Медээлер

13.09.2023 «Дневник.ру» IT-компания школаларга чаңгыс аай чурагай шөлүн кылырын Тывага сүмелээн

«Дневник.ру» компанияның күрүне-хуу кады эштежилге негелдези-биле, республикага чурагайлыг өөредилге шөлүн ажылдадыр дугайында инициативазын Тываның Чазаа өөренип көрген. 

12.09.2023 Владислав Ховалыг “Сибирь дугуржулгазы” регионнар аразының ассоциациязының транспорт талазы-биле харылзаштырылга чөвүлелин баштаар

Владивостокта Чөөн чүк экономиктиг форумнуң шөлүнге болуп эрткен “Сибирь дугуржулгазы” регионнар аразының ассоциация хуралының соонда, ол билдинген. 

12.09.2023 Тывада муниципалдыг соңгулдаларже келиишкин 83 ажыг хуу болган

Сентябрь 10-да Тываның муниципалитеттеринче соңгулдаларны болган деп санаан. Тываның Соңгулда комиссиязы баш бурунгар түңнелдерни үндүрген.

12.09.2023 Тываның Баштыңы Владислав Ховалыг соңгулдаларга тиилээн губернатор коллегаларынга байырны чедирген

Алтай крайда Виктор Томенконуң, Кемерово облазында Сергей Цивилёвтуң, Красноярск крайда Михаил Котюковтуң, Москвада база Москва облазында Сергей Собянин биле Андрей Воробьёвтуң, Нижегород облазында Глеб Никитинниң, Новосибирск облазында Андрей Травниковтуң, Омск облазында Виталий Хоценконуң, Смоленск облазында Василий Анохинниң, Чукотка Автономнуг округта Владислав Кузнецовтуң база Якутияда Айсен Николаевтиң адынче байыр чедириишкинниг телеграммалар Тыва Республикадан чоруткан.

11.09.2023 Тываның чурттакчылары “Идепкейлиг хамааты” чат-бот таварыштыр чажыт арага садар 54 “точканы” илередиринге дузалашкан

Тываның Баштыңы Владислав Ховалыгның инициативазы ажылдаткан “Идепкейлиг хамааты” чат-бот корум-чурум камгалаар органнарга чажыт арага саарылгазы-биле демисел чорударынга дөгүм болган.

11.09.2023 Республика девискээринде хөмүрнү кайыын QR-код-биле садып алырыл?

Тываның Одалга болгаш энергетика яамызының ажылдап кылганы “Хөмүр продукциязы” күрүнениң информастыг системазы ажылдап эгелээн. Система республика девискээринде оттулар чүүл складтарындан хөмүрнү чиигелделиг өртек-биле садып алыр арганы бээр.

08.09.2023 Сентябрьның 15-тен 21 хүннеринде Армейжи культура хүннери болуп эртер

Тыва Республиканың Культура яамызы-биле  Россия Федерациязының Камгалал яамызының культура департаментизи кады Армейжи культура хүннеринде элээн каш культура-өөредиглиг хемчеглерни эрттирер дээнин Тываның Чазааның деткээн. 

08.09.2023 Тываның Чөөн-Хемчик кожуунда чаңгыс өг-бүледен беш кижиниң орук озал-ондаанга мөчээни-биле кажыыдал хүнүн чарлаан

Сентябрь 8-тиң дүнезинде, бир шак үезинде, Улуг-Хем кожууннуң девискээринге ийи автомашина үскүлешкен орук озал-ондаадан беш кижи ол-ла черинге чок болган, ийи кижи кемдеп-берттинген.

07.09.2023 Тывада хуусаадан эрте бадылаашкынга ийи муң хире соңгукчу киришкен

Тывада, Чаңгыс аай бадылашкын хүнүнде, бодунуң соңгулда участогунга билдингир чылдагаан-биле кээп соңгуп шыдавас кижилерге тус чер хуралдарынче депутаттар соңгулдазының хуусаадан эрте бадылаашкыны сентябрь 5-те доозулган. 

07.09.2023 Владислав Ховалыг дорт дамчыдылга үезинде республика чурттакчыларының айтырыгларынга харыыларны берген

Сентябрь 6-да, Тываның Баштыңы Владислав Ховалыг дорт дамчыдылга үезинде, республиканың чурттакчыларын дүвүредип чоруур чидиг айтырыгларга харыыларны берген. 

