Медээлер

25.08.2022 “Кадык камгалалы” нацтөлевилел-биле келген чаа техника Тываның чедери берге черлерниң чурттакчыларын эргип эгелээн
Кадык камгалал яамызы “Кадык камгалалы” национал төлевилелдиң бирги звенозун эде чаартыр программа-биле республиканың эмнелге албан черлеринде келген «Нива» автомобильдерни Тываның чурттакчыларын хандырарынга  идепкейлиг ажыглап эгелээн.

25.08.2022 Тывада уругларның уран чүүл школаларының башкылары август хуралынга кадрлар айтырыын чугаалажыр
Август 26-27 хүннеринде эртер август конференциязынга республиканың культура болгаш уран чүүл өөредилге албан черлериниң ажылдакчылары чыглып, ужуражыр. 

24.08.2022 Тываның Кадык камгалал яамызы Call-төптерниң ажылын күштелдирген
Кадык камгалал яамызының бо август 24-түң хүнүнде сан-чурагайы-биле алырга, ковидтээн 234 кижини чаңгыс дүүн хүнде илереткен. Ол аараан кижилерниң 49-зу бичии уруглар болза (20,9 хуузу), 185-и – улуг кижилер (79,1 хуузу).

24.08.2022 Тываның активчилери «Культуралар диалогу» бүгү-российжи чоннар аразының аныяктар лагеринге тыва культуравысты таныштырар
Националдар херектериниң талазы-биле федералдыг агентилел августуң 24-28 хүннеринде, Саранск хоорайга, «Культуралар диалогу» бүгү-российжи чоннар аразының аныяктар лагерин ажылдадыр. Тываның аныяктары республиканың национал культуразын беш аңгы угланыышкынга таныштырар.

24.08.2022 Тываның өөредилге ажылдакчылары август 26-да республиканың башкылар чөвүлел хуралынга ужуражыр
В. Көк-оол аттыг хөгжүм-шии театрынга август 26-да, республиканың өөредилге ажылдакчыларының август чөвүлел хуралы болуп эртер. Бо чылгы ужуражылгада «Бистиң тургузуп эгелээнивис өөредилге системазы: чаа шиитпирлерниң үези» деп айтырыгны сайгарар.

24.08.2022 Тываның төлевилелдери «Тулган муниципалдыг практика» бүгү-российжи конкурста киржип турар
«Тулган муниципалдыг практика» бүгү-российжи конкурстуң регион чадазының түңнелдерин комиссия үндүргеш, федералдыг чадага киржир кылдыр дараазында угланыышкыннарда 3 төлевилелди деткээн:

23.08.2022 Тывада ажы-төлдүг өг-бүлелерге күрүне деткимчези кылдыр 834 ажыг млн рубльди төлээн
РФ-тиң Пенсия фондузунуң Тыва Республикада салбыры 8-тен 17 харга чедир уругларлыг, орулгазы хөй эвес өг-бүлелерге 834 ажыг миллион рубльди төлээн. Бо чылдың майдан Россияның Пенсия фондузу ындыг төлевирлерни тускайлаан.

23.08.2022 Республиканың өөредилге черлери 95058 санныг чаа өөредилге номнарын алыр
2021/22 өөредилге чылының төнчүзүнде өөредилге номнары болгаш пособиелер талазы-биле мониторинг эрттирерге, республикада номнарның хандырылгазы ортумаа-биле 84 хуу болганы тодараттынган.

23.08.2022 Шагаан-Арыгда “Хову дайынчызы” скульптураны долгандыр Азия төвүнүң көшкүн чонунуң парыгын тудар
Келир чылын Шагаан-Арыг хоорайга чаа шөл – Азия төвүнүң көшкүн чонунуң парыгы туттунар. 2022 чылдың август 18-19 хүннеринде Тамбов хоорайга эрткен “Чуртталга хүрээлели: бодунуң бажыңы” бүгү-российжи шуулган үезинде, биче хоорайларда база төөгүлүг суурларда таарымчалыг хоорай хүрээлелин тургузар талазы-биле эки дирткен төлевилелдер мөөрейинге бо парктың төлевилели тиилээн.

23.08.2022 «Тываның командазы-2030» шуулган киржикчилериниң төлевилелдери «Тыва Республиканың социал идеялар банкызынче» кирер

«Тываның командазы-2030» республика лидерлерниң шуулганынга киржир чагыглар хүлээп алыышкыны доозулган. Хемчегниң кол организатору ТР-ниң Аныяктар херээниң талазы-биле агентилелдиң дыңнатканы-биле алырга, эксперт комиссиязының сайгарылгазынче чүс хире анкета кирген.

23.08.2022 Ростуризмниң 2023 чылда туризм адырында төлевилелдерге грант деткимчезин көргүзери-биле шилиттинген 44 регионнуң санында Тыва база кирген
Ростуризм регионнар аразынга конкурс шилилдезин дооскан. Туризм адырында аңгы-аңгы угланыышкыннарлыг шупту 1 муң хире төлевилелди 2023 чылда деткиир сорулгалыг шупту 5, 3 млрд рубльди тускайлаан.

