Тываның Экономика яамызы сайгарлыкчыларның лизинг-биле дериг-херекселдер болгаш техника саткан чарыгдалдарынга субсидияны бээр

19.08.2021 Тываның Экономика яамызы туризм адырында ажыглап турары дериг-херекселдерин, мототранспорт аймаан база көдээ ажыл-агый техниказын садып алырынга лизинг керээлерин чарып тура, бирги төлевириниң (авансызының) чартыынга субсидияны алыры-биле, күрүнениң саң-хөө деткимчезин бээр биче болгаш ортумак сайгарлыкчы чорук субъектилериниң конкурс шилелгезинге киржир дугайында билдириишкинни 2021 чылдың август 16-дан сентябрь 16-га чедир хүлээп алырын чарлап тур. Конкурстуң дүрүмүн, кандыг документилер херегин, конкурс шилилдезиниң негелделерин болгаш чурумун ведомствонуң
http://www.mert.tuva.ru/directions/entrepreneurship/n.. сайтызындан көрүп болур.
Субсидияның хемчээли туризм адырында ажыглап турары дериг-херекселдерин, мототранспорт аймаан база көдээ ажыл-агый техниказын садып алырынга лизинг керээлерин чарып тура, бирги төлээн (аванс) түңүнүң 50 хуузу, ындыг болзажок лизинг чүүлүнүң өртээнден 25 хуу көвүдевес база бир деткимче алыкчызынга
- юридиктиг черге азы хуу сайгарлыкчыга 3 млн рубльдан ашпас болур .
Субсидияны 2020 чылдың январь 1-ден бээр чарган лизинг керээлеринге хамаарыштыр бээр.
Дараазында чүүлдер дээш лизинг керээлерин чарган биче болгаш ортумак сайгарлыкчы чорук субъектилеринге субсидияны бээр:
- бараан бүдүрер, ажыл-агый кылыр болгаш ачы-дуза чедирер дериг-херекселдер;
- туризм адырында ажыглап турары мототранспорт аймаа;
- көдээ ажыл-агый техниказы;
- көжүп чоруур мал согар чер, бүдүрүлге черлери.
Субсидия бээр шилилдениң негелделери:
- төлевилелди боттандырып тургаш, чаа ажылчын олуттарны тургусканы;
- бюджеттиң шупту деңнелдеринде үндүрүг төлевирлерин база камгаладылга дадывырларын күрүнениң бюджеттен өске фондуларынче кииргени;
- Тыва Республикада экономиктиг ажыл-чорудулгалыг биче бүдүрүлгелерде шалың төлевириниң ортумак хемчээлинден эвээш эвес шалыңны ажылчыннарынга сөөлгү отчеттуг кварталда хандырганы.
Сибсидия алырынче билдириишкинни “Күрүне болгаш муниципалдыг ачы-дуза чедирилгезиниң хөй-талалыг ажыл-чорудулгалыг төвү” КАА ажыл хүннеринде 9.00 шактан 18.00 шакка чедир дараазында адресте хүлээп турар: Кызыл хоорай, Эки турачылар кудумчузу, б. 18, 2-ги каът.
Ажыл хүннеринде 9.00 шактан 18.00 шакка чедир, «изиг шугумнуң» дараазында дугаарларынче долгааш, тайылбырны ап болур: 8-800-350-6201 азы 2-17-67, 3-60-18.