12.09.2022
Тываның Чазаа биле Моолдуң Завхан аймааның чагыргазы кады ажылдажылга дугайында дугуржулганы чаарткан
Тываның Баштыңы Владислав Ховалыг Кызылда келген Моолдуң Завхан аймаандан делегация-биле республиканың моон-даа соңгааргы садыг-экономиктиг кады ажылдажылгазының дугайында чугааны кылганнар. Аймактың губернатору Дашпунцаг Тувшинжаргал делегацияны удуртуп чораан.
12.09.2022
РФ-тиң Чазаа Иркутскыдан Кызылче субсидиялыг рейстерни бадылаан
Россия Федерациязының Транспорт яамызы-биле регионнуң Орук-транспорт яамызының аразында дугуржулга езугаар, «ИрАэро» авиакомпания сентябрьның 13-тен эгелеп «Иркутск – Кызыл – Иркутск» маршруттуг субсидиялыг рейстерни катап ужудуп эгелээр.
12.09.2022
«Аныяк эртем» эртем-практиктиг конференцияже Тываның аныяк шинчилекчилерин чалаан
Республика Чазааның чанында Тываның гуманитарлыг болгаш тускай социал-экономиктиг шинчилелдер институду «Аныяк эртемденнер болгаш специалистер эвилели» регионнуң хөй-ниити организациязы-биле кады октябрьның 25, 26 хүннеринде Кызыл хоорайга эртер “Аныяк эртем” республиканың эртем-практиктиг конференциязынга киржир кылдыр өөреникчилерни болгаш студентилерни база чалаан.
12.09.2022
Тываның одалга болгаш энергетика сайыдында Владимир Фунтиковту томуйлаан
Тываның Баштыңының чарлыы-биле ТР-ниң одалга болгаш энергетика сайыдынга регион найысылалының чылыг четкилериниң бүдүрүлгелеринге хөй чылдарда ажылдаан, чылыг болгаш электри четкилериниң талазы-биле профессионал инженер Владимир Фунтиковту томуйлаан.
12.09.2022
Тыва биле Моолдуң автомобиль хыналда-эрттирилге пунктузу таварты кызыгаар эрттери ийи катап көвүдээр
Тывада
«Хандагайты»
автомобиль
эрттирилге пунктузун эде чаартыр тудуг ажылдары шалыпкын чоруп турар. Республиканың баштыңы
Владислав Ховалыг Сибирьниң таможня эргелелиниң начальниги Александр Ястребов,
Красноярск таможнязының удуртукчузу Василий Костомаров база Роскызыгаар
тудуунуң Новосибирскиде филиалының удуртукчузу Александр Сирчук олар-биле Кызылга
ужуражып, чаа таможня терминалдарын биле өске-даа инфраструктураны тудар ажылдар
кайы хире чоруп турарын чугаалашкан.
09.09.2022
Тываның найысылалы Кызыл 108 харлаар
Эртен, сентябрь 10-да, Тыва Республиканың найысылалы Кызыл хоорай 108 харлаанын демдеглээр. Хоорай чагыргазы байырлал хүнүнде информация-чырыыдышкынныг, культура-массалыг болгаш спортчу хемчеглерни эрттирер. Найысылалдың бичии чурттакчыларын хөйү-биле хаара тудар дээш, хоорайның аңгы-аңгы микрорайоннарынга хөглээшкинниг база өөредиглиг хемлеглерни планнаан.
09.09.2022
Тываның Көдээ ажыл-агый яамызы агроүлетпүр комплекизиниң айтырыгларын сайгарган хуралды эрттирген
Тываның Баштыңының Көдээ ажыл-агый яамызының удуртулгазы база специалистери-биле кады эрттирген хуралында, республиканың АҮК амгы үеде шиитпирлээр элээн нарын айтырыгларын сайгарып чугаалашкан.
09.09.2022
Тываның найысылалында хоорай поликлиниказынга немей чаа оран-саваны ажыткан
Тывада хоорай поликлиниказын калбартыры-биле, эргиде турган терапия салбырының оран-савазын бүрүн септээш, ону ынаар дамчыткан.
Тываның Баштыңы Владислав Ховалыг ажыглалче кирген объектиге чедип, поликлиниканың чаа салбырының ажылын сонуургаан.
09.09.2022
Тываның Баштыңы Владислав Ховалыг Чаңгыс аай бадылаашкын хүнүнүң баштайгы шагында соңгаан
Бөгүн бистиң чурттуң девискээринде аңгы-аңгы деңнелдиң соңгулда кампаниялары эгелээн. Чаңгыс аай бадылаашкын хүнүнде Россия Федерацияның 15 субъектизиниң баштыңнарын, күрүне эрге-чагыргазының 6 хоойлужудулга органнарының депутаттарын чон соңгуур.
