25.05.2023
Тываның Баштыңы Сүт-Хөл кожуунда социал объектилер тудуун база септелгезин хынаан
Владислав Ховалыг ажыл-агыйжы сургакчылаашкын-биле Сүт-Хөл кожуунга чораан. Ол чорааш Ак-Даш биле Алдан-Маадыр суурлар аразының оруунда, Алдан-Маадырның көдээ клувунда улуг септелгени хынап, 2021 чылда бүрүн чаарттынган төп кожуун эмнелгезиниң поликлиниказынга четкен.
25.05.2023
Тыва суг үерлээшкининиң ийиги чадазынга белеткенип турар
Республика девискээринде харның эрээни-биле суг үериниң бирги чадазы эрткен дээрзин регионнуң арга-арыг болгаш бойдус ажыглалының яамызы дыңнаткан. Ам тайгалар бажында харның база бичии хемнерниң эриири-биле суг үериниң ийиги чадазы эгелээр.
24.05.2023
Алдынай Дулуш: чаа амыдыралды эгелээринге социал керээ ынанышты бээр
Кызылда Аныяктар ордузунга майның 25-те 11 шакта эгелээр боттарын ажыл-биле хандыртынган кижилерниң III республика шуулганының база бир киржикчизи - Алдынай Дулуш.
24.05.2023
Кызылда уругларның чаа республика эмнелгезин тудуп эгелээн
«Уруглар эмчи дузазы көргүзер амгы үениң инфраструктуразын тудуп, уругларның кадык камгалалын сайзырадыры» федералдыг төлевилел күүселдези-биле чыдар эмнелгелиг болгаш поликлиникалыг уруглар эмнелге комплекизиниң төлевилелин ажылдап кылгаш, камгалаан.
24.05.2023
Тываның Баштыңы Владислав Ховалыг Р-257 авторукка озал-ондактан мөчээн кижилерниң өг-бүлелеринге болгаш чоок кижилеринге кажыыдалын илереткен
Дүүн орайтадыр Тывага улуг орук озал-ондаа болган – Кызыл кожууннуң Баян-Кол суурдан ырак эвесте черге, үш автомашина үскүлешкенинден, алды кижи амы-тынындан чарылган.
24.05.2023
Владислав Ховалыг Россия-Кыдат бизнес-форумда киржип турар
Тываның Баштыңы Владислав Ховалыг РФ-тиң премьер-министри Михаил Мишустинниң баштааны российжи делегацияның составы-биле Россия-Кыдат бизнес-форумда киржип турар.
23.05.2023
Бодун ажыл-биле хандыртынганнарның республика шуулганы Кызылга болуп эртер
Майның 25-те Кызылда Аныяктар ордузунга бодун ажыл-биле хандыртырганнарның III республика шуулганы болуп эртер.
23.05.2023
Бо неделяда Тываның школаларынга шылгалдалар эгелээр
Тывада май 24-те – тоску классчыларга, а майның 26-да – школа доозукчуларга күрүне шылгалдалары эгелээр.
23.05.2023
Тывада Сайгарлыкчы чорук неделязының хемчеглери уламчылавышаан
Майның 26-да демдеглээр Российжи сайгарлыкчы чорук хүнүнге тураскааткан чаңчылчаан бизнес-декаданың ажыл-агыйжы хемчеглери бо неделяда Тывага база уламчылаар.
22.05.2023
Тываның Баштыңы “Сөөлгү коңга” байырлалы-биле ТывКУ-нуң доозукчуларынга байыр чедирген
Бо чылын бо дээди өөредилге чериниң 1080 доозукчузунга сөөлгү коңга эткен. Тываның күрүне университединиң кол корпузунуң спортчу шөлүнге доозукчуларның чыскаалы-биле байырлал программазы эгелээн.
22.05.2023
Тываның күүсекчи эрге-чагырга органнарынга стажировка эртер конкурс эгелээн
Тыва Республиканың Баштыңының Администрациязы база Тыва Республиканың Чазаанга, регионнуң күүсекчи эрге-чагырга органнары – яамылар болгаш ведомстволарга стажировкалаары-биле аныяк специалистерни чалап турар.
