Медээлер

26.04.2023 Тываның эмчи ажылдакчылары региондан үнмейн билиг-мергежилин бедидип турар

Бо хонуктарда, Кызыл хоорайда республиканың улуг эмнелге черлериниң баазазында Тываның эмчи ажылдакчыларының мергежилин бедидер ажылдар чоруп турар.

26.04.2023 Тывада Барыын-Хемчик биле Бии-Хем кожууннарның чурттакчылары чаагайжыдылга девискээрлери дээш эң идепкейлиг бадылап турар

2024 чылда чаагайжыдар хөй-ниити девискээрлерин Тываның чурттакчылары идепкейлиг шилип турарлар. Апрель 24-түң көргүзүү-биле алырга, https://17.gorodsreda.ru/ порталда чоруп турар бадылаашкынга 16,8 муң кижи үнүн берген.

25.04.2023 "Демография" национал төлевилел күүселдези-биле Тывада хууда уруглар садтары 150 чаа олуттарны ажыдар

Тываның хууда уруглар садтары "Демография" национал төлевилел боттанылгазы-биле чаштарга 150 чаа олуттарны ажыдар. 

25.04.2023 Майның 9-та "Өлүм чок полктуң" чаңчылчаан чыскаалын онлайн хевирге акция солуур

Бо чылын Майның 9-зун хостакчы дайынчыларның салгалдарын: Ада-чурттуң Улуг дайынының чылдарында база амгы үеде Төрээн чурту дээш тулчуп турарларны демдеглеп байырлаар. Өгбелеривистиң маадырлыг чоруун сактып, оларның биске чаалап бергени тайбыңны бо хүннерде камгалап турар маадырларынга чоргааралды бүдүн Тыва илередир.

25.04.2023 Тываның көдээ ажыл-агый бараан бүдүрүкчүлери көдээ туризм сайзыралынче грантыны ап болур

«Агротуризм» грантызын бээринге конкурс шилилдезинге киржир билдирииишкиннер хүлээп алыышкыны Тывада эгелээнин, республиканың Көдээ ажыл-агый болгаш аъш-чем яамызы дыңнаткан. 

24.04.2023 Хамаарышпас эксперттер Тывада ажылче хаара туткан кижилерниң саны көвүдээнин демдеглээн

Тыва чонну ажылда хаара тудар темп-биле Россияның мурнуку үш регионунуң санынче кирген. РИА Рейтинг агентилел эксперттериниң чагыы-биле чоруткан шинчилелдер түңнелдеринге даянган ындыг медээни, РИА Новости дыңнаткан.

24.04.2023 РФ-тиң Президентизи Владимир Путин ЛУР-га ачы-дузазын көргүзүп чораан тыва эмчилерге Өөрүп четтириишкиннерни чарлаан

Россия Федерациязының Президентизи Владимир Путин 2022 чылдың чазынында Донбасска ажылдап чораан тыва эмчилерге Өөрүп четтириишкиннерни чарлаан. 

24.04.2023 Тус чер бот-башкарылгазының хүнүнде Тывада боттарының хоорай, суурларының сайзыралы дээш эки ажылдааннарны шаңнап-мактаан

Апрельдиң 21-де Улусчу чогаадылга бажыңынга, «Муниципалдыг тургузуглар чөвүлели» ассоциация кежигүннерниң байырлыг хуралы болуп эрткен. Ассоциацияның Тывада регионалдыг салбыры он чылдаан юбилейин демдеглеп эрттирген.

24.04.2023 Тывага бүгү-российжи субботникче 12 муң ажыг кижи үнген

Эрткен дыштаныр хүнде, Тывага Чер хүнүнге тураскааткан бүгү-российжи субботникче республиканың хоорай, суурларында хөй-ниити девискээрлериниң арыглаашкынынче 12300 ажыг кижи үнүп, 1600 кубометр бокту аштап-арыглаан.

21.04.2023 Тывада 16 чер ажылдыглар картошка болгаш ногаа тарыырынга күрүне деткимчезин алырлар

Республиканың Көдээ ажыл-агый болгаш аъш-чем яамызы картошка болгаш ногаа бүдүрүлгезин көвүдедирин деткииринче угланган субсидия алыр чагыгларның түңнелдерин үндүрген. 

