Дыңнавастарның бүгү-российжи ниитилелиниң вице-президентизи Евгений Безруков регион регион салбырын деткиир талазы-биле Тываның эрге-чагыргазының ажылын бедии-биле үнелээн

«Дыңнавастарның бүгү-российжи ниитилели» инвалидтерниң бүгү-российжи хөй-ниити организациязының бирги вице-президентизи Евгений Николаевич Безруков Тывада келген. Тыва Республиканың Чазааның даргазының оралакчызы Елена Хардикова, республиканың күш-ажыл, өөредилге болгаш спорт яамыларның удуртулгазы-биле дыңнавас инвалидтерни өөредип, ажылче хаара тударында чедингир хүрээлелди тургузар талазы-биле комплекстиг хемчеглерни организастаар айтырыгларны сайгарып чугаалашкан.
Евгений Безруков Тыва Республиканың Чазааның база регионнуң социал яамыларының, ылаңгыя республиканың күш-ажыл болгаш социал политика яамызының Дыңнавастарның бүгү-российжи ниитилелиниң база дыңнавас инвалидтерниң саң-хөө, юридиктиг дээш оон-даа өске айтырыгларынче, чедингир хүрээлелди хөгжүдеринче онза кичээнгейни салып турарынга бедик үнелелди берген.
Регионнуң социал адыр яамызы Дыңнавастарның бүгү-российжи ниитилелиниң регион салбыры-биле кады ажылдажылганы улам быжыглаарын айтып, регион салбырының даргазы Сайлык Сарыгларга ниитилелге саң-хөө деткимчези бээр адырда федералдыг болгаш регион конкурстарынга идепкейлиг киржирин ажылчын ужуражылга үезинде сүмелээн.