Медээлер

06.01.2024 Россияның алдарлыг артизи, Тываның Улустуң артизи Анна Оюновна Шириин-оол чок болган

Тываның Баштыңы база республика чазааның кежигүннери Россия Федерациязының алдарлыг артизи, Тыва Республиканың Улустуң артизи В.Көк-оол аттыг Национал хөгжүм-шии театрының артизи Анна Оюновна Ширин-оол 78 харлап чорааш, чырык өртемчейден чарлып чорутканы-биле чок улузунга ханы кажыыдалын илереткен.

05.01.2024 55-ки мотоадыгжы бригадага «гвардейжи» деп хүндүлүг атты тывыскан

Россия Федерациязының Президентизи 55-ки аңгы мотоадыгжы бригадага (дагжы) «гвардейжи» деп хүндүлүг атты тыпсыр дугайында чарлыкка атты салган. 

31.12.2023 Владислав Ховалыг Чаа чыл-биле Тываның чурттакчыларынга байыр чедирген

Тываның Баштыңы «Азия төвү» архитектурлуг комплекстиң чанындан чаңгыс чер чурттуглары-биле кады республиканың чонунга байырын чедирген. 

31.12.2023 Владимир Путин Чаа чыл-биле Тываның Баштыңынга байыр чедирген

Владислав Ховалыг бодунуң блогунда Владимир Путинден келген байыр чедириишкинин чурукка тырттыргаш салган. Чурттуң Президентизи ында Тываның чурттакчыларынга байыр чедириишкининиң чылыг сөстерин дамчытканын регионнуң баштыңы бижээн.

31.12.2023 РФ-тиң камгалал сайыды Сергей Шойгу Чаа чыл-биле Тываның чонунга байырын чедирген

Россия Федерациязының камгалал сайыды чазак телеграммазы-биле Тыва Республиканың баштыңы  Владислав Ховалыгга Чаа чылдың байыр чедириишкинин чоруткан

29.12.2023 Тываның Национал театрынга күрүне шаңналдарын тыпсыр байырлыг езулал болуп эрткен

Бөгүн, Чаа Чылдың бүдүүзүнде, В. Көк-оол аттыг Национал театрга Тываның Баштыңы Владислав Ховалыг республиканың хөгжүлдезинге үлүг-хуузун киирип, күш-ажылы-биле шылгараан кижилерге Россия Федерациязының база Тыва Республиканың күрүне шаңналдарын байырлыы-биле тывыскан.

 

29.12.2023 Улуг-Хем кожуунда Өг-бүлеге хөй ажыл-чорудулгалыг төп ажылдап эгелээн
Шагаан-Арыг хоорайда хары угда чаңгыс черден ачы-дуза чедирилгезин көргүзер социал албан черин – Хөй ажыл-чорудулгалыг өг-бүле төвүн байырлыг байдалга ажыткан. 

29.12.2023 Тывада Чаа чыл байырлалдарында айыыл чок чорук хемчеглерин күштелдирер

Республика Баштыңы Владислав Ховалыгның даалгазы-биле, Чаа чыл болгаш Рождество байырлалдарының дыштаныр хонуктарында регионнуң девискээринге айыыл чок чорук хемчеглерин хандырар оперативтиг штабты тургускан.

29.12.2023 Тываның Соок-Ирейи Луганск Улус Республиканың Свердловск хоорайда уругларга байырны чедирген

Амгы үеде ажыл-агый аайы-биле Луганск Улус Республиканың Свердловск хоорайда сургакчылап чоруп турар Тыва Республиканың Баштыңының ТШО айтырыгларның талазы-биле тускай төлээзи Тимур Куулар Чаа чылдың кол илбичизиниң ролюн күүсеткен.

28.12.2023 Тываның Баштыңы Владислав Ховалыг Москвага Күрүне чөвүлелиниң хуралынга киришкен

Москвага эрткен Чаа чыл бүдүүзүнүң Күрүне чөвүлелиниң хуралынга регионнарның губернаторлары, Күрүне Думазының фракциялар лидерлери, федералдыг сайыттар киришкен.

