«Ада-чурт камгалакчылары» фондунуң Тывада филиалы ажылын эгелээр

РФ-тиң Президентизи Владимир Путинниң даалгазы-биле тургустунган күрүне фондунуң Тывада филиалы май 31-де ажыттынар. 

Филиалдың ажыдыышкынынче тускай шериг операциязының киржикчилерин база оларның өг-бүлелерин, дайынчы хөделиишкиннер хоочуннарын, 55-ки аңгы мото-адыгжы бригаданың командылал черин база регионнуң бирги удуртукчуларын чалаан. Чалаттырган аалчылар тускай шериг операциязының хоочуннарын база мөчээн дайынчыларның өг-бүлелерин деткиир фондунуң ажыл-чорудулгазы-биле таныжар. Чурттуң аңгы-аңгы субъектилеринде фондунуң филиалдары бо хүннерде ажыттынып турар.

2023 чылдың апрель 3-те Владимир Путин тускай шериг операциязының киржикчилерин деткиир “Ада-чурттуң камгалакчылары” күрүне фондузун тургузар дугайында чарлыкка атты салган.

Фонд тускай шериг операциязының хоочуннарынга база оларның өг-бүлелеринге көрдүнген деткимче хемчеглерин бээринге дузаны көргүзер. Ол дээрге эмчи болгаш социал реабилитация, эм-таң хандырылгазы, психологтуг дуза, реабилитацияның техниктиг дериг-херекселдери-биле чепсеглээри база санаторлуг-курорт эмнээшкинин организастаары-дыр. Оон аңгыда ук фонд хоочуннарны эде өөредиринге база ажылга тургузарынга, амыдырал байдалының айтырыгларын шиитпирлежиринге дузалажыр. Херек апарган таварылгада, инвалидтерге үр үениң ажаалда-тежээлдезин база чурттаар черинге адаптация эртерин организастажыр.

Тыва филиалга ажылдаар социал харылзаштырыкчылар тускай белеткелди эрткен. Олар тускай шериг операциязының хоочуннарының база оларның өг-бүлелериниң социал хандырылга айтырыгларынга адрестиг үделгени магадылаар.

Фондунуң офизи дараазында адресте: Кызыл хоорай, Кызыл партизаннар кудумчузу, 30.