Медээлер

16.02.2024 Тывада Өг-бүле чылынга тураскааткан хемчеглер планы бадылаттынган

Тываның Баштыңы Владислав Ховалыгның айтыышкыны-биле, Президент Владимир Путинниң чарлааны Өг-бүле чылынга тураскааткан хемчеглерни эрттирер республиканың организастыг комитедин тургускан. 

16.02.2024 Россияның тудуг болгаш ЧКА сайыдының оралакчызы Никита Стасишин: Тывада чуртталга тудуу туттунуп турар, аңаа хереглел бар

Россияның тудуг болгаш ЧКА сайыдының оралакчызы Никита Стасишин ажыл-агыйжы сургакчылаашкын үезинде, регионнуң найысылалында Кызыл алгомерациязында туттунуп турар хөй квартираларлыг чуртталга комплекстери –«Мөңгүн», «Иркутский», «Полигонный» микрорайоннарның тудугжулары-биле чугаалажып, «Восток» тускайжыттынган тудуг» КХН-ниң баазазында тудуг материалдарының бүдүрүлгезинге чораан.

15.02.2024 Тывадан тускай шериг опреациязының зоназынче ужудукчу чок ужар аппараттарны чорудар

ТР-ниң Чазааның деткиишкини-биле кылган чүс хире улуг күштүг квадрокоптерларны ТШО зоназынче чорудар. Тываның Баштыңы Владислав Ховалыг шинчилел-хайгыылга база ажыглаар дроннарны шериг ужудукчу чок аппараттар операторлары белеткээр төпте чыып белеткээнин көрген.

14.02.2024 Тываның эпидемиолог эмчилери грипп болгаш ОРВИ аарыының ийиги чадазы көдүрлүп болурун сагындырган

Чыл эгезинден республикада 10 муң чурттакчыга онааштыр грипп болгаш ОРВИ-ден аараан 834 таварылга бүрүткеттинген, эпидемиологтуг деңнелге 72,5 хуу четпес. 

14.02.2024 Тывада «Айыыл чок, шынарлыг оруктар» национал төлевилелдиң боттаныышкыны мурнап чоруп турар

2023 чылда Тывада кылдынган орук ажылдарының хемчээли ооң мурнунда чылдың көргүзүүнге деңнээрге ийи катап хөй. 

14.02.2024 Афганистандан совет шериглерни үндүрген хүнден 35 чылынга тураскааткан хемчеглер Тывада эртип турар

1989 чылдың февраль 15-те Афганистандан эң сөөлгү совет шериглерни үндүрген. Афган дайынындан ээп келбейн барган 14 муң ажыг совет солдаттар болгаш офицерлерге тураскаадып ол хүннү доктааткан.

13.02.2024 Тыва, Калмыкия база Бурятия чөөн чүк чоннарыңыы-биле Чаа чылды «Россия» делгелге-шуулганынга уткаан

«Россия» делегейниң делгелге-шуулганының шөлүнге тыва Шагаа, бурят Сагаалган база калмык Цаган Сарны бир-ле дугаар каттыжып алгаш эрттирген.  

13.02.2024 Тыва суг үерлээшкининге удур белеткел ажылдарын эгелээр

Тываның Баштыңы Владислав Ховалыг аппарат хуралында часкы үерлээшкинке удур белеткел ажылдарын эгелээр сорулганы салган.

13.02.2024 Кызылга, Шагаа хүнүнде, тускай шериг операциязының киржикчилери биле оларның өг-бүлелериниң аразынга телекөвүрүгнү организастап эрттирген

Кызылда 55-ки гвардейжи тускай мото-адыгжы (даг) бригадага тускай шериг операциязында киржип турар дайынчыларның хей-аъдын көдүрер дээш чаңгыс чер чурттуглары, төрээн кижилери-биле ээлчеглиг “телекөвүрүгнү” ай санаашкыны-биле Чаа чыл - Шагаада эрттирген. 

11.02.2024 Тываның Чазааның бажыңынга Шагаа байырлалынга уткуштур күрүне шаңналдарын тывыскан

Бөгүн, февраль 10-да, Тываның Чазааның бажыңынга Шагаа байырлалынга уткуштур күрүне шаңналдарын ТР-ниң Баштыңы Владислав Ховалыг тывыскан.

10.02.2024 Санкт-Петербургтуң истелге органнары Тываның чурттакчызының чок болганы-биле кеземче херээн оттурган

Тываның Баштыңы Владислав Ховалыгның даалгазын алган дораан, регионда кижиниң эрге-ажыының талазы-биле бүрүн эргелиг төлээ Александр Адыгбай республиканың чурттакчызы Айдыс Чындыгырның мөчээни муңгаранчыг болуушкун болган Санкт-Петербург хоорайже ажыл-агыйжы сургакчылаашкынче үнүпкен.

10.02.2024 Президент Владимир Путин ай санаашкыны-биле Чаа чыл биле Ак айның байырлалы-биле Россияның буддистеринге байырын чедирген

Буддизмниң эдерикчилеринге ай санаашкыны-биле Чаа чылды байырлаары өгбелерден дамчып келген ужурларны кадагалап арттырып, чырыдыышкын ажылын чорудуп, ниитилелде ханы билчилгени магадылап, тускай шериг операциязының киржикчилерин деткип турарын көргүзүп турарын Владимир Путин байыр чедириишкининде демдеглээн.

10.02.2024 РФ-тиң камгалал сайыды Сергей Шойгу Тываның чурттакчыларынга чырыткылыг Шагаа байырлалы-биле байырын чедирген

Россияның камгалал сайыды, Армияның генералы Сергей Шойгу Тыва Республиканың Баштыңы Владислав Ховалыг адынче чырыткылыг Шагаа-биле регионнуң удуртукчузунга база республика чонунга байыр чедирген

09.02.2024 Тываның Баштыңының Шагаа байырлалы-биле байры чедириишкини

Эргим чаңгыс чер чурттугларым!

Шаг-тѳѳгүден бээр салгалдан салгалче дамчып келген тыва чоннуң ыдыктыг байырлалы – Шагаа-биле!

08.02.2024 «Россети» Тываның энергокомплекс хөгжүлдезинче инвестицияларны көвүдедир

Тыва Республиканың Баштыңы Владислав Ховалыг база «Россети» ПАН-ның чиңгине директору Андрей Рюмин республика найысылалын чырык энергиязы-биле хандырып турар, амгы үеