Медээлер

13.06.2023 Суг үеринден когараан Тываның чурттакчыларынга чогуур дузаны көргүзер

Тываның Баштыңы Владислав Ховалыгның даргалаашкыны-биле чазакка онза байдалдар комиссиязының хуралы болуп эрткен. Республикада суг үери болгаш өрттер талазы-биле байдалды чугаалажып көрген.

12.06.2023 Тываның Баштыңы Владислав Ховалыг Россия хүнүнде республиканың чалыы хамаатыларынга паспорттарны тывыскан

Тывага июнь 12-ниң эртени чуртуң бүгү-ле регионнарында ышкаш, чаагай чаңчыл-биле эгелээн. Арат шөлүнге,  Россия хүнүнге – РФ-тиң күрүне бот-дугуннаашкынының декларациязын хүлээп алган төөгүлүг хүнге алдар болдуруп Россия Федерациязы биле Тыва Республиканың күрүне туктарын көдүрер езулал болган. 

11.06.2023 Тываның Баштыңы республиканың хөгжүлдезинге улуг үлүг-хуузун киириштирген хоочуннар-биле ужурашкан

Тываның хоочуннары хөй-ниитижи, дагдыныкчы ажылдарга кезээде идепкейин көргүзүп чоруур. Оларны чүгле хуу эвес, а ниити республика айтырыглары дүвүредип турар.

10.06.2023 "Вагнер" хууда шериг компанияның дайынчыларының өг-бүлелеринге чаңгыс удааның төлевирин төлээр

Тывада тускай шериг операциязының үезинде амы-тынындан чарылган “Вагнер” хууда шериг компанияның (ХШК) дайынчыларының дөргүл-төрелдеринге чаңгыс удааның төлевирин күрүне төлеп бээр дугайында доктаалды Тываның Чазаа үндүрген.

09.06.2023 Республиканың хөгжүлдезиниң үндезини – чер-чуртунга ынак кижилерниң ажыл-ижинде

Бөгүн, Россия хүнүнүң байырлал бүдүүзүнде, Тываның Чазак бажыңынга, Тываның Баштыңы Владислав Ховалыг республиканың ажыл-ишчилеринге болгаш хоочуннарга күрүне шаңналдарын тыпсып, байырын чедирген.

09.06.2023 Тываның Баштыңы социал болгаш орук инфраструктуразының объектилер тудуун дүргедедир даалганы берген

Тывада чугула социал болгаш орук тудугларының акшандырыышкынын мурнады хандырар. Ынчалдыр республиканың чазаа бюджет чээлизи кылдыр немелде саң-хөөнү берип болур объектилерни федералдыг даңзыже киирерин чедип алган.

09.06.2023 Тывада чурагай шилчилгезиниң төвү тургустунуп турар

Тывада экономика, социал адырның база күрүне эргелеп-башкарылгазының өзек адырларын чурагайжыдар сорулгалыг Чурагай шилчилгезиниң төвү ажылын эгелээн.

09.06.2023 2023 чылда Тывада малчыннарның Наадым байырлалының хүнүн тодараткан

Тываның Чазаа август 13-те малчыннарның Наадым байырлалын эрттирерин доктааткан. 

09.06.2023 Тывада агаарның изээнинден суг үериниң айыылы тургустунуп болур

Тывада агаар бойдустуң изээнинден хемнер суу хенертен көдүрүлген. Изиг агаар чүгле арга-арыг өрттериниң айыылын тургузар эвес, а суг үерлээшкинин база болдуруп болур.

09.06.2023 Тываның чурттакчылары Россия хүнүн спортчу, билиишкинниг база культурлуг болуушкуннар-биле демдеглээр

Кызылда Россия хүнүнге тураскааткан хемчеглер эгелээн. Республиканың муниципалитеттер аразынга республика спартакиадазының түңнел кезээ июнь 6-да эгелээн, Чазак бажыңынга регионнуң болгаш чурттуң хөгжүлдезинге улуг үлүг-хуузун киирген аңгы-аңгы адырның ажылдакчыларынга күрүне шаңналдарын тыпсыр езулал июнь 9-та болуп эртер. 

08.06.2023 Чонунга бараан болган буянныг ажылдың мурнакчыларын шаңнап-мактаан

Бөгүн, июнь 8-те, Улусчу чогаадылга бажыңынга, өскелерниң өөрүшкү-муңгаралын деңге үлежип, олар дээш кезээде сагыш човап чоруур эң-не буян сеткилдиг кижилерниң профессионал байырлалын демдеглээн байырлыг хемчег болуп эрткен.

08.06.2023 Июнь 10-га чедир Тывага өрт үнүп болур онза айыылдыг хүннер болур

Июнь 8-тиң хүнүнде республика девискээринде ийи арга-арыг өрттери хып турарын Тываның ХК болгаш ОБ албаны дыңнаткан. 0,4 га ниити шөлдүг өрттү өжүреринге 33 кижини база 6 техниканы хаара туткан.

08.06.2023 Сибирь федералдыг округунда хөй квартиралыг бажыңнарның капитал септелгезин кылыр программаны чедишкинниг чоруткан регионнар санында Тыва кирген

Тываның Баштыңы Владислав Ховалыг Сибирь федералдыг округда РФ-тиң Президентизиниң бүрүн эргелиг төлээзи Анатолий Серышевтиң удуртулгазы-биле эрткен Чөвүлел хуралынга киришкен.

07.06.2023 Өвүр кожуунда көдүрүлген хем суунуң чууй шаап апарганы көвүрүг участогун катап кылып турар

Тывада хенертен изип келирге, дагларда харлар эрип батканындан хемнер суу көдүрүлген. Регионнуң орук-транспорт албаннары Тывада Хандагайты - Мугур-Аксы база Хандагайты - Ак-Чыраа автооруктарын, ылаңгыя Дус-Хөлче баар Торгалыг хемни кежир көвүрүгнүң оруун суг чууй шаап апарганы демдеглеттинген.

07.06.2023 Республиканың I дугаар чайгы спартакиадазының маргылдаалары эгелээн

Тываның Баштыңы Владислав Ховалыг республиканың Дээди Хуралынга 2023 чылда чорудар иштики политика дугайында айыткалын таныштырып тура, республиканың шупту чурттакчылыг суурларын, уруглардан эгелээш пенсионерлерге чедир бүгү чонун хаара туткан республика спартакиадазын эрттирер даалганы регионнуң Спорт яамызынга берген турган. 

07.06.2023 «Ада-чурт камгалакчылары» күрүне фондузунуң Тывада салбырының баазазында соцал албаннар хүлээп алыышкынны организастаан

Тывада «Ада-чурт камгалакчылары» фондунуң регионалдыг салбыры бодунуң ажылын июнь 1-де эгелээн. Тускай шериг операциязының хоочуннарын, мөчээн болгаш балыгланган дайынчыларның өг-бүлелерин персоналдыг үдээри фондузунуң кол сорулгазы. 

07.06.2023 Тывада уругларга ийи чүс хире түр үениң дыштанылга төптери чайын ажылдаар

Чайгы дыштанылга үезинде Тывада 180 ажыг дыштанылга төптери түр үеде ажылдаар.

06.06.2023 Тывада Ак-Сугнуң комбинадын чырык хандырылгазынга кожар шугум тудуу эгелээн

Ак-Сугнуң даг-болбаазырадылга комбинадын чырык-биле хандырар шугум тудар төлевилел Тыва Республиканың девискээринде инвестиция болгаш социал объектилерниң чырык хандырылгазының комплекстиг планында кирген.

06.06.2023 Чадаанада эрги АТП орнунга чаа школа тудар

Эрткен неделя тнчүзүнде Чөөн-Хемчик кожууннуң Чадаана хоорайда чаа школа тудуу эгелээн. “Өөредилге” национал төлевилел күүселдези-биле туттунар 616 олуттуг амгы үениң школазын арга-дуржулгазы улуг, идегелдиг тудуг организациязы “Восток” КХН хүлээнип алган. 

06.06.2023 Тывада орус дыл башкыларның ассоциациязы «Пушкин диктантызынче» чалап тур

Июнь 6-7 хүннеринде Тыва Республиканың Орус дыл болгаш чогаал башкыларының ассоциациязы ТР-ниң Өөредилге яамызының деткимчези-биле X дугаар делегей чергелиг “Пушкин диктантызы 2023” чырыдыышкын акциязын эрттирер.