Медээлер

14.11.2023 Тываның Чазаанга «2023 чылдың тулган күрүне хамааты албан-хаакчызы» мөөрейниң түңнелдерин үндүрген

«2023-2028 чылдарда күрүне хамааты албанын хөгжүдери» күрүне программазының хемчээ-биле Тываның тергиин күрүне албан-хаакчызы ат дээш мөөрейни бир дугаар эрттирген. 

13.11.2023 Тывада 186 өскүстер чыл төнчүзүнге чедир чаа бажыңнарны алыр

Ол бөлүктүң хамаатыларынга дээш 93 квартира тудуу адакталган болза, эрткен чылдарның программазындан база 93 объектиниң тудуу доостур четкенин республиканың Өөредилге яамызы дыңнаткан.

13.11.2023 Тывада боттуң бүдүрүлге ажыл-чорудулга хевирлериниң даңзызын калбарткан

Тываның Чазаа аграржыларның импортту солуурун хандырарынга херек экономиктиг ажыл-чорудулга хевирлериниң регионда даңзызын немээр дээн саналын деткээн. 

13.11.2023 Тываның спортчузу Саян Хертек Арменияга болуп эрткен самбога делегей чемпионадынга алдынны чаалап алган

Ноябрьның 10-12 хүннеринде Ереван хоорайга самбога делегей чемпионады болуп эрткен. Саян Хертек түңнел салыгда Грузияның мөгези Вахтанг Чидрашвилини 2:0 сан-биле тиилээн. 

13.11.2023 «Ада-чуртуң камгалакчылары» күрүне фондузунуң Тывада салбыры тус чер эрге-чагыргалары-биле сырый харылзаалыг ажылда

Бо чылдың июнь 1-де Тывага албан ёзузу-биле ажылдап эгелээриниң бетинде “Ада-чурттуң камгалакчылары” күрүне фондузунуң салбыры 200 ажыг хамаатыны хүлээп алган. 

13.11.2023 Тываның көдээ суурларында уругларның кадыкшылы быжыг

2022 чылда профилактиктиг эмчи шинчилгезин эрткен уругларныӊ 28,9 хуузун шуут каӊ кадык деп санаан (РФ- те – 28 хуу). Ук медээни уругларныӊ болгаш уруг-дарыглыг өг-бүлелерниӊ дугайында күрүне илеткелинде бижээн. 

11.11.2023 Тываның Баштыңы Улусчу фронтунуң регионалдыг салбырының конференциязынга киришкен

Владислав Ховалыг Улусчу фронтунуң регионалдыг салбырының конференциязынга аалчы болуп  киржип,  республикада национал төлевилелдер күүселдезинге мониторинг түңнелдерин база “Улусчу фронт Россия дээш” деп бүгү-российжи хөй-ниити шимчээшкининиң регионалдыг штавының чаа составын соңгуур шиитпирлер хүлээп алыышкынын дыңнаан. 

03.11.2023 Тывага Чоннуң чаңгыс эп-сеткил хүнүнүң бүдүүзүнде аңгы-аңгы адырларның хоочуннарын болгаш шылгараңгай ажылдакчыларын шаңнаан

Бөгүн Тываның Чазаанга, Чоннуң чаңгыс эп-сеткил хүнүнге тураскаадып, шылгараңгай ажылдакчыларга болгаш күш-ажылдың хоочуннарынга  күрүне болгаш республика шаңналдарын тывыскан. 

03.11.2023 Тываның кожуунарынче 10 чаа дүрген дуза машиналарын хувааган

Бөгүн, ноябрь 3-те, Тываның Чазак бажыңының чанынга чаа дүрген дуза автомашиналарының дүлгүүрлерин байырлыг байдалда ээлеринге дамчыткан. Республиканың сес кожуунунуң эмнелге албан черлери 10 автомобильдерни бо хүн алган.

03.11.2023 Тывада экология болгаш бойдус хүрээлеңин камгалаар адырда 2022 чылдың түңнелдерин үндүрген

Тываның Арга-арыг болгаш бойдус ажыглалының яамызы 2022 чылда долгандыр хүрээлелдиң байдалы болгаш ооң камгалалының дугайында күрүне илеткелин республика чазаанче киирген. 