21.04.2023 Тыва бүгү-россижи субботникке каттыжар

Апрельдиң 22-де республиканың кожуун, хоорайларынга бүгү-российжи субботник болуп эртер. Боттарының бажың-балгаттары болгаш организацияларын арыглап-аштаарындан аңгыда, ““Чурттаар чер болгаш хоорай хүрээлеңи” национал төлевилелдиң “Таарымчалыг хоорай хүрээлеңин хевирлээри” программа-биле чаагайжыттынган хөй-ниити шөлдеринге субботниктээринге күзелдиг кижилер үлүүн киириштирип болур.

21.04.2023 Тывада ирбис халдаашкынындан когараан малчынга чидиригни мал-биле эгидерин Россияда бир дугаар чоруткан

Эрткен неделяда, Тывага ирбис халдаашкынындан когараан ажыл-агыйның чидириинге дең компенсацияны эгиткен. "Тыва" бойдус парыгының директору Эдуард Донгак ындыг практиканы чүгле Тывада эвес, а бүдүн Россияда бир дугаар ажыглаанын демдеглээн.

21.04.2023 Тываның Сарыг-Сеп суурда "Билиг.Маадырлар" чаа чырыдыышкын акциязы эгелээн

Бүгү чуртта апрельдиң 18-те стартты алган "Билиг.Маадырлар" деп чаа чырыдыышкын акциязы Тываның Каа-Хем кожууннуң Сарыг-Сеп суурга ужуун салган. 

21.04.2023 Хөй ажы-төлдүг болгаш орулгазы эвээш өг-бүлелерниң бажың-балгадынга автономнуг өрт медээлекчилерин халаска тургузуп бээр

Тываның эрге-чагыргалары хөй ажы-төлдүг болгаш хандырылгазы кошкак өг-бүлелерге деткимчениң немелде хевирин киирген. Республика бюджединиң акша-хөреңгизи-биле өрт медээлекчизи автономнуг дериг-херекселди оларның бажың-балгадынга тургузуп бээриниң шүүделин төлеп бээринге олар белен.

21.04.2023 Өскүс уругларга чурттаар оран-савазын септеп алырынга чаңгыс удааның төлевирин бээр

Республиканың Өөредилге яамызының дыңнадып турары-биле алырга, Тываның Чазааның шиитпиринге дүүштүр өскүс уруглар чурттаар оран-савазын септеп алырынга чаңгыс удааның төлевирин алыр эргелиглер. Төлевирниң хемчээли 50 000 рубль болуп турар. 

20.04.2023 Тываның найысылалында Вавилин ээтпээнче чырык киирер ажылдар уламчылавышаан

Бо чылын Кызылда Вавилин ээтпээнче чырыкты кииреринге 70 хире млн рубльди тускайлаан. Чазак бажыңынга болган бөгүнгү ужуражылга үезинде, «Россети Сибирь Тываэнерго» компанияның удуртукчузу Антон Лукин найысылалдың ол микрорайонунче энергетиктерниң планнааны хемчеглер бо чылын боттанырын республиканың баштыңы Владислав Ховалыгга чугаалаан. 

20.04.2023 Регионалдыг теххайгаарал Тывада ойнаар аттракционнарның техниктиг байдалын контрольда алган

Регионнуң техниктиг хайгаарал албанынга 2023 чылдан эгелеп аттракционнарның ажылдаарынга беленин хынаарын онааган хоойлу төлевилелин Тываның Чазаа деткээн. 

20.04.2023 Тывада өртке удур онза чурумну кииргени-биле арга-арыгже кирерин кызыгаарлаан

Регион Чазааның шиитпири-биле 2023 чылдың апель 20-ден май 20-ге чедир Тыва Республиканың девискээринде өртке удур онза чурумну киирген. Айыттынган ол үеде арга-арыгга болгаш хову шөлдерге өрт үнүп болуру-биле, өртке удур айыыл чок чоруктуңшыңгыыраткан өске негелделерин база киирген.

20.04.2023 Тывада чаагайжыдар хөй-ниити шөлдерин шилиир бадылаашкын эгелээн

Тываның Баштыңы Владислав Ховалыг 2024 чылда чаагайжыдылга объектизин шилиир бадылаашкынга идепкейлиг киржиринче республиканың чурттакчыларын кыйгырган. 

20.04.2023 Тываның Баштыңы тускай шериг операциязының дайынчыларынга тураскааткан Алдар аллеязын тудар черни тускайлап бээрин шиитпирлээн

Чурттуң Президентизи Владимир Путин Федералдыг чыышка Айыткалын берип тура, тускай шериг операциязының киржикчилеринге база мөчээн дайынчыларның өг-бүлелеринге адрестиг дуза көргүзер тускай күрүне фондузун тургузарын чарлаан.