08.09.2022
“Культура” национал төлевилел боттанылгазы-биле үш кожуун чаа клубтарны алган
Регионнуң Культура болгаш туризм яамызы “Культура” национал төлевилел боттанылгазы-биле саткан көдээ черлерде чоннуң культурлуг дыштанылгазын организастаарынга тускай дериттинген көжүп чоруур төптү тыпсыр дээш республиканың культура албан черлериниң ортузунга мөөрейни чарлаан турган.
08.09.2022
Тывада чогаал адырында национал шаңналды тыпсыры-биле мөөрейни чарлаан
Тыва чогаалдың чечен-мерген чараш арга-ужурларын камгалап арттырып, ону нептедир база уран очулганы хөгжүдүп, сайзыраңгайжыдар сорулга-биле чыл санында-ла «Национал чогаал шаңналы» мөөрейни эрттирери чаңчыл апарган.
08.09.2022
Тывада хыпкан арга-арыг өрттериниң шөлү улгатканындан онза байдал чурумун киирген
Тываның Баштыңы республикада арга-арыг өрттериниң уржуундан “онза байдал” чурумун киирерин чарлаан.
08.09.2022
Тывада 3-тен 7 харлыг ажы-төлге социал төлевирлерни 15 муң ажыг өг-бүле алыр
Тывада 3-7 харлыг ажы-төлге социал төлевирлер бээр талазы-биле ажылдар уламчылавышаан. Республика Чазаанга киирген ТР-ниң Күш-ажыл яамызының медээзинден алырга, сентябрь эгезинде 15478 өг-бүлениң билдириишкининге ол пособиени алыр кылдыр чөпшээрешкен, ам-даа 2,5 муң ажыг кижиниң бөлүк документилери яамыга хамааржыр албаннарның хыналдазында.
07.09.2022
Тываның Чөөн-Хемчик, Бии-Хем кожууннар база найысылал Кызыл биче хоорайларга база төөгүлүг суурларга таарымчалыг хоорай хүрээлелин хевирлээр төлевилелдер конкурузунга киржир
Россияның Тудуг яамызы биче хоорайларга база төөгүлүг суурларга таарымчалыг хоорай хүрээлелин хевирлээр дээн эки дирткен төлевилелдерниң бүгү-росийжи мөөрейин база катап эрттирер дээни билдине берген.
07.09.2022
Тываның Көдээ ажыл-агый яамызы хой дүгүн дужааганы дээш малчыннарга субсидияны берип эгелээн
Тываның Көдээ ажыл-агый болгаш аъш-чем яамызы тус черниң 30 көдээ ажыл-агый бүдүрүкчүлеринге хой дүгүн бүдүрүп, садып-саарганы дээш субсидияны берген.
07.09.2022
Россияның дөрт регионундан база Киргизиядан командалар Тываның Баштыңының Кубогу дээш ойнап турар
«Субедей» спорт комплекизинде Тыва Республиканың Баштыңының кубогу дээш эр командалар аразынга мини-футболга маргылдаалар эгелээн. Чурттуң дөрт регионундан база Кыргыз Республикадан спортчулар маргылдаага киржир дээш Кызылда чедип келген.
07.09.2022
Тывага “Азия төвүнге ужуражылгалар” деп чоннарның байырлалдары болгаш ёзулалдарының регионнар аразының фестивалы болуп эртер
Сентябрьның 7-9 хүннеринде, "Азия төвүнге ужуражылгалар” деп чоннарның байырлалдары болгаш ёзулалдарының регионнар аразының фестивалының үезинде, мастерлер болгаш ус-шеверлерниң ажылдарның делгелгези, чоннарның езулалдарын база байырлалдарын көргүзүглери, янзы-бүрү мастер-класстар, эртем-практиктиг конференция, фестиваль киржикчилериниң концерти болуп эртер.
06.09.2022
Тыва «Паутина» системада каттыжып кирген
Тываның найысылалы Кызыл хоорайда “Ээремчик дузаа” - «Паутина» система ажылдап эгелээн. Ол дээрге регионнуң чаңгыс аай четкизин база чурум үрээшкиннерин чурук-видеога демдеглеп тырттырар идегелдиг инфраструктураны каттыштырган программа-аппараттыг комплекс болур.
06.09.2022
Тываның чартык чылда боттуң орулгазы 23 хуу өскен
2021 чылдың январь-июльга деңнээрге, 2022 чылдың ол-ла үезинде үндүрүг болгаш үндүрүгге хамаарышпас орулгаларның түңү 23 хуу өзүп, 3,87 млрд. рубль четкен.
06.09.2022
Өвүрнүң ыраккы суурларынче дүрген дамчыыр Интернетти киирген
Тываның Өвүр кожуунунуң ыраккы суурларын дүрген дамчыыр Интернетте кошкан. «МТС» компания Дус-Даг, Чаа-Суур база Ак-Чыраа суурларда 4G интернетти кииргенин дыңнаткан.