Республиканың өөредилге черлери 95058 санныг чаа өөредилге номнарын алыр

23.08.2022 2021/22 өөредилге чылының төнчүзүнде өөредилге номнары болгаш пособиелер талазы-биле мониторинг эрттирерге, республикада номнарның хандырылгазы ортумаа-биле 84 хуу болганы тодараттынган.

Республиканың өөредилге организацияларының библиотека фондузунда 1 274 360 санныг өөредилге номнары болгаш пособилер бар: 1-ден 4 класстың өөредилге номнары - 466990, 5-тен 9 класстарныы – 650995, 10-11 класстарныы – 156375 санныг.

Бо чылын республика школаларының библиотекаларын долдурары-биле, 48,865 млн. рубль ниити түңге 95058 санныг өөредилге номнарын чагыткаш, тарадыр хувааган.

Тыва Республиканың Өөредилге болгаш эртем яамызы Кызылдың школаларынга дээш 51598 санныг өөредилге номнарын чагаан керээни «Просвещение» ном үндүрер чер-биле чарган. Ол чардынган керээ езугаар өөредилге номнар бо чылдың октябрь 30-де төндүр келир. Амдыызында 44523 санныг номнар яамыда чедип келген. Август 10-да Кызыл хоорайның школаларынче 27147 санныг номнарны тараткан.
А август 17-де 17376 номнарны немей дүжүрген. Хоорай школалары ол партияны август 25-ке чедир алыр. Ол ышкаш республика школаларының чагыы езугаар 2628 ном база келген.