02.11.2023 Тыва 2030 чылга чедир даштыкы бараан саарылгазын ийи катап көвүдедирин планнаан

Тываның Чазаа даштыкы-биле экономиктиг ажыл-чорудулганы сайзырадырынче угланган чаарткан күрүне программазын бадылаан. 

02.11.2023 Кызылга эрткен Тыва дыл хүнүнде тыва чогаал шаңналының тиилекчилерин чарлаан

Тыва дылдың хүнүнде, республиканың национал чогаал шаңналының тиилекчилерин шаңнаар байырлыг хемчег болуп эрткен. Улусчу чогаадылга бажыңынга «Тыва дыл – чоннуң өнчүзү» шуулганда шаңналдарны тывыскан.

01.11.2023 Чыл төнчүзүнге чедир Тываның 350 хире кижизидикчи башкылары профессионал мергежилин бедидер

Башкы болгаш дагдыныкчының чылында, Тывада уруглар садтарының кижизидикчи башкылары «Уруглар сады – сайзыралдың оруктары» төлевилелге киришпишаан, боттарының профессионал билиг-мергежилин бедиткен.

01.11.2023 Тываның Баштыңы Тыва дыл хүнү-биле республиканың чурттакчыларынга байырын чедирген

Тыва Республиканың Улустуң чогаалчызы Александр Даржайның саналдааны езугаар, 2016 чылда Тыва дыл хүнү тургустунган. Байырлал бүдүүзүнде, республикада тыва дылды кадагалап, камгалап арттырарынга болгаш сайзырадырынга тураскааткан хөй санныг темалыг хемчеглерни эрттирери чаңчыл болу берген.

01.11.2023 Тываның Баштыңы РФ-тиң Айыыл чок чорук Чөвүлел секретарының үнүүшкүннүг хуралынга киришкен

Дүүн Томск хоорайга, Сибирь регионнарында национал айыыл чок чорукту хандырарының чугула айтырыгларының талазы-биле Россия Федерациязының Айыыл чок чорук чөвүлелиниң секретары Николай Патрушевтың үнүүшкүннүг хуралы болуп эрткен.

01.11.2023 Тываның орук-транспорт яамызы бо-ла орук озал-ондаа болгулаар черлерни илередир база чок кылыр ажылды ам-даа уламчылаар

Тываның Орук-транспорт яамызының специалистери бо чылдың тос айларында республика оруктарынга озал-ондактарны өөренип көргеш, эң хөй орук-транспорт болуушкуннары болган черлерни тодараткан.

01.11.2023 Тывада ОРВИ-ден колдуунда элээдилер база ажылдаар назылыг кижилер аарып турар

Регион баштыңынга неделя санында берип турар санитар-эпидемиологтуг байдалга мониторинг медээзинден алырга, халдавырлыг тыныш инфекциялары-биле аарыыр таварылгалар неделя санында немежип турар.

31.10.2023 2035 чылга чедир Сибирь федералдыг округтуң стратегтиг хөгжүлде планынче киирген Тываның 31 саналын бадылаан

Документиде Сибирь регионнарының экономиктиг өзүлдезинге база чурттакчы чонунуң амыдырал-чуртталга шынарын экижидеринге таарымчалыг байдалдарны тургузар элээн каш угланыышкыннарда бөлүктээн 150 ажыг хемчеглер кирген.

30.10.2023 Тываның Баштыңы тускай шериг операциязында Төп болгаш Чөөн чүк шериг округунуң шериг албанныглары-биле ужурашкан

Владислав Ховалыг Россияның чаа регионнарынга ажыл-агыйжы сургакчылаашкын үезинде, Төп болгаш Чөөн чүк шериг округдарының кезектеринде албан хүлээлгезин эрттирип турар Тываның төлээлеринге ужурашкан.

30.10.2023 Тывага көдээ ажыл-агый болгаш болбаазырадылга үлетпүрүнүң ажылдакчыларының хүнүнде шылгараңгайларны шаңнап-мактаан

Тываның чер ажылдыгларының профессионал байырлалында республикага Дүжүт хүнүн демдеглеп, көдээ ажыл-агыйының улуг ярмарказын эрттирген.