Чайгы үеде Тывада 5000 ажыг уруглар дыштанылга төптеринге дыштанган

24.08.2021 Тываның культура бажыңнарында болгаш төптеринде түр үеде ажыттынган 129 төптерниң онлайн ажылдыг эрткен үшкү ээлчээ август 20-де доозулган. Бо чылын чайгы дыштанылга үезинде 5-тен 15 харлыг уругларга хостуг үезин ажыктыг эрттирерин организастаан.
Республиканың түр дыштанылга төптеринге 2021 чылда 5405 уруглар, азы 2020 чылга деңнээрге 56 хуу хөйге дыштанган. Олардан 232 уруг назы четпээннер херектериниң талазы-биле килдистиң учедунда турар.
Культура албан черлери чайның үш айында боттарының виртуалдыг шөлчүгештеринден онлайн тренингилерни, өөредиглиг, хөглээшкинниг, төөгү-чурт шинчилелдиг, патриотчу болгаш чогаадыкчы программаларны организастаан. Социал четкилерге 2510 онлайн-хемчеглер эрткен.