Медээлер

05.06.2023 Тываның чурттакчылары чат-боттар таварыштыр арага чажыт садып турар 44 черни илереткен

Тыва республиканың Баштыңы Владислав Ховалыгның инициативазы-биле арага чажыт садыглаашкынының дугайында дыңнадыгларны бижиир кылдыр билдингир «Вайбер» биле «Телеграм» мессенджерлерде «Тываның идепкейлиг хамаатызы» чат-ботту бо чылдың мартта ажыткан. 

05.06.2023 Тывада «Енисей» Р-257 оруктуң беш участогун база үш көвүрүүн чаартыр

2023 чылдың төнчүзүнге чедир «Енисей» орук эргелели «Енисей» Р-257 оруктуң беш объектизинге септелге ажылдарын доозар, беш хире километр хемчээлдиг бир участокка капитал септелгени кылыр.  

03.06.2023 Владислав Ховалыг «Тува 24» телеканалды 10 чылдааны-биле байыр чедирген

Кызылда Аныяктар ордузунга «Тува 24» телеканалдың 10 чылдаанынга тураскааткан байырлыг хемчег болуп эрткен. 

02.06.2023 Тываның Чуртталга-коммунал ажыл-агый яамызы шөлээлээр мурнунда коммунал ачы-дузаларын төлеп алырын сагындырган

Регионалдыг Чуртталга-коммунал ажыл-агый яамызы шөлээлээр мурнунда курлавыр хандырылга организацияларынга өрелерин төлеп алырын республиканың чурттакчыларынга сагындырган.

02.06.2023 Тывага «Билиг. Депшилге» аныяктар форуму болуп эрткен

“Билиг” российжи ниитилел Тываның күрүне университединге аныяктар форумун организастап эрттирген. Психологтар, маркетологтар, сайгарлыкчылар, төлевилелдер удуртукчулары, хөй-ниити ажылдакчылары амгы үеде албан-ажылга алызы барып депшиирин регионнуң студентилери-биле сайгарып чугаалашкан.

02.06.2023 Тываның Чазаанга назы четпээннер херектериниң база оларның эрге-ажыын камгалаарының талазы-биле ведомстволар аразының комиссиязының калбак хуралы болуп эрткен

Тыва Республиканың Баштыңы Владислав Товарищтайович Ховалыгның даргалаашкыны-биле эрткен хуралда, Россия Федерациязының чиңгине прокурорунуң оралакчызы Дмитрий Демешин база видеоконференцхарылзаазы-биле - Россия Федерациязының Президентизиниң чанында уруглар эргелерниң талазы-биле бүрүн эргелиг төлээ Мария Львова-Белова, Россия Федерациязының сенатору Дина Оюн олар киришкеннер.

02.06.2023 Тывада өртке удур онза чурумну июнь 21-ге чедир узаткан

Бо чылдың апрель 20-де Тыва Республикада өртке удур онза чурумну киирген. Чурттакчылыг черлерниң база өнчүнүң аңгы-аңгы объектилериниң өртке удур камгалалын быжыглап, өрт айыылының деңнелин бадырып, бойдус болгаш техногенниг улуг өрттерниң өөскүп үнерин болдурбас чурумну июнь 21-ге чедир узаткан.

01.06.2023 Владислав Ховалыг: Туранда парк - орус биле тыва чоннарның тургузукчу күш-ажылының быжыг доңу
Республиканың Баштыңы Владислав Ховалыг Тываның Бии-Хем кожуунунуң төвүнге көжүп келген баштайгы орус чоннуң парыгын ажыдар езулалга киришкен.

01.06.2023 «Ада-чурттуң камгалакчылары» күрүне фондузунуң регионалдыг салбыры Тывада ажыттынган

Тыва Республиканың Баштыңы Владислав Ховалыг, Россия Федерациязының чиңгине прокурорунуң оралакчызы Дмитрий Демешин, тускай шериг операциязының киржикчилери база оларның өг-бүлелериниң киржилгези-биле «Ада-чурттуң камгалакчылары» күрүне фондузунуң салбырын ажыткан.

