Медээлер

27.08.2015 Тыва республиканың авиапарыгын үш чыл дургузунда 100 олуттуг «Сухой Суперджет-100» самолеттар-биле четчелээр

Подмосковьеде Ада-чурттуң авиациязын хөгжүдеринче угланган МАКС-2015 авиафорум үезинде «Тываның авиашугумнарынга» лизинги-биле «Сухой Суперджет-100» деп 10 самолетту дамчыдар дугайында керээге атты салган. Республиканың боттуң авиапарыгын көвүдедиринге ол чугула базым болган.

27.08.2015 Тыва Арат Республиканың эки турачыларынга төөгүлүг сактыышкынның болгаш алдар адының хүнүн Тывага бир дугаар демдеглээр

Фронтуже тыва кавалерийжи эскадронну аъткарган хүн – төөгүлүг сентябрь 1-ни республика Баштыңының чарлыы-биле Тыва бир дугаар демдеглеп эрттирер. Төөгүлүг хүнге тураскааткан хемчеглер август 28-те эгелээр: тыва эки турачыларның ады-биле адаан найысылалдың 13 кудумчузунга ында чурттап турар чуртакчыларны эвилелдеп, арыглаашкын акциязын аныяктар чорудар.

26.08.2015 Кызылдың аэропорт комплекизин 1 млрд. рубльге эде кылыр конкурсту чарлаан

Тывада чаңгыс аэропорт «Кызылдың аэропорту» федералдыг казна бүдүрүлгези аэропорт комплекизин эде тудар талазы-биле конкурсту среда чарлаанын, күрүне чагыының сайтызында дыңнаткан.

Садыглажылгага киржир чагыгларны сентябрь 15-ке хүлээп алыр, конкурстуң түңнелин сентябрь 22-де үндүрер.

26.08.2015 Тываның Баштыңы август 26-да МАКС-2015 Бүгү-делегейниң авиация-космиктиг салонунга баар

Вторникте Москва чоогунда Жуковскийде МАКС-2015 Бүгү-делегейниң авиация-космиктиг салону 12 дугаар ажыттынган. Авиасалоннуң ажылының баштайгы үш хонуун чаңчыл езугаар специалистер болгаш албан езузунуң кижилеринге тускайлаан, делгелгени 18 муң ажыг кижи көрген, организаторлар алызында 400 муңдан эвээш эвес кижи кээрин манап турар.

26.08.2015 Тываның Баштыңы РФ-тиң көдээ ажыл-агый сайыдындан кааңнаашкындан когараан ХДА-ларны акшаландырар айтырыгны деткиир аазаашкынны алган

Тываның Баштыңы Шолбан Кара-оол вторникте, август 26-да, Россияның көдээ ажыл-агый сайыды Александр Ткачев-биле ужурашкан. Эң-не кол чүүл – республиканың хууда дузалал ажыл-агыйларынга чедишпес мал чемин садып алыр чарыгдалдарын эгидип бээрин дугурушкан.

25.08.2015 Тыва Республиканың Өөредилге болгаш эртем яамызының эгелээшкини-биле бүгү Тывага чоруткан «Тайбыңның көге-бугазы» деп эстафетазы ырак Германияда чеде берген

Кажан эстафетаны республикага эрттирип турда, кым-даа тайбыңның болгаш буянныг чоруктуң «төлээлекчизи» ындыг ырадыр ужа бээрин бодаваан. Тайбыңның көге-бугазы Хакасияга, Красноярск крайга четкеш, ам Германияның Бидербах деп суурунда барганы онзагай.

