Тываның Баштыңының культура адырында грант шаңналдарынче конкурсту чарлаан

23.08.2021 Конкурска киржир чагыгны дараазында адресте август 20-ден сентябрь 10-га чедир хүлээр: Кызыл хоорай, Щетинкин-Кравченко кудумчузу, б.46, 308 дугаарлыг өрээл, профессионал уран чүүл болгаш өөредилге килдизи. Харылзажыр телефону: 8(394)22-317-68.
Культура болгаш уран чүүл адырының дараазында угланыышкыннарында ажылдап чоруур сайгарлыкчылар ортузунга чогаадыкчы төлевилелдерин боттандырынга Тыва Республиканың Баштыңы – Чазааның Даргазының культура болгаш уран чүүл адырында грантызын бээринге конкурс шилилдезин чарлаан:
- чурулга уран чүүлү;
- архив херээ;
- хөгжүм уран чүүлү;
- хореография уран чүүлү;
- театр болгаш цирк уран чүүлү;
- кино;
- музей херээ;
- библиотека херээ;
- улусчу чогаадылга, ус шеверлел болгаш ус дарганнаашкын;
- культура болгаш уран чүүл адырында өөредилге болгаш эртем шинчилелдери.