Тываның Баштыңы шериг командылал чериниң адындан «Автопоезд» акцияның киржикчилеринге шаңналдарны тывыскан

«Россия дээш» улусчу фронт» бүгү-российжи хөй-ниити шимчээшкининиң идип үндүргени «Автопоезд» акцияга идепкейлиг киришкен республиканың сайгарлыкчыларынга Төп болгаш Чөөн чүк шериг округдарының командылал черинден шаңналдарны Тываның Баштыңы Владислав Ховалыг байырлыг байдалда дамчыткан.
Регионнуң шупту чурттакчылары бистиң дайынчыларывыска дуза чыыр дээн кыйгырыгны демнии-биле деткип, өске регионнардан хөй - 41 автомобильди мурнуку шугумче чорутканын губернатор сагындырган. Транспорттуң чыскаалын үдээн соонда, Владислав Ховалыг республика чазааның база бүгү шериг удуртулгазының өмүнээзинден автоколоннаны хевирлээринге киирген үлүг-хуузун көргүскен патриотчу чоруу дээш муниципалдыг тургузугларның адрезинге өөрүп четтиргенин илереткен.
Тываның Баштыңы майның 8-те Ростов-на-Дону хоорайга дайынчы хөделиишкиннер шугумундан албан-биле келген бистиң шериглеривиске автотранспортту дамчыткан.
«Бистиң оолдарывыс эрес-дидим тулчуп турда, оларны деткиир ужурлуг бис. Оларны деткиир изиг күзелди илереткен акцияга идепкейлиг киржир дээн бистиң ниити шиитпиривисти республиканың дыка хөй күш-ажылчы коллективтерниң шиитпири ышкаш, силер база деткиирин шиитпирлээн силер» - деп, ол демдеглээн.
Тываның Баштыңы Владислав Ховалыг шериг албанныгларны деткиир дээн инициативаны илередип, көргүскен дузазы дээш «Восток» кызыгаарлаттынган харыысалгалыг ниитилелдиң директору Валерий Кенидиванга, «Планета» кызыгаарлаттынган харыысалгалыг ниитилелдиң директору Виген Жамкочянга, хуу сайгарлыкчы Аян Сыратка, «Суугу» кызыгаарлаттынган харыысалгалыг ниитилелдиң директору Белек Донгуракка, «НИК» кызыгаарлаттынган харыысалгалыг ниитилелдиң директору Норайр Игитханянга, «Восток» кызыгаарлаттынган харыысалгалыг ниитилелдиң чиңгине директору Сергей Уюсовка, «Элита» кызыгаарлаттынган харыысалгалыг ниитилелдиң директору Ваан Андрасянга, «Авангард» кызыгаарлаттынган харыысалгалыг ниитилелдиң директору Роланд Хаджиевке, «Строй-Экспресс» кызыгаарлаттынган харыысалгалыг ниитилелдиң чиңгине директору Кан-Болат Кунучапка, «Скат» кызыгаарлаттынган харыысалгалыг ниитилелдиң чиңгине директору Эрес Данзырынга, «ДСК» кызыгаарлаттынган харыысалгалыг ниитилелдиң чиңгине директору Вадим Човууга, «Олчей» тускайлаттынган тудуг чери» кызыгаарлаттынган харыысалгалыг ниитилелдиң чиңгине директору Оскал-оол Кысыгбайга, «Каменщик» кызыгаарлаттынган харыысалгалыг ниитилелдиң директору Хачатур Буликянга, «Трансстрой» тускайлаттынган тудуг чери» кызыгаарлаттынган харыысалгалыг ниитилелдиң чиңгине директору Анатолий Андрияновка, «Ойна» алдын артелиниң директору Олег Дудкога, хуу сайгарлыкчы Владимир Федосовскийге Шериг округунуң мотоадыгжы дивизиязының командылал чериниң Өөрүп четтириишкиннерин база “Төп” шериг бөлүүнүң командылал чериниң Өөрүп четтириишкин бижиктерин тывыскан.
«Сельстрой» кызыгаарлаттынган харыысалгалыг ниитилелдиң директору Сергей Сафринге “Төп” шериг бөлүүнүң командылал чериниң Өөрүп четтириишкин бижиин дамчыткан.
«Бастион» тускайлаттынган тудуг чери» кызыгаарлаттынган харыысалгалыг ниитилелдиң тургузукчузу Сергей Богусовка Төп шериг округунуң мотоадыгжы дивизиязының командылал чериниң Өөрүп четтииришкинин тывыскан.