Тываның башкыларының август чөвүлел хуралдары

24.08.2021 Чаа өөредилге чылының бүдүүзүнде, Тываның өөредилге ажылдакчыларынга, 2020-2021 өөредилге чылының түңнелдерин үндүрген база чаа сорулгаларын салган “Өөредилгениң шынарындан – амыдыралдың шынарынче” деп август чөвүлел хуралдары болуп эртер. Санитар-эпидемиологтуг дүрүмнерни сагывышаан, конференцияны август 26-28 хүннеринде республиканың аңгы-аңгы черлеринге база онлайн-шөлчүгештерге эрттирер.
Республиканың уругларынга немелде өөредилге системазын хөгжүдери, өөредилге чорудуунга чаартылгаларны киирери, башкыларның болгаш кижизидикчилерниң ажылының шынырын экижидери дээш, өөредилге адырында өске-даа айтырыгларны сайгарып чугаалажыр.
Школа назын четпээн база ниити өөредилге школаларының, эге, ортумак болгаш дээди профессионал өөредилге черлериниң удуртукчулары болгаш башкылары, өөредилге эргелелдериниң, күүсекчи эрге-чагырга органнарының төлээлери чылдың конференциязынга киржир.