Тывада Чаа чыл кежээлерин эрттирерин хораан

Тыва Республиканың Баштыңы Владислав Ховалыг декабрь 7-де Чаа 2024 чылды байырлаар корпоратив хемчеглерин хоруур дугайында айтыышкынга атты салган. Тускай шериг операциязының үезинде Чаа чылда хөглээшкин кежээлери эрттирип, салюттар чазылдырып, калбаа-биле байырлаары таарышпас деп, регионнуң чазаа тайылбырлаан.

Республиканың удуртулгазы уруглар утренниктерин организастаарындан база уругларга белек-селек садарындан аңгыда, регион эрге-чагыргазының шупту деңнелинде ындыг шиитпирни эрткен чылын база хүлээп алганын сагындыраал. Эрткен чылда ышкаш, хосталы берген акша-хөреңгини республиканың шериг албанныгларынче дузаламчы кылдыр чорудар.

Өске-даа күрүне, муниципалдыг эрге-чагырга органнарының, хуу организациялар удуртукчуларынга корпоративтиг хемчеглер эрттиреринден ойталаарын сүмелээн.