30.09.2022
Тывада өртке удур онза чурумну октябрь 19-ка чедир узаткан
Республика девискээринде өртке удур онза чурумну сентябрь 29-тан октябрь 19-ка чедир узаткан. Ол дээрге, арга-арыг киреринге, одаг кыпсырынга, бажыңнар база чурттакчылыг пунктлар чоогунга кургаг сиген болгаш бок өрттедиринге кызыгаарлаашкыннары узатканы-дыр.
30.09.2022
Тываның кожууннарында мобилизацияже кыйгыртканнарның өг-бүлелеринге хөмүрнү дүжүрүп, шээр малды чедирип турар
Муниципалдыг районнар чагыргалары республика Баштыңының даалгазын күүседип, курлавырда кижилерниң өг-бүлелеринге баштайгы дээрезинде бирги дуза кылдыр дириг хойну база хөмүрнү чедирип эгелээн.
29.09.2022
Бүгү-российжи халас юридиктиг дуза хүнүнге Тыва база каттышкан
Сентябрь 30-де бүгү Россияда халас юридиктиг дуза көргүзериниң хүнүн демдеглеп эрттирер. Россияның Юристер ассоциациязының база «Чаңгыс демниг Россия» партиязының даргазы Д.А. Медведевтиң регионнуң Хөй-ниити хүлээп алыышкынында Кижиниң эргелериниң талазы-биле бүрүн эргелиг төлээ чериниң юристери ол хүн Тывага халас юридиктиг дузаны көргүзери-биле хамаатыларны хүлээп алыр.
29.09.2022
Тывада туризм адырының хөгжүлдезин аңгы ведомство чорудар
Тывада туризм талазы-биле аңгы агентилелди тургускан. Республика Баштыңы регионнуң туризм адырын хөгжүдер айтырыглар-биле ажылдаар аңгы ведомствону чазактың тургузуунга хевирлээр шиитпирни үндүрген.
29.09.2022
Тывада өскүстерге чурттаар оран-сава садып алыр сертификаттарны берген
Тыва Республиканың Чазааның даргазының оралакчызы Елена Хардикова республиканың алды чурттакчызынга чурттаар оран-сава садып алыр сертификаттарны тывыскан.
29.09.2022
Тываның Нотариалдыг палатазы мөөңнээшкинде хамаатыларга чиигелделерни доктааткан
Долу эвес мобилизация-биле шериг албанынче кыйгырткан хамаатыларны эрге-хоойлу болгаш техниктиг айтырыглар талазы-биле нотариустуң ачы-дузазын алганы дээш төлевирден хостаан. Тыва Республиканың Нотариалдыг палатазының президентизи Марианна Иргит ооң дугайында дыңнаткан.
29.09.2022
Тывада онза камгалалдыг бойдус девискээрлеринче төлевирни доктааткан
Тываның Чазаа онза камгалалдыг категорияга хамааржыр бойдус девискээрлеринче төлевирлиг кирер кылыр шиитпирни үндүрген. Сентябрь 27-де чогуур доктаалды бадылаан
28.09.2022
Тывадан мобилизацияже кыйгыртканнарның өг-бүлелеринге аъш-чем аймаа, шээр мал база одаар чүүл-биле дузалаар
Тыва Республиканың Баштыңының даалгазы-биле, региондан мобилизацияже кыйгырткан кижилерниң өг-бүлелеринге аъш-чем аймаан, бир баш шээр малды база хөмүр азы ыяшты бээр. Күш-ажыл болгаш социал политика яамызының баазазында ажыткан, мобилизацияже кыйгырткан хамаатыларның өг-бүлелеринге деткимче көргүзер төп таварыштыр деткимчениң хемчеглерин үлээр ажылды чорудар.
28.09.2022
Тываның Арга-арыг яамызының корпоративтиг программазы эң эки 10-нуң санынче кирген
«Демография» национал төлевилелдиң “Хөй-ниитиниң кадыкшылын быжыглаары” деп төлевилели-биле республиканың хөй-ниити кадыкшылы база медицина профилактиказы төптүң боттандырган кадыкшыл быжыглаар “Кадык амыдырал база эки сагыш-сеткил – чедиишкинниг коллектив” төлевилели эң эки 10-нуң санынче кирген.
28.09.2022
Владислав Ховалыгның саналдааны-биле, Тывадан мөөңнээшкинче кыйгыртканнарның өг-бүлезинге дуза кадар штабты тургузар
Сентябрь 27-де, Тываның Баштыңы Владислав Ховалыг политиктиг партияларның удуртукчулары база активчилери-биле ужурашкаш, республикадан мобилизацияже кыйгырткан чурттакчыларның өг-бүлелеринге дуза кадар чаңгыс аай төптү тургузар саналды киирген.
