Тываның найысылалы Кызыл 108 харлаар

09.09.2022 Эртен, сентябрь 10-да, Тыва Республиканың найысылалы Кызыл хоорай 108 харлаанын демдеглээр. Хоорай чагыргазы байырлал хүнүнде информация-чырыыдышкынныг, культура-массалыг болгаш спортчу хемчеглерни эрттирер. Найысылалдың бичии чурттакчыларын хөйү-биле хаара тудар дээш, хоорайның аңгы-аңгы микрорайоннарынга хөглээшкинниг база өөредиглиг хемлеглерни планнаан. А кол улуг хемчеглер Арат шөлүнге, Аныяктар сесерлиинге, Улуг-Хемниң эриинде “Азия төвү” скульптурлуг комлекске кызылчыларны база аалчыларны манаар. Хоорай хүнүнүң байырлалы чүзүн-базын оттар чайнаан фейерверк-биле доостур.

Кызыл хоорай хүнүнге тураскаткан хемчеглерниң планы

2022 чылдың сентябрь 9
16.00 шакта – «Хоорайжыларның арнында байырлал» портрет фоточуруктар делгелгези (фотосушка), Аныяктар сесерлиинге;
17.00 шакта – «OPEN AIR PARTY» дискотека, диджей Jeddik киржилгези-биле тыва эстрада сылдыстарның концерти, Аныяктар сесерлиинге;
17.00 шакта – «Jazz Band» үрер хөгжүм оркестри, Аныяктар сесерлиинге;

Сентябрь 10-да
9.00 шакта – «Сүүзүннүг үе» делгелге-садыглаашкын, Арат шөлүнге;
9.00 шакта – «Чоннарның найыралы» национал диаспоралар шөлү, Арат шөлүнге;
9.00 шакта – «ГТО» нормаларын дужаары, Арат шөлүнге;
9.00 шакта – «Авто-мототехникалар” делгелгези, Арат шөлүнге;
10.00 шакта - Арат шөлүнге «Чырыткылыг чаштар ораны» шөлчүгештер:
- аттракционнар;
- батуттар;
- «Кызылдың арын-шырайлары» боди-арт;
- аниматолар көргүзүү;
- асфальтыга чурук чурууру;
10.00 -18.00 шакта - Хоорай хүнүнге тураскаадып шарлар ужудары (Аэростаттар), Кызыл хоорайда Өг-бүле парыгынга;
11.00 шакта – Кызыл хоорайның 108 харлаанынга тураскааткан Хоорай хүнүнүң байырлыг ажыдыышкыны, Арат шөлүнге;
11.00 шакта – эр болгаш херээжен спортчулар аразынга эштириниң маргылдаазы - И.Ярыгин аттыг спорт комплекске;
12.00 шакта – Кызыл хоорайның база кожууннарның чогаадыкчы коллективтериниң киржилгези-биле “Кызылда чурттап турар мен" деп байырлал концерти, Арат шөлүнге;
13.00 шакта – Кызыл хоорай хүнүнге тураскаткан 45 хардан өрү хоочун мөгелерниң Кызыл хооорай мэриниң шаңналы дээш тыва хүреш маргылдаазы, В. Биче-оол аттыг “Хүреш” стадионунга;
14.00 шакта – «Чымчак дүктүг өңнүүм» дириг амытаннар делгелгези, Аныяктар сесерлиинге;
14.00 шакта – өртке удур техника делгелгези, Аныяктар сесерлиинге;
14.00 шакта – «Шупту самнаар» шөлчүгеш, “Азия төвү” скульптурлуг комлекске;
14.00 шакта – «Танцыда кызыгаар чок» шөлчүгеш, Аныяктар сесерлиинге;
14.00 шакта – «Дээрни өңнээлиңер» агаар чыланнарының фестивалы, “Азия төвү” скульптурлуг комлекске;
17.00 шакта – «Кызылдың оттары» аныяктарга кежээки программа, Арат шөлүнге;
21.30 шакта – байырлалдың фейервериги, Улуг-Хемниң эриинге;

Сентябрь 11-де
8.00 шакта – Дөгээ дааның бажынче хөйнүң чарыжы, Дөгээниң эдээнден;
12.00 шакта – кадыкшылы кызыгаарлыг спортчулар аразынга ча адарының маргылдаазы.