28.12.2023 Кызылдан Москваже субсидиялыг авиарейстер январьда катап ужуп эгелээр

2024 чылдың бирги хонуктарындан эгелеп Тываның чурттакчылары Москваже чиигелделиг өртек-биле катап ужуп эгелээрлер.

28.12.2023 Тывада чурттакчы чонга садар хөмүрге чаа өртекти доктааткан

Хөмүрнүң кол тывыкчызы - Тываның даг-руда компаниязының 2024 чылда чурттакчы чонга садар хөмүрге саналдаан чаа өртекке Тываның Чазаа чөпшээрешпээн.

28.12.2023 Чаа чыл байырлалдарында республиканың амыдырал-хандырылга объектилери шыңгыыраткан чурум-биле ажылдаар

Тываның Баштыңы Владислав Ховалыгның даалгазы езугаар, чазак даргазының оралакчызы Олег Лукинниң удуртканы республикада одалга үезиниң эртип турарының талазы-биле оперативтиг штаб Чаа чыл болгаш Рождество байырлалдарында күштелдирген чурум-биле ажылдаар.

27.12.2023 Тыва Республика «Россияның демир-оруктары» ажык акционерлиг ниитилел-биле экспортче тыва хөмүрнү үндүр садар дугайында дугуржулгага атты салган

«Россияның демир-оруктары» ажык акционерлиг ниитилелдиң чиңгине директорунуң бирги оралакчызы Сергей Кобзев биле Тыва Республиканың Баштыңы Владислав Ховалыг Тываның девискээринде ажылдап турар бүдүрүлгелерден Ыраккы Чөөн чүк уунче хөмүр сөөртүлгезиниң кол параметрлерин бажыглаан документиде атты салганнар. 

26.12.2023 Тываның Баштыңының Ёлказы республиканың шупту кожууннарындан муң хире уругларны чыгган

В.Көк-оол аттыг Национал театрга республиканың Чаа чылдың кол оюн-тоглаазынче эки өөредилгелиг, интеллектуалдыг, эртем, чогаадылга болгаш спортчу чедиишкиннери-биле шылгараан база тускай шериг операциязында шериг даалгазын күүседип турар ачаларлыг муң хире уругларны хаара туткан.

26.12.2023 “Спортчу Тыва” шуулганда республиканың спортчу чедиишкиннерин түңнээн

Эрткен дыштаныр хонуктарда Кызыл хоорайга болуп эрткен “Спортчу Тыва” шуулган үезинде республиканың спортчуларының чедиишкиннерин чарлаан.

25.12.2023 Тываның Баштыңы Росреестрниң юбилейлиг хүнү-биле ажылдакчыларынга байырны чедирген

Федералдыг күрүнениң бүрүткел, кадастр болгаш картография албаны тургустунганындан бээр 15 чылын база шимчевес өнчүге эргени бүрүткээр күрүне система тургустунганындан бээр 25 чылын демдеглеп эрттирген. 

25.12.2023 Тывада грипптиң А биле В хевирлерин лабораторияга бадыткаан

Тывада Росхереглел хайгааралының регионалдыг эргелелиниң специалистери санитар-эпидемиологтуг хемчеглерни күштелдирери чугула деп сагындырган.

25.12.2023 Тываның Баштыңы «Спортчу элита-2023» спортчу байырлалында шылгараңгай спортчуларны шаңнаан

Декабрьның 23-те, «Субедей» спорт комплекизинге чылдың кол спортчу байырлалы - «Спортчу элита – 2023» хемчег болуп эрткен. Бо чылын чээрби алды дугаар эртип турары ол.

25.12.2023 Тывада ногаа шыгжаар улуг черни күрүне деткиишкини-биле ажылдаткан
Кызыл кожууннуң Сукпак суурда 1 муң тонна ногаа аймаа шыгжаарынга таарыштыр кылган, амгы үениң дериг-херекселдери-биле четчелеттинген тускай черни ажыткан.