22.05.2023
Тываның Баштыңы шериг командылал чериниң адындан «Автопоезд» акцияның киржикчилеринге шаңналдарны тывыскан
«Россия дээш» улусчу фронт» бүгү-российжи хөй-ниити шимчээшкининиң идип үндүргени «Автопоезд» акцияга идепкейлиг киришкен республиканың сайгарлыкчыларынга Төп болгаш Чөөн чүк шериг округдарының командылал черинден шаңналдарны Тываның Баштыңы Владислав Ховалыг байырлыг байдалда дамчыткан.
21.05.2023
Владислав Ховалыг РФ-тиң камгалал сайыды Сергей Шойгуга төрүттүнген хүнү-биле байырын чедирген
Республиканың Баштыңы Владислав Ховалыг социал четкилерде бодунуң блогунга Сергей Күжүгетович Шойгунуң 68 харлап турары-биле байырын чедирип, республиканың шупту чурттакчылары хүндүткелдиг чаңгыс чер чурттуунга чаагай күзээшкиннерни йөрээп турарын дамчыткан.
20.05.2023
Тываның Чазааның аппарат хуралында чурттакчы чоннуң айыыл чоруунуң айтырыынче кичээнгейни салган
Тываның Чазааның аппарат хуралында, ТР-ниң ИХЯ-ның эрткен неделяда “эзирик авариялар”-ның сан-чурагайының талазы-биле оперативтиг дыңнадыгны берген. Эрткен неделяда 31 орук озал-ондаа болган, 10 кижи кемдээн, 25 машина үрелген. Эзирик 22 чолаачы туттурган.
19.05.2023
Тываның Чазаа «Чурттакчы чоннуң кадыының байдалының дугайында» илеткелди бадылаан
2022 чылда Тывада өзүп төрүүрү кызырылган-даа болза, ол көргүзүг талазы-биле Россияда мурнуку черни ээлевишаан. Республика Чазаанче киирген ТР-ниң Кадык камгалал яамызының чурттакчы чоннуң кадыының байдалының дугайында чылдың илеткелинде ол болгаш өске-даа сан-чурагайларны айыткан.
19.05.2023
Чоннуң чоон оруктарынга хыналда доскуул черлериниң ажылын катап тургузар
Тываның Баштыңы Владислав Ховалыг ажыл-агыйжы сургакчылаашкын үезинде, Тыва Республикада кем-херек үүлгедиишкиннерин эвээжедир ведомстволар аразының комплекстиг планының хемчеглери-биле катап туттунуп турар Чөөн-Хемчик биле Чаа-Хөл кожууннарда Тываның орук шимчээшкининиң айыыл чок чоруунуң талазы-биле күрүне инспекциязының орук-хайгыыл албанының стационарлыг ийи постузун хынаан.
19.05.2023
Тываның Баштыңы Шагаан-Арыгда гимназияның септелгезин хынаан
Тываның Баштыңы Владислав Ховалыг Тываның Улуг-Хем кожуунга ажыл-агый аайы-биле чорааш, Шагаан-Арыг хоорайда гимназияда септелге ажылдары кайы хире кылдынып турарын хынаан.
18.05.2023
Тываның Кызыл кожуунунда улуг бода малда сибирь язвазы тывылганы-биле карантинни киирген
Тыва Республиканың Баштыңы Владислав Ховалыгның айтыышкыны-биле, Кызыл кожууннуң Кур-Чер суурнуң чоогунда Үш-Хады-Эмектиг деп черде кызыгаарлыг хемчеглерни киирген.
18.05.2023
“ЕНИСЕЙ ЭКСПО-2023” регионнар аразының XXV делгелге-садыглаашкыны болуп эртер
Майның 19-21 хүннеринде, Кызыл хоорайда Субедей аттыг спорт комплекизинге, Тыва Республиканың Чазааның база “Енисей Сибирин хөгжүдер корпорация” АКН-ниң деткиишкини-биле «Сибэкспосервис делгелге компаниязы» КХН «ЕНИСЕЙ ЭКСПО-2023» XXV регионнар аразының универсалдыг делгелгезин организастап эрттирер.
18.05.2023
Тывада социал объектилер тударының болгаш септеп-селиириниң улуг ажылдары эгелээн
Тывада ТР-ниң Чонну ажылга хаара тудар төвүнүң 16 девискээр салбырларында, база социал угланыышкынныг дөрт объектиде септелге ажылдары майның эге хонуктарындан эгелээнин регионнуң Күш-ажыл болгаш социал политика яамызы дыңнаткан.