Тываның активчилери «Культуралар диалогу» бүгү-российжи чоннар аразының аныяктар лагеринге тыва культуравысты таныштырар

24.08.2022 Националдар херектериниң талазы-биле федералдыг агентилел августуң 24-28 хүннеринде, Саранск хоорайга, «Культуралар диалогу» бүгү-российжи чоннар аразының аныяктар лагерин ажылдадыр. Тываның аныяктары республиканың национал культуразын беш аңгы угланыышкынга таныштырар.
Национал болгаш орус дылдарда тускайлаң ужурларын, хөгжүм херекселдерин, аргаларын база чаңчылдарын ажыглап чогаадыкчы ажылды кылып чоруур Россияның чоннарының талантылыг болгаш салым-чаяанныг төлээлерин илередип, ону хөй-чарга таныштырар төлевилел болур.
Хемчеглер сес аңгы темаже угланган: «Национал темалыг чурук», «Каасталга-эт уран чүүлү», «Спорттуң национал хевирлери», «Национал хеп», «Национал аъш-чем», «Национал ыры», «Национал сам», «Национал фольклор».
Тываның активчилери беш - Спорттуң национал хевирлери», «Национал хеп», «Национал аъш-чем», «Национал ыры», «Национал сам», «Национал фольклор» деп угланыышкыннарга киржир.
Россияның төөгүлүг база этнокультурлуг хөй талалыг онзагайынга, күрүнениң национал поликтика айтырыгларынга, чоннар аразының хамаарылгазының психологиязынга, этнопсихологияга тураскааткан лекциялар, челледджтер, эстафеталар культурлуг программада кирген. Билдингир спикерлер, сураглыг тренерлер база алдар-аттыг аалчыларның киржилгези-биле өөредилге хемчеглери база болуп эртер.
Социал ужур-уткалыг төлевилелдиң организаторлары регионнар аразының кады ажылдажылгазын быжыглаар аныяктар лидерлерге өөредиглиг шөлдү тургузуп, Россияның хөй национал чонунуң сагыш-сеткил байлакшылынче сонуургалды бедидер сорулганы салганнар.