27.09.2022
Тываның Баштыңы дорт дамчыдылга үезинде журналистерниң айтырыгларынга харыылаар
Бөгүн, сентябрьның 27-де, 19.00 шакта, Тыва Республиканың Баштыңы Владислав Ховалыг-биле парлалга-конференциязының үезинде, регионнуң удуртукчузу массалыг информация чепсектериниң төлээлериниң айтырыгларынга харыылаар.
27.09.2022
Тывада мал чемин белеткээр кампания дооступ турар
ТР-ниң Көдээ ажыл-агый болгаш аъш-чем яамызының дыңнадыы-биле алырга, республиканың кожууннары мал чемин белеткээр планын 88 хуу чедирип алган.
Республикада ийи кожуун – Таңды (112 %) база Тожу (116%) мал чеми белеткээр планын ажыр күүсеткен.
27.09.2022
Тываның школачыларын бүгү-российжи киберспортчу оюннарга киржир кылдыр чалаан
Россияның компьютер спортунуң талазы-биле федерацияның 2018 чылдан бээр эрттирип турары школачылар аразынга компьютер спортунуң талазы-биле “Бүгү-Россияның интеллектуалдыг-киберспорт лигазы” бүгү-российжи оюннарның регион чадазынга киржир чагыгларны Тывада хүлээп эгелээн.
27.09.2022
Туриндустрияның эксперттери «Сибирь дыштанылгалары» национал маршруттуң Тывада объектилеринге үнелелди берген
Россияның аңгы-аңгы регионнарындан турисчи компанияларның төлээлери “Сибирь дыштанылгалары” национал турисчи маршрут талазы-биле Ростуризмниң информастыг турун боттандырып, эрткен неделяда республикага келгеш барган.
27.09.2022
Тываның Баштыңы одаар чүүл складтарында өртек-үнеге контрольду шыңгыырадырын айыткан
Тываның Баштыңы Владислав Ховалыг одалга-энергетика комплекизин удуртуп турар бодунуң оралакчызы Александр Брокертке республиканың одаар чүүл складтарындан чурттакчы чонга хөмүрнү чедирер өртектер-биле байдалды контрольга алырын дааскан.
27.09.2022
Тываның Баштыңы Владислав Ховалыг долу эвес мобилизацияны онза кичээнгейде алган
Тываның Баштыңы Владислав Ховалыг долу эвес мобилизацияның республикада шын чоруттунуп турарын онза кичээнгейде тудуп турар. 55 дугаар мотоадыгжы бригада баазазында мөөңнеттинген курлавырда шериг тыва оолдар-биле ол ужуражып четкен.
26.09.2022
Тываның Баштыңы Ижевскиге мөчээн кижилерниң чоок кижилеринге кажыыдалын илереткен
Ижевскиниң 88 дугаарлыг школазынга аткылажыышкындан 13 кижи чок болган, оларның
чедизи бичии уруглар. 21 кижини балыглаан, оларның 14-ү база бичии
уруглар. Удмуртияда озал-ондактан чок болганнарга үш хүннүң
кажыыдалын чарлаан.
26.09.2022
Тываның Баштыңы ажыл-агыйжы сургакчылаашкын-биле Бии-Хемниң юбилейинге киришкен
Тываның Баштыңы Бии-Хем кожууннуң тургустунганындан бээр 90 чылдаан юбилейинге киришкен. Чуртта байдалдың ужун бии-хемчилер байырлалын “оожум” эрттирген. Владислав Ховалыг байырлыг хуралда сөстү алгаш, кожуунунуң төөгүзүн камнап, улуг салгалдың ужур-чаңчылдарын төлептиг уламчылап чорууру дээш Бии-Хемниң чурттакчыларга байырын чедирген
26.09.2022
Тываның Баштыңы мобилизацияже кыйгыртканнарның учет бижимелдерин таптыг хынаарын негээн
Тываның Баштыңы Кызыл хоорайның шериг комиссариадынга чедип, кыйгыртылга талазы-биле ажылдар кайы хире чоруп турарын көрген. Республиканың шериг комиссары Демир-оол Артына база найысылалдың шеригкому Петр Ширко долу эвес мобилизацияны хандырар дээн даалганың күүселдезин Владаслав Ховалыгга илеткээн.
26.09.2022
Тывада 38 культура албан черлери пушкин картазында коштунган
Тывада 4,5 муң аныяктар пушкин картазын ажыглап турар. Ол дээрге культурлуг программага киржир эргелиг 14-22 харлыг аныяктарның чүгле 33 хуузу болуп турар.