөчээни-биле ооң төрээн болгаш чоок улузунга ханы кажыыдалын илереткен.

01.02.2024 Тываның лицензия бээр албаны корум-чурум камгалаар органнар-биле кады чажыт арага садыг-саарылгазындан 32 муң литр продукцияны хавырган

Тыва Республиканың ажыл-чорудулганың чамдык хевирлеринге лизенция бээр база хайгаараар албаны республиканың корум-чурум камгалаар органнары-биле кады, 2023 чылда арага продукциязын үүрмектеп садар адырда 278 чурум үрээшкиннерин илереткен.

01.02.2024 Тывада Башкы болгаш дагдыныкчының чылын түңнээн

Россияның президентизи Владимир Путин ниитилелде эң-не шылгараңгай мергежилдерниң бирээзиниң төлээлеринче онза кичээнгейни углаары-биле чарлаан Башкының болгаш дагдыныкчының чылында Тывада 77 улуг хемчеглер болуп эрткен.

31.01.2024 Тываның бичии суурлары – Ленинка биле Тоолайлыгже дүрген дамчыыр Интернетти бо чылын киирер

Эрткен чылгы бүгү-российжи бадылаашкынның түңнелдери-биле «Чурагайлыг дең эвес чорукту чайладыры 2.0» федералдыг төлевилелди күүседип, Бии-Хем кожуунда Ленинка база Мөңгүн-Тайга кожуунда Тоолайлыг суурларже соталыг харылзааны киирер.

31.01.2024 2023 чылда Кызылдың аэропортундан пассажирлер аргыштырылгазы 17,8 хуу өскен

2023 чылда Тываның кол аэропорту 110,9 муң пассажирлерни аргыштырган. 2022 чылга деңнээрге 17,8 хуу хөй, азы ынчан 91277 кижи ушкан.