Тываның Баштыңы дорт дамчыдылга үезинде журналистерниң айтырыгларынга харыылаар

27.09.2022 Бөгүн, сентябрьның 27-де, 19.00 шакта, Тыва Республиканың Баштыңы Владислав Ховалыг-биле парлалга-конференциязының үезинде, регионнуң удуртукчузу массалыг информация чепсектериниң төлээлериниң айтырыгларынга харыылаар.
Парлалга-конференциязын тус черниң шагы-биле губернаторнуң бодунуң блогунга дамчыдар. Владислав Ховалыг республиканың чурттакчылары болгаш журналистер-биле дорт дамчыдалга харылзаазын үш дугаар эрттирип турары бо. Эрткен чылдың август болгаш декабрьда ийи дамчыдылга болган. Шак мындыг ужуражылгалар чаңчыл апаар деп, ол ынчан чугаалаан.
Тываның Баштыңы албан хүлээлгени күүседип турар Владислав Ховалыг 2021 чылдың август 15-те «Россия-24» база ОТР телеканалдарның дамчытканы бирги “дорт чугаада” республика чурттакчыларының айтырыгларынга харыылаан. Аңгы-аңгы каналдар: социал четкилер, “телефон “изиг” шугуму, тускай сайт таварыштыр “дорт чугааже” чурттакчылар хүннүң эң чидиг 1208 айтырыгларын салган.
“Владимир Ховалыг-биле дорт чугаа” теледамчыдылганың ийиги үндүрүлгези 2021 чылдың декабрь 25-те “Тува-24” телеканалдың дорт эфиринге үнген. Ынчан республиканың чурттакчылары регионнуң удуртукчузунга айтырыг салыр элээн каш шөлдерни ажыглаан: «Удур харылзаа шөлү» федералдыг система, телефоннар, социал четкилер база мессенджерлер дамчыштыр айтырыгларны хүлээген. Ынчан 500 ажыг айтырыг келген. Интернет четкизинде ажык каналдарга кижилер эң хөй айтырыгларны салган. Чуртталга тудуу, бажыңнар өртээ, чер участогун аңгылап бээри, чиигелделиг хамаатыларга чурттаар чер айтырыглары, хөмүр өртээн таарыштырары дээш, өске-даа айтырыгларны чон көдүрген.
Бо удаада республиканың массалыг-информация чепсектериниң журналистери чонну дүвүреткен хүннүң чугула айтырыгларын салыр.
Дамчыдылгага коштунар дизе, бо шөлүгнү ажыглаар:
https://vk.com/vladislavkhovalyg