25.08.2015 Тывада Регионнуң хан-дамыр төвүнде бедик технологиялыг медицина ачы-дузазының чаа арга-хевирин киирген

Тывада Регионнуң хан-дамыр төвүнге 74 харлыг аарыг кижиниң чүрээнге электрокардиостимулятор солуурунуң кезиишкинин кылганы - республикада бедик технологиялыг медицина ачы-дуза хөгжүлдезиниң чаа үе-чадазы болган. 2000 чылда Красноярск хоорайга бир дугаар ындыг кезиишкинни ол эр кижиге кылган турган. Ол аппараттың ажылдаар курлавыры төнгени-биле, 15 чыл эрткенде, ону дарый солууру негеттинип келген.

25.08.2015 Тываның девискээринде 15 арга-арыг өрттери хып турар

Август 24-түң хүнү-биле алырга, Тыва Республиканың арыг-арыг фондузундуң ниити шөлү 5774 га черинде 18 арга-арыг өрттери бүрүткеттинген, оларның 5469 газында өрт - арга-арыгларда.

212 га ниити шөлдүг 3 арга-арыг өртүн өжүрген.

25.08.2015 Тываның Чазаа аңдарылган Ми-8 вертолеттуң будундуларын көдүртүр ажылдарны акшаландырган

Эрткен чылдың октябрьда аңдарылган Ми-8 вертолеттуң кезектерин сөөртүп эккээри-биле «ЮТэйр» компанияның Ка-32 агаар суднозунуң ачы-дуза чедирилгезин төлээринге 5 млн. 451,6 муң рубльди Тываның Чазааның курлавыр фондузундан аңгылап, республиканың орук-транспорт комплекизиниң яамызынче шилчиткен.

24.08.2015 Тывада мал чеминиң белеткел кампаниязы уламчылавышаан

Республиканың Көдээ ажыл-агый яамызы, кааңнаашкындан мал чеминиң культураларын хемчээлди кызырылган деп, дыңнаткан. Август 21-ниң хүнүнге чедир муниципалдыг тургузуглар 2015 чылдың планының үштүң бир кезиин, азы эрткен чылдың бо-ла үезинге деңнээрге оон 2,5 катап эвээш - 40712 тонна сигенни белеткээн.

24.08.2015 «Тыва Экспо-2015» делгелге-ярмарканың чылда бараан эргилдези 40, 7 млн. рубль четкен

Тыва Республиканың Чазаа-биле Новосибирск облазының администрациязының аразында садыг-экономика, эртем-техника болгаш культура талазы-биле кады ажылдажылга дугайында дугуржулга езугаар чылдың-на Кызыл хоорайга «Тыва-Экспо» регионнар аразының делгелге-ярмарказынга Россияның регионнарындан бараан бүдүрүкчүлери болгаш фирмалар киржип турар.

24.08.2015 Тывада өртке удур онза чурумну узаткан

Россия Федерациязының Арга-арыг кодекизиниң 11, 53.5 болгаш 83 чүүлдеринге, 1994 чылдың декабрь 21-де «Өрттүң айыыл чок чоруунуң дугайында» №69-ФХ Федералдыг хоойлуга, 2014 чылдың декабрь 29-та «Тыва Республикага өрттүң айыыл чок чоруунуң дугайында» Тыва Республиканың №1168 Хоойлузунга, 2011 чылдың ноябрь 3-те Арга-арыг ажыл-агыйының федералдыг агентилелиниң «Арга-арыгга өрттүң айыыл чок чоруун азы санитар айыыл чок чоруун хандырар сорулга-биле

23.08.2015 Тывада Россияның Күрүне тугунуң хүнүн улусчу байырлал-биле демдеглээн!

Албан езузунуң хүнүн республикага байырлал чыскаалы-биле эгелээн. Ону Тываның эрге-чагырга органнарының төлээлери, Тывада кол федералдыг инспектор баштаан. Кызылдың Национал парыгындан төп шөлге чедир улус ажыл-агыйының болгаш социал адырның ажылдакчылары российжи триколорну тудуп алгаш эрткен.

22.08.2015 КYРYНЕ ТУГУНУҢ ХYНY-БИЛЕ!