07.09.2023 Бай-Тайга кожуунда малчын аалдан үнген ийи харлыг уруг тыпты берген

Бай-Тайга кожууннуң Кара-Хөл суур чоогунда малчын аалга төрели-биле турган ийи харлыг чаш сентябрь 6-да чиде берген.

07.09.2023 Владислав Ховалыг: «Хөмүр-даш продукциязы» күрүнениң информастыг системазы – үениң негелдези

Тываның Баштыңы Владислав Ховалыгның сентябрь 6-да дорт эфиринге көдүрүлген чидиг айтырыгларның бирээзи чурттакчы чонну болгаш эмнелгелер, школалар ышкаш социал албан черлерин хөмүр-даш-биле хандырылгазы, ооң өртээ болган.

06.09.2023 Тыва эзирик машина мунганы дээш күрүне албанындан халаарының дугайында хоойлу төлевилелин саналдап киирген

Республиканың Юстиция яамызы Тываның Баштыңы Владислав Ховалыгның даалгазын күүседип, эзирик машина мунуп чорааш туттурган күрүне албан хаакчызын ажылындан хостаар хоойлу төлевилелин ажылдап кылган.

06.09.2023 Тывада "Школаже белеткениринге дузалаш" акция сентябрьның 25-ке чедир уламчылаар

Тывада чылдың-на эртип турар "Школаже белеткениринге дузалаш" акция бо удаа 15 дугаар эртип, күш-ажылчы коллективтерни, хуу сайгарлыкчылары, энерел сеткилдиг хамаатыларны база катап хаара тудуп, хөй ажы-төлдүг болгаш эвээш хандырылгалыг, амыдыралдың берге байдалынга таварышкан өг-бүлелерниң уруг-дарыынга адрестиг дузаламчыны өөредилге чылының бүдүүзүнде чедирген.

05.09.2023 «Профессионалитет» федералдыг төлевилелдиң Тывада бирги шилилдезин эрткен сургуулдар өөредилгеже кирген

«Профессионалитет» федералдыг төлевилелдиң Тывада күүселдези сентябрь 1-де эгелээн. Төлевилел күүселдезинде сес өөредилге программазын - мал-маган продуктуларының технологу, мал-магандан аъш-чем продуктуларның технологу, көдээ ажыл-агый машиналарын ажыглаар база септээр мастер, агроном, үнүш ажаакчызы, көдээ ажыл-агый бүдүрүлгезиниң мастери, арга-арыг болгаш арга-арыг-парк ажыл-агыйының мастери мергежилдерни шилип алган 490 сургуул өөренип эгелээн.

04.09.2023 Тываның эрге-чагыргазы дачалар ниитилежилгезиниң чырык четкизин чаартырынга дузалажыр

Тывада дачалар суурунуң идегелдиг болгаш айыыл чок чырык хандырылгазының айтырыы шиитпирлеттинген – ол ажылдарны регион  бюджединден акшаландырар. 

04.09.2023 Тыва бодунуң ИТ-курлавырын «ГосWeb» шөлчүгешче шилчидеринге белеткелди эгелээн

Тывада күрүне болгаш муниципалдыг органнарның, ол ышкаш бюджет албан черлериниң сайтыларын «ГосWeb» чаңгыс платформаже шилчидер ажыл эгелээн.

02.09.2023 Тываның Баштыңы Билиглер хүнүнде, Кызылдың Президентиниң кадет училищезинге чораан

Кызылдың Президентиниң кадет училищези 10 чылдаан юбилейлиг бо өөредилге чылында 376 кадетти хүлээп алган.

01.09.2023 Тываның Чазаа күрүне албан-хаакчызын ажылдан хостаарынга чаа чылдагаанның дугайында федералдыг хоойлу төлевилелин деткээн

Күрүне хамааты албан-хаакчызы-биле албан керээзин үзе чарарынга чаа барымдааны тургузарының дугайында федералдыг хоойлу төлевилелиниң Тывага сайгарылгазы болуп эрткен.

01.09.2023 Коммунал инфраструктура модернизастаар программа-биле Шагаан-Арыгда даштыкы четкилер участоктарын чаартыр

Коммунал инфраструктура модернизастаар программаның республикада боттанылгазы-биле Шагаан-Арыгда эде чаартыры планнаттынган даштыкы инженер четкилеринде тудуг-монтаж ажылдарының бирги кезээ бо чоокку хүннерде эгелээнин Тываның Чуртталга-коммунал ажыл-агыйы дыңнаткан.