Тываның Баштыңы Ижевскиге мөчээн кижилерниң чоок кижилеринге кажыыдалын илереткен

Ижевскиниң 88 дугаарлыг школазынга аткылажыышкындан 13 кижи чок болган, оларның чедизи бичии уруглар. 21 кижини балыглаан, оларның 14-ү база бичии уруглар. Удмуртияда озал-ондактан чок болганнарга үш хүннүң кажыыдалын чарлаан. Тываның Баштыңы мөчээн кижилерниң төрээн болгаш чоок кижилеринге кажыыдалын илереткен.

«Ижевскиге болуушкун кижи бүрүзүнге аар согуушкун болду. 13 кижини ышкынган.. Кем чок чаштар.... Моон түңнелдерни албан үндүрер херек. Чок болган кижилерниң төрээн болгаш чоок кижилеринге сеткилим ханызындан кажыыдалымны илереттим. Тыва Удмуртияның чурттакчылары-биле кады качыгдап тур» - деп, Владислав Ховалыг бодунуң блогунда бижээн.