Медээлер

14.12.2021 Тывада COVID-19-тан аараан 18 таварылга эрткен хүнде бүрүткеттинген
Тываның кадык камгалал сайыды Анатолий Югай эрткен хонукта COVID-19-тан аараан 18 таварылга бүрүткеттингенин дыңнаткан. А аарыгны аар эртип турар кижилерниң саны кызырылбаан. Бөгүнде ындыг байдалдыг 77 кижи бар.

14.12.2021 Тываның кадет корпузундан хөй уругларның аараан чылдагаанын тодарадыры-биле, карантинни киирген
Декабрь 13-те «Тываның кадет корпузу» республиканың школа-интернадында уругларның калбаа-биле аараанынга хамаарыштыр хуралды Тыва Республиканың Баштыңы Владислав Ховалыг декабрь14-те, эртенги шакта эрттирген. 

14.12.2021 Ак-Довурактың чурттакчылары бажыңнарында соок деп хомудалдарны киирген
Тывада одалга сезону сентябрь 15-те эгелээн болзажок, чурттап олурар оран-саваларында соок дээн хомудалдар хамаатылардан бо-ла кээр. Декабрьның 2-ден 10-га чедир 15 ындыг дыңнадыг кирген. Оларның хөй кезии Ак-Довурак хоорайның чурттакчыларындан.

14.12.2021 Ховалыг: ноябрьда болган айыыл-халаптың соонда, чогуур түңнел үндүртүнмээн
Республика Чазааның неделяның аппарат хуралында, эрткен хонуктарда болган халаптыг болуушкуннарны сайгарган. Чазак даргазының оралакчылары кылган ажылдарын илеткээн соонда, ноябрьда Кызылга ийи назы четпээн уруглар чок болганының соонда, чогуур түңнелдер алдынмаанын республика баштыңы айыткан.

13.12.2021 РФ-тиң Чазааның курлавыр фондузундан Тыва Республика халас эмчи дузазының чарыгдалдарын дуглаарынга 402 млн рубльди алыр
Эрткен неделяга деңнээрге, аарып турар кижилерниң саны 23 хуу эвээжээн. Ындыг болзажок сула салдынып болбас дээрзин Тыва Республиканың кол санитар эмчизи Л. Салчак чазактың аппарат хуралында дыңнаткан.

13.12.2021 Республика коронавируска удур тарыышкын чорудар талазы-биле РФ-те 5-ки черде
Республика эмнелге албан черлеринче ниитизи-биле 231458 вакцинаны хувааган. Вакцинаның бирги кезээ-биле 154623 кижи тарыткан. Республика чонну тарыыр талазы-биле планны 93,3 хуу күүсеткен, азы 165 муң кижи тарыыр тургаш, бо хүнге чедир 154623 кижини тараан. 

10.12.2021 Тыва бюджеттиң турум байдалын тударынга 1,29 млрд рубльди алыр
РФ-тиң Чазааның бюджеттиң турум байдалын деткиир дээш 29,3 млрд рубльди үлештирген 45 регион санынче Тыва база кирген. РФ-тиң Чазааның даргазы Михаил Мишустин декабрь 9-та ол айтыышкынга атты салган. 

10.12.2021 Тыва Республиканың Дээди Хуралының база Чазааның чөвүлелдери 2022 чылда болгаш планныг 2023 база 2024 чылдарда республика бюджединиң төлевилелин сайгарып көрген
2022 чылда база планныг 2023 болгаш 2024 чылдарда республика бюджединиң дугайында хоойлу төлевилелиниң хөй-ниити сайгарылгазының үезинде кирген айтырыгларны база саналдарны сайгарып көрген Тываның Чазааның чөвүлел база Тываның Дээди Хуралының (парламент) чөвүлелиниң декабрь 9-та эрткен каттышкан хуралынга сайыттар кабинеди база депутаттар киришкен. 

10.12.2021 Тываның хөй ажыл-чорудулгалыг төптеринде тожу-тываларындан документилерни хүлээп турар
Россия Федерациязының биче буурай үндезин чоннарынга хамааржыр кижилер даңзызынче медээни киирер дээш, республикада чурттап турар эвээш санныг үндезин чоннарның төлээлеринден документилерни Тываның хөй ажыл-чорудулгалыг төптери хүлээп ап турар.

10.12.2021 Тываның Баштыңының культура болгаш уран чүүл адырында грантызын бодун ажыл-биле хандырган Аян Чошкак алган
Республиканың Культура болгаш туризм яамызы Тыва Республиканың Баштыңының культура болгаш уран чүүл адырында грантызынче чагыгларны хүлээп эгелээнин августа чарлаан турган. 

10.12.2021 Тываның эртем талазы-биле агентилелиниң директорунда Алена Стороженко томуйлаткан
Тыва Республиканың Эртем талазы-биле агентилелдиң директорунга Алена Александровна Стороженкону томуйлаар дугайында чарлыкка атты 2021 чылдың декабрь 9-та салган.

09.12.2021 Тываның Баштыңының Дээди Хуралга чылдың бээр Айыткалынга хөй-ниити организацияларының санал-оналдарын киирер
Владислав Ховалыг республикада хөй-ниити каттыжыышкыннарының төлээлери-биле ужуражып, Тываның Баштыңының депутаттар корпузунга чылдың бээр Айыткалынга киирер санал-оналдарны олардан дыңнаан.

09.12.2021 Тывада коммерцияга хамаарышпас организациялар саны көвүдээн
Республикада бүрүткеткен хөй-ниити организацияларның саны 398 турганындан, сөөлгү үш чылда 518 четкен. Регионнуң эрге-чагыргазы хөй-ниити органицияларынга методиктиг болгаш саң-хөө дузазын доктаамал көргүзүп турар. 

08.12.2021 Тываның Чазаанда политиктиг партиялар база хөй-ниити организациялары-биле кады ажылдажылга чөвүлелин тургускан
Тываның Баштыңы Владислав Ховалыг ындыг чөвүлел органын тургузуп алыр дугайында саналды «Либерал-демократтыг партия» (ЛДПР), «Россия Федерациязының Коммунистиг партиязы», «Чаңгыс демниг Россия», «Чөптүг Россия», «Россияның Коммунистери Коммунистиг партия», «Өзүлде Партиязы» база «Россия Федерациязының Казактар партиязы» политиктиг партияларның регион салбырларының удуртукчулары-биле ужуражылга үезинде киирген.

08.12.2021 Тываның Баштыңы биле Тываның даг-руда компаниязы Москвага дугурушкан хөмүр-даш өртээн албан езунуң керээзи-биле быжыглаан
Республика Чазаа биле Тываның даг-руда компаниязы социал-экономиктиг кады ажылдажылга дугайында дугуржулгага атты дүүн салган. 

08.12.2021 Тываның идепкейжи узун назынны деткээн алды төлевилели Россияның эң эки ажылдарының чыындызынче кирген
Идепкейжи узун назын дээш ажыл-чорудулгалыг төлевилелдерниң тергиини үнелелге төлептиглерни тодараткан II бүгү-российжи шилилде доозулган. «Демография» национал төлевилел чорудуу-биле ук хемчег эрткен.

07.12.2021 Тывада үндүрүглер чыылдазы 4,5 хуу баткан
Регионнуң үндүрүг албанының медээзи-биле алырга, 2020 чылга деңнээрге, 2021 чылдың декабрь 1-ге чедир республиканың чонундан эт-хөреңги үндүрүүн 4,5 хуу эвээшке, азы 67,2 хуу чыгган. Эт-хөреңги ээлери 2020 чылда 264,2 млн рубль үндүрүг чыылдазын киирген болза, бо удаада чүгле 177,5 млн рубль акшага үндүрүг төлевирлери кирген.

07.12.2021 Тывада уруглар өөредилгезиниң 113 коллективи бот-аңгылаашкында
Декабрь 4-түң байдалы-биле алырга, школаларның 58 класстары, уруглар садтарының 11 бөлүктери база дээди болгаш ортумак тускай өөредилге черлериниң 44 бөлүү бот-тускайлаң аңгылаашкынынче кирген. 

06.12.2021 Тывада гонконг гриви-биле аараан 17 таварылга демдеглеттинген
Эрткен чылын Тываның девискээринге грипптен аараан чаңгыс-даа таварылга демдеглеттинмээн болза, бо чылдың 48-ки неделязында А(H3N2) гриви-биле (гонконг грипп) аараан 17 таварылга бүрүткеттинген.

06.12.2021 Кызылдың чоогунда Улуг-Хемниң эриинге камгалал чалдарны тударын Россияның Бойдус яамызы деткээн
Республика найысылалының солагай талакы дачалар ниитилелиниң девискээринде чурттап турар 10 муң ажыг кижилерге айыыл чок чорукту хандырары-биле гидротехниктиг тудугну тудар.