23.08.2022 Амыдыралдың берге байдалынга таварышкан өг-бүлелерниң ажы-төлүнге дузалажыры-биле «Школаже чыгдынарынга дузалаш!» акция эгелээн
«Школаже чыгдынарынга дузалаш!» деп бо ачы-буян акциязын хөй ажы-төлдүг болгаш амыдыралы берге байдалдыг өг-бүлелерниң ажы-төлүнге школаже белеткениринге дузалажыр сорулгалыг эрттирери чаңчыл апарган. 

22.08.2022 2022 чылдың август 22-ниң хүнүнде республикада ковид талазы-биле байдал
Бөгүн республика Чазааның аппарат хуралында, эрткен хонукка деңнээрге 62 кижи хөйге ковидтээни илереттинген деп дыңнаткан.
Россияның санитар-эпидемиологтуг албанының Тыва Республикада эргелели-биле ТР-ниң Кадык камгалал яамызы август 21-ден 22-же ындыг медээ барын дыңнаткан.

22.08.2022 Кызыл диплом-биле доосканнарга субсидия бээр конкурсче документилерни хүлээп эгелээнин дыңнадып тур
Тыва Республиканың Аныяктар херээниң агентилели күрүнениң дээди өөредилге черлерин тергиин кылдыр дооскан кижилерге Тыва Республикада чурттаар чер тудуп (садып) алырынга деткимче кылдыр, ипотека чээлизиниң (чээлилерге) чарыгдалын дуглаар компенсация субсидиязын бээр дээш, конкурсту чарлап, документилерни хүлээп эгелээнин дыңнадып тур.

22.08.2022 Тываның найысылалынга Россия Федерациязының Күрүне тугунуң хүнүнде байырлыг езулалды эрттирген
Бөгүн Россия Федерациязының Күрүне тугунуң хүнүн демдеглеп турар. Республиканың найысылалы Кызыл хоорайда Арат шөлүнге аңаа тураскаадып, Россия Федерациязы биле Тыва Республиканың күрүне туктарын көдүрер байырлыг езулал болуп эрткен.

22.08.2022 Каа-Хем суурда амгы үениң модельдиг бибилотеказы ажыттынган
“Культура” национал төлевилелдиң” “Культура хүрээлели” федералдыг төлевилел-биле 2022 чылда республикада чаа үениң беш модельдиг библиоткаларның баштайгызы Кызыл кожууннуң Каа-Хем суурда ажыттынган. 

21.08.2022 "Азия төвүнде хөөмей" делегей чергелиг дөрткү фестиваль ажылын дооскан
Август 16-дан 19-ка чедир республиканың культура амыдыралынга  Культурлуг эгелээшкиннерниң президент фондузу база Тыва Республиканың  Культура болгаш туризм яамызының деткиишкини-биле чоннуң уран чүүлүнүң кайгамчыктыг күүседикчизи Конгар-оол Ондарның чырыткылыг адынга база юбилейинге тураскааткан “Азия төвүнде хөөмей” деп ат-биле эрткен IV делегей чергелиг фестивалы онза исти арттырган.

19.08.2022 Дыңнавастарның бүгү-российжи ниитилелиниң вице-президентизи Евгений Безруков регион регион салбырын деткиир талазы-биле Тываның эрге-чагыргазының ажылын бедии-биле үнелээн
«Дыңнавастарның бүгү-российжи ниитилели» инвалидтерниң бүгү-российжи хөй-ниити организациязының бирги вице-президентизи Евгений Николаевич Безруков Тывада келген. 

19.08.2022 Тывага "хөөмейжи” деп аңгы мергежилди ажыдарын сайгарып чугаалашкан
"Азия төвүнде хөөмей” фестивалының хүндүлүг аалчыларының бирээзи - Гнесин аттыг Россияның хөгжүм академиязының ректору, РФ-тиң Чазааның шаңналының лауреады, РФ-тиң өөредилге адырының хүндүлүг ажылдакчызы, профессор, уран чүүл талазы-биле доктор Александр Рыжинский Тывага онза даалгалыг келгеш барган.

18.08.2022 Тываның Баштыңы республиканың эртеминиң алдарлыг ажылдакчызы Калин-оол Сереевич Кужугеттиң мөчээни-биле кажыыдалын илереткен
Тываның бир дугаар геолог эртемдени, геология-минералогия эртемнериниң кадидады, Россияның эртемнер академиязының Сибирьде салбырының Тывада бойдус курлавырларын комплекстиг шиңгээдип алырының институдунуң эртем ажылдакчызы Калин-оол Сереевич Күжүгет 86 харлап чорааш, чырык өртемчейден чарлып чоруткан.