01.06.2023 РФ-тиң Тудуг яамызы чаагайжыдылга талазы-биле федералдыг төлевилелдерге Тываның идепкейлиг киржилгезин демдеглээн

РФ-тиң тудуг болгаш ЧКА сайыдының оралакчызы Алексей Ересько ведомствонуң албан езунуң сайтызында бижээни болза, республиканың Бии-Хем кожуунунуң Туран хоорайда “Көжүп келген орус чон парыгы” объектиде биче хоорайларга болгаш төөгүлүг суурларга таарымчалыг хоорай хүрээлеңин тургузар эки төлевилелдерниң бүгү-российжи конкурузунга алган грантызы-биле чаагайжыдылга ажылдары доозулган.

31.05.2023 Сибирьниң генерация компаниязы Тываның Чазаа-биле дугуржулга езугаар Кызылдың президентиниң кадет училищезин чылыдылга-энергетика төвүнге кожар

Чыл эгезинде Красноярскиниң экономиктиг форумунуң үезинде, Тыва Республиканың Баштыңы Владислав Ховалыг биле Сибирьниң генерация компаниязының төлээлери ужуражып, ийи тала кады ажылдажылга дугайында дугуржулганы чарган.

31.05.2023 Сугга айыыл чок чорукту хандырарының хемчеглери дээш чагырга даргалары боттары харыылаарын Тываның Баштыңы эштир сезон бүдүүзүнде сагындырган

Эштир сезон бүдүүзүнде Тываның Чазаанга сугга кижилер-биле болуушкуннарны база чок болурун болдурбас немелде хемчеглерни сайгарып чугаалашкан. Ооң түңнелинде, сугга айыыл чок чорукту хандырган ажыл дээш харыысалга муниципалитеттер удуртукчуларында дээрзин сагындырган.

31.05.2023 Июньнуң 6-да Тываның найысылалынга I чайгы республика Спартакиадазының түңнел чадазы эгелээр
Тывада I чайгы республика Спартакиадазының муниципалдыг ийиги чадазынга регионнуң шупту муниципалитеттери киришкен. Кожууннарның суурлар аразынга эрткен спортчу маргылдаларның түңнелдери-биле төнчү оюннарның киржикчилери шилиттинген.

31.05.2023 Тывада тудуг черлери тудуг объектилериниң даштыкы хевирин тус чер бот-башкарылга органнары-биле дугуржурун хүлээндирген

Тываның эрге-чагыргазы чурттакчылыг черлерниң архитектурлуг овур-хевирин таарыштырып, оран-саваларның даштыкы аян-шинчизинге тудуг негелделериниң чурумунче өскертилгелерни киирген.

30.05.2023 «Ада-чурт камгалакчылары» фондунуң Тывада филиалы ажылын эгелээр

РФ-тиң Президентизи Владимир Путинниң даалгазы-биле тургустунган күрүне фондузунуң Тывада  филиалы май 31-де ажыттынар.

30.05.2023 Тываның Туризм агентилели “Сибирь дыштанылгалары” национал маршрутту сайзырадыр тулган төлевилелдерни деткиир

Тываның Туризм агентилелиниң республикада туризм инфраструктуразын хөгжүдеринге грантылар бээр конкурска киржир чагыглар хүлээп алыр немелде конкурс шилилгези июнь 12-ге чедир болурун дыңнаткан.

 

30.05.2023 Тывада чайгаар тывылган 39 улуг боктарны чок кылган

Бо хүннерде Чөөн-Хемчик кожууннуң Бажың-Алаак суурда чайгаар тывылган кадыг боктарны чок кылып турарын Тываның Чуртталга-коммунал ажыл-агый яамызы дыңнаткан.

29.05.2023 Бүгү-делегейниӊ уруглар камгалалының хүнүнде Тывага болур хемчеглерниӊ планы
Май 30
12.00 шакта - Кызыл хоорайныӊ Чалыы көрүкчүлер театрынга «Муха-Цохотуха» деп театржыткан көргүзүг.

29.05.2023 Тыва Бүгү-российжи күш-ажыл ярмарказының федералдыг чадазынга белеткенип турар

Тываның Баштыңы Владислав Ховалыг «Работа России. Время возможностей» бүгү-российжи күш-ажыл ярмарказының федералдыг чадазын республикага белеткеп эрттирер организастыг комитеттиң составын бадылаан. 

29.05.2023 Тываның кожууннарында одаар чүүл складтарының тудуу база чаартылгазы уламчылавышаан

Эрткен чылын Тывада эгелээн одаар чүүл складтарының четкизин хөгжүдер ажылдар уламчылавышаан.