Бо чылдың август 22-де бистиң чуртувус Россия Федерациязының Күрүне тугунуң хүнүн демдеглеп турар. Тываның Баштыңы Шолбан Кара-оол ол хүн-биле республиканың чурттакчыларынга болгаш аалчыларынга байыр чедирген.

«Республиканың хүндүлүг чурттакчылары! Бистиң чуртувуска аажок чугула байырлал — Россия Федерациязының Күрүне тугунуң хүнү-биле байыр чедирип тур мен!

22.08.2015 Тываның Баштыңы: РФ-тиң Тугунуң хүнүнде күрүне сүлде демдектери чаа бедиктерни алыр

Ооң дугайында Тываның Баштыңы Шолбан Кара-оол айыткан: «Демниг чон – ол дээрге бастырбаан Россия-дыр! Сөгүрбес бис, дүжүп бербес бис, туржур бис. Бистиң сүлде-сүзүүвүс бедии, нациявыс эртинези, чер девискээривистиң чаңгыс деми бар.

21.08.2015 «Чаңгыс суур – чаңгыс бүдүрүлге» төлевилелиниң киржикчилери «Тыва Экспо-2015» делгелгеде идепкейлиг ажылдап турар

"Тыва Экспо" делгелге-ярмарказынга «Чаңгыс суур –чаңгыс бүдүрүлге» губернатор төлевилелиниң дыка хөй киржикчилери боттарының бараанын профессионал экспертизаже киирип, конкурс эртери шагда-ла чаа чүүл эвес.

Үш дугаар чыл школачы хеп-сын даарап турар хууда сайгарлыкчы Эмма Монгуш оларның бирээзи. 2013 чылда ол бодунуң продукциязының шынарынга «Тыва Экспонуң» алдын медалын чаалап алган.

21.08.2015 ТР-ниң аныяктар херээ болгаш спорт сайыды Ак-Довурак хоорайда бассейн тудуун хынап көрген

Август 20-де ТР-ниң аныяктар херээ болгаш спорт сайыды Юрий Ооржак Ак-Довурак хоорайда эштир бассейнниң тудуун хынап четкен. Ону ТР-ниң Тудуг яамызы биле Капитал тудуг эргелели-биле кады чоруткан. «Объектиниң кол ооргаларын туткан, таваан кудары дооступ турар.

21.08.2015 Тывага Россияның Күрүне тугунуң хүнүнде ыдыктыг Дөгээ даанга 7 метр российжи триколорну киискидер

Чылдың-на август 22-де Россияга Россия Федерациязының Күрүне тугунуң хүнүн демдеглеп эрттирип турар. РФ-тиң Президентизиниң 1994 чылдың август 20-де «Россия Федерациязының Күрүне тугунуң хүнүнүң дугайында» № 1710 чарлыы-биле ол хүннү тургускан.

21.08.2015 Совет Эвилелинде эң-не улуг археологтуг экспедицияга тураскааткан делгелге Тывада ажыттынган

«Үстүү Енисей болгаш аңаа чоок территорияларда бурунгу культура» бүгү-российжи эртем конференциязының чорудуу-биле ССРЭ-ниң ЭА-ның Саян-Тыва археологтуг экспедицияның 50 чылынга тураскааткан делгелгениң ажыдыышкыны август 21-де Тыва Республиканың Алдан-Маадыр аттыг Национал музейниң «Хааннар шынаазының эртинелери» залга болур.

21.08.2015 Таңдының Бай-Хаак суурда спортчу төптү октябрьда ажыдар

Бай-Хаак суурда беш ээлчегниң бирээзинде-ле 156 кижиге санаттынган, чемненир черлиг, сауналыг, душ өрээлдиг, бүгү талазы-биле таарымчалыг спортчу төптүң тудуу адакталган. Тудуг объектизин ажыглалга киирериниң документилерин долдурар ажылдар бо хонуктарда чоруп турар.

Логин:
Пароль:
	Запомнить меня на этом компьютере

Забыли свой пароль?