Медээлер

26.08.2021 Тывада национал чечен чогаал премиязын тыпсырынга мөөрейни чарлаан
Тыва Республиканың Нациялар херээниң талазы-биле агентилел чогаал адырында “Национал чечен чогаал премиязы” мөөрейже ажылдарны хүлээп эгелээнин чарлаан. Шаңналды ноябрь 1-де, Тыва дыл хүнүнге тураскааткан байырлыг хемчегде тыпсыр. 

25.08.2021 Тывада армейжи делегей оюннарының ийиги чадазы эгелээн
Тывада, август 22-де эгелээн чыл санының «АрМИ-2021» делегейниң армейжи оюннарда, Россия биле Моолдуң Чепсектиг күштериниң командалары маргылдааның ийиги чадазынче кирген – аът марафонунуң негелдези езугаар киржикчилер тускай даалгаларлыг 100 ажыг км-ни эртер.

24.08.2021 Тывада чамдык кызыгаарлаашкыннарны сулараткан: хөй-ниити чемненилге черлери база Азия төвү комплекс ажыттынган
Нарын эпидемиологтуг байдал уржуундан киирген чамдык кызыгаарлыг хемчеглерни ап кааптар дээн күрүнениң кол санитар эмчизиниң саналы-биле, бөгүн “2021 чылдың июль 6-да №223 Чарлыынче өскертилгелер киирер дугайында” Тыва Республиканың Баштыңының Чарлыында атты салган.

24.08.2021 Тываның башкыларының август чөвүлел хуралдары
Чаа өөредилге чылының бүдүүзүнде, Тываның өөредилге ажылдакчыларынга, 2020-2021 өөредилге чылының түңнелдерин үндүрген база чаа сорулгаларын салган “Өөредилгениң шынарындан – амыдыралдың шынарынче” деп август чөвүлел хуралдары болуп эртер.

24.08.2021 Тывада "Тыва - синема" конкурска киржир чагыгларны хүлээп эгелээн
"Тыва - синема" V республика конкурузунче киновидео тырттырынга сонуургалдыгларның чогаадыкчы ажылдарының сөөлгү ийи чылда дараазында темаларга тырттырган кыска хемчээлдиг киноларын хүлээп эгелээн: "Эртем болгаш технологиялар", "ТАР-ның тургустунганындан бээр 100 чылдааны", "Хостуг тема".

24.08.2021 Чайгы үеде Тывада 5000 ажыг уруглар дыштанылга төптеринге дыштанган
Тываның культура бажыңнарында болгаш төптеринде түр үеде ажыттынган 129 төптерниң онлайн ажылдыг эрткен үшкү ээлчээ август 20-де доозулган. 

24.08.2021 Тывада 26 хөй-ниити девискээрлерин 2022 чылда чаагайжыдар
“Таарымчалыг хоорай хүрээлелин хевирлээри” федералдыг төлевилелдиң "17.gorodsreda.ru" чаңгыс федералдыг платформазынга эрттирген онлайн рейтингилиг бадылаашкынның түңнели-биле, Тывада 19 муниципалдыг тургузугда 26 хөй-ниити девискээрлерин чаагайжыдар.

24.08.2021 Тывада хөй-ниити чемненилге черлеринге кызыгаарлаашкынныг хемчеглерни кошкаткан
Росхереглел хайгааралының республикада удуртукчузу Людмила Салчак, хөй-ниити чемненилге черлериниң ажылында кызыгаарлаашкынны кошкадырын аппарат хуралында дыңнаткан. 

23.08.2021 Тываның өөредилге адырында кадрлар чедишпезин шиитпирлээр арга-хевирлерни ажылдап кылыр
Республиканың өөредилге организацияларынга 260 хире башкы кадрлар чедишпес. Тываның Өөредилге болгаш эртем  яамызы август 17-де ындыг медээни берген. Найысылалда – 59, Бии-Хем кожуунда – 39, Чөөн-Хемчикте – 29, Улуг-Хемде – 26 хостуг олуттар бар. Математика, орус дыл болгаш литература, англи дыл болгаш физика башкылары школаларга дарый херек.

23.08.2021 Тываның Баштыңының культура адырында грант шаңналдарынче конкурсту чарлаан
Конкурска киржир чагыгны дараазында адресте август 20-ден сентябрь 10-га чедир хүлээр: Кызыл хоорай, Щетинкин-Кравченко кудумчузу, б.46, 308 дугаарлыг өрээл, профессионал уран чүүл болгаш өөредилге килдизи.

23.08.2021 Тываның Чазаанга аварийлиг чуртталга бажыңнарын база школаларда үшкү ээлчегни канчаар шиитпирлээрин чугаалашкан
Тыва Республика Чазааның даргазының бирги оралакчызының албан-хүлээлгезин күүседип турар Александр Брокерт аварийлиг чуртталга бажыңнарындан өскээр көжүрер программаны күүседир дээш база Тываның школаларында үшкү ээлчегни чок кылыр дээш регионнуң чазаа кандыг хемчеглер ап турарын чугаалаан.

23.08.2021 Тываның школаларынга ам-даа өөредилге номнары келир
Бо өөредилге чылында республиканың школалары ортумаа-биле 84 хууга өөредилге номнары болгаш өөредилге пособиелери-биле хандыртынар. Мониторингиниң түңнели ындыг болган. Колдуунда Кызылдың школаларында номнар чедишпес. 

22.08.2021 Россияның Күрүне тугунуң хүнүнде бичии кызылчыларга паспорттарны тывыскан
Россия Федерациязының Күрүне тугунуң хүнүнде, Тываның найысылалы Арбат шөлүнге, Россия Федерациязы биле Тыва Республиканың Күрүне туктарын байырлыы-биле киискидер езулал болган.

20.08.2021 Тываның школаларынче эрткен чылга деңнээрге 4228 кижи хөйге бижиткен
Тыва Республиканың Өөредилге болгаш эртем яамызының дыңнатканы болза, чаа өөредилге чылында өөредилге организацияларынче хүлээп алыышкын дүүн доозулган. Регионда шупту 377 өөредилге объектилери бар. 2021/22 өөредилге чылында 73 828 өөреникчи, азы 2020 чылга деңнээрге 4228 кижи хөйге өөренип кирери баш бурунгаар билдинген.

19.08.2021 Тываның Тес-Хем кожуунундан Ланааларның өг-бүлези “Чылдың өг-бүлези” бүгү-российжи мөөрейниң “Өг-бүле – ужур-чаңчылдарның кадагалакчызы” номинацияга тиилээн
Тываның Күш-ажыл болгаш социал политика яамызы Тес-Хем кожуундан Ланаа Кур-Дагба Хорлай-оолович биле Салбакай Тихоновнаның өг-бүлезин регион тиилекчилери кылдыр бүгү-российжи мөөрейже идип үндүрген.

19.08.2021 Тывада хөй ажы-төлдүг 3222 өг-бүлени «социал» хөмүр-биле хандырар
Одалга сезону эгелевээнде, «Социал хөмүр» социал төлевилел-биле хөй ажы-төлдүг 3222 өг-бүлени хөмүр база 175 өг-бүлени ыяш-биле хандырар деп, регионнуң Одалга болгаш энергетика яамызы дыңнаткан.

19.08.2021 Тываның оруктарынга бо чылдың эгезинден бээр 1753 эзирик чолаачыны туткан
Тыва Республикада Иштики херек яамызының күрүне автоинспекциязының дыңнадыы-биле алырга, бо чылдың чеди айында ОШАЧКИ ажылдакчылары 1753 эзирик чолаачыны туткан, эзириктиң хайы-биле 72 орук озал-ондаа болган. 

19.08.2021 Тываның Экономика яамызы сайгарлыкчыларның лизинг-биле дериг-херекселдер болгаш техника саткан чарыгдалдарынга субсидияны бээр
Тываның Экономика яамызы туризм адырында ажыглап турары дериг-херекселдерин, мототранспорт аймаан база көдээ ажыл-агый техниказын садып алырынга лизинг керээлерин чарып тура, бирги төлевириниң (авансызының) чартыынга субсидияны алыры-биле, күрүнениң саң-хөө деткимчезин бээр биче болгаш ортумак сайгарлыкчы чорук субъектилериниң конкурс шилелгезинге киржир дугайында билдириишкинни 2021 чылдың август 16-дан сентябрь 16-га чедир хүлээп алырын чарлап тур. 

19.08.2021 Тывада «Москва – Кызыл – Москва» авиамаршрутка сибсидияны катап берип эгелээн
Тываның Баштыңы албан-хүлээлгени күүседип турар Владислав Ховалыгның Россия Федерациязының транспорт сайыды Виталий Савельев-биле “регион шагы” хевирге ажыл-агыйжы ужуражылгазының түңнелинде, «Москва – Кызыл – Москва» угланыышкынныг авиааргыжылгаларга субсидия бээри катап чедип алдынган.

19.08.2021 «Культура» национал төлевилел-биле чыл төнчүзүнге чедир Тывага ам база ийи модельдиг библиотека ажыттынар
Регионнуң Культура яамызының дыңнатканы болза, чыл төнчүзүнге чедир Тывага ам база ийи модельдиг библитека ажыттынар. «Культура» национал төлевилелди боттандырып, Ак-Довурактың Антон Үержаа аттыг Төп хоорай библиотеказының база Сүт-Хөл кожууннуң төп уруглар библиотеказының баазазынга оларны дериир.