Медээлер

13.12.2023 Тываның Баштыңы Хову-Аксы суурда газ частыышкынындан когараан өг-бүлеге дузалажырын дааскан

Бөгүн, 10.54-те, Чеди-Хөл кожууннуң ЧДДА дежурныйның телефонунче Хову-Аксы суурнуң Юбилейная кудумчузунда, 3 дугаар бажыңның бир квартиразында частыышкын болган дугайында дыңнадыг кирген. 

13.12.2023 Тываның Чазаа биле «Эльбрусметалл-Литий» (Ростех) социал-экономиктиг кады ажылдажылга дугайында дугуржулгага атты салырлар

«Ростех» инвестиция блок база ооң иштинде «Эльбрусметалл-Литий» структураның удуртулгазы-биле Владислав Ховалыгның ужуражылгазының кол айтырыы – чаа бүдүрүлгеже тус черниң кадрларын хаара тудары болган.

13.12.2023 Тывада дыңзыг сооктардан база дүвүлүг хаттардан мал кыштаглаашкыны нарыыдаан

Чазак даргазының оралакчызы Алик Монгуштуң удуртканы республиканың мал кыштаглаашкынын мониторингилээр оперативтиг штабтың дыңнадыы-биле алырга, агаарның сооганы, харның кылыннадыр чагганы база дүвүлээн хаттар малчын турлагларже оруктарны хөртүктей дуй хадып, мал-маганга берге байдалды тургускан.

12.12.2023 Тывада чаартынган кадрлар төптери таварыштыр ажылга тургустунган кижилер саны чылда 17 хуу көвүдээн

Тывада чонну ажылга хаара тудар төптерни кадрлар төптери кылдыр чаарткан соонда, 2023 чылда аңаа келген хамаатыларның 70 ажыг хуузун ажылга тургускан.

12.12.2023 Национал төлевилелдер боттанылгазын чедип алыр дээш күжениишкинниг ажылдаар

Тыва Республиканың Чазааның аппарат хуралында республикада национал төлевилелдер күүселдезин сайгарып чугаалашкан.

11.12.2023 Тывада Рождество номчулгаларынга киржир күзелдиг шупту кижилерни чалаан

Чаңчыл болу берген Тываның Рождество номчулгалары Кызылда он дугаар болуп эртер.

11.12.2023 Тывада коронавирустуң «ниндзя» штаммы көвүдеп турар

Декабрьның 4-тен 12-ге чедир, Тывада коронавирустан аарыыр чоруктуң деңнели бүдүн чартык катап, азы 71 турганындан 104 чедир өскен. 

11.12.2023 Тывада Чаа чыл кежээлерин эрттирерин хораан

Тыва Республиканың Баштыңы Владислав Ховалыг декабрь 7-де Чаа 2024 чылды байырлаар корпоратив хемчеглерин хоруур дугайында айтыышкынга атты салган. 

11.12.2023 Россияның башкарыкчы эртем төптериниң специалистери Тываның кадык камгалал системазын сайзырадырынга арга-сүмелерни берген

Россияның кадык камгалал сайыды Михаил Мурашконуң база чурттуң башкарыкчы эртем медицина албан черлерниң удуртукчуларның ийи хүн дургузунда ажылдаанының түңнелинде, регионнуң чазаанга республика баштыңы Владислав Ховалыгның, кадык камгалал яамызының удуртулга составының база республиканың эмнелге албан черлериниң кол эмчилериниң киржилгези-биле улуг хурал болуп эрткен.

09.12.2023 Ада-чурт Маадырларының хүнүнде Тывада билдинмес солдаттың тураскаалынга чечектерни салган

Бөгүн, Россияда Ада-чурт Маадырларының хүнүнде, Тываның баштыңы Владислав Ховалыг база Россияның кадык камгалал сайыды Михаил Мурашко, республиканың Дээди Хуралының (парламент) депутаттары, корум-чурум камгалаар болгаш шеригжиткен албан черлериниң ажылдакчылары Кызыл хоорайда Билдинмес солдаттың тураскаалынга чечектерни салган.

09.12.2023 Михаил Мурашко Тываның эмчилеринге ведомство шаңналдарын тывыскан

Россия Федерациязының кадык камгалал сайыды Михаил Мурашко Тыва Республикага кээп чорааш, хөй чылдарда профессонал хүлээлгезин ак сеткилдиг күүсеткен кадык камгалал адырының ажылдакчыларынга ведомство шаңналдарын тывыскан. 

09.12.2023 Михаил Мурашко Тываның онкодиспансериниң чаа дериг-херекселдериниң ажылынга үнелелди берген

Россия Федерациязының кадык камгалал сайыды Михаил Мурашко Тыва Республикага ажыл албаны-биле кээп чорааш четкен бир объектизи - республиканың онкология диспансери болган.

09.12.2023 Тывада чигир аарыглыг уругларның байдалын хынаар дериг-херекселче акша-хөреңгини тускайлаан

Президентиниң даалгазы-биле Россия Федерациязының Чазаа чигир аарыглыг уругларның глюкозазын доктаамал хынап турар портативтиг системалар хандырылгазынга 5,1 млрд ажыг рубльди аңгылап үндүрген.

08.12.2023 Михаил Мурашко Кызылда хөй угланыышкынныг ажыл-чорудулгалыг чаа эмнелге төвүн хынаан
Федералдыг сайыт регионнуң Баштыңы Владислав Ховалыг-биле кады республиканың эмнелге албан черлерин хынаан. 

08.12.2023 Тывада «Соңгукчу-биле харылзааның изиг шугум» телефону ажылдап эгелээн

Россия Федерациязының Федералдыг Хуралының Федерациязы Чөвүлели 2024 чылдың март 17-де Россия Федерациязының президентизинге соңгулда хүнү болуп эртерин доктааткан.

08.12.2023 Россияның кадык камгалал сайыды Михаил Мурашко ажыл албан аайы-биле Тывада чедип келген

Регионнуң Баштыңы Владислав Ховалыг Михаил Мурашкону Кызылдың аэропортунга уткуп алган.

08.12.2023 Москвада Тываның бүрүн эргелиг төлээ чери база «Изида» фонд республиканың чурттакчыларын деткиир

Москва хоорайда Тыва Республиканың бүрүн эргелиг төлээ чери база «Изида» деп сагыш-сеткил үнелиг чүүлдерин, шажын-чүдүлгени, чүдүлгени болгаш шажынчы аян-чорукту камгалап база хөгжүдер ачы-дуза фондузу аразында дугуржулганы чарган. 

07.12.2023 Тываның бюджединде социал чарыгдалдар үлүү планныг көргүзүгнү ашкан

Тывада 2023 чылда республика бюджединиң 9 айында күүселдезиниң түңнелдерин үндүрген. ТР-ниң Саң-хөө яамызының сан-чурагайы-биле алырга, январь – сентябрьда чарыгдалдарның түңү 42 млрд. 289,3 млн. рубль, а орулгалар – 39 млрд. 777,6 млн. рубль болган.

07.12.2023 Инвесторлар корпорацияның төлевилелинче инвестицияны салып, киржикчи болурунга беленин дыңнаткан

Дүүн Тываның Баштыңы Владислав Ховалыг «Енисей Сибирин хөгжүдер корпорацияның» чиңгине директору Сергей Ладыженко-биле ужурашкан.

07.12.2023 Тыва школаларны бүрүнү-биле септеп чаартыр талазы-биле тергииннерниң санында

«Чаңгыс демниг Россияның» чиңгине чөвүлелиниң секретары Андрей Турчак школаларны бүрүн септеп чаартыр талазы-биле тергииннерниң санынче Тыва Республика база киргенин адаан.