Москвада Тываның бүрүн эргелиг төлээ чери база «Изида» фонд республиканың чурттакчыларын деткиир

Москва хоорайда Тыва Республиканың бүрүн эргелиг төлээ чери база «Изида» деп сагыш-сеткил үнелиг чүүлдерин, шажын-чүдүлгени, чүдүлгени болгаш шажынчы аян-чорукту камгалап база хөгжүдер ачы-дуза фондузу аразында дугуржулганы чарган. 

Тускай шериг операциязының киржикчилеринге болгаш дуза дилээн өске-даа бөлүктерниң хамаатыларынга деткимче көргүзерде ийи тала кады ажылдаарын документиде айыткан. Дугуржулга езугаар Москвага түр када келген Тываның тускай шериг операциязының киржикчилеринге база өске-даа чурттакчыларынга хостелге чурттаар чер-биле дузалажарын дугуржулгада көрген.

ТШО дайынчыларының өг-бүлелери база төрелдери, волонтерлар, Москва хоорайга база Москва облазының эмнелге албан черлеринге эмчи квотазы-биле шинчидип, консультация ап база чыдар дээш келген республиканың чурттакчылары, 16 хардан өрү назылыг шкоалчылар, студентилер, аспирантылар база студентилер хостелдиң ачы-дузазын алырын Москва хоорайда Тыва Республиканың бүрүн эргелиг төлээ чери тайылбырлаан.

Тыва Республиканың чурттакчыларынга хостелди бээриниң дугайында айтырыгларны info@pprt17.ru электроннуг почтадан база (499) 236-48-01 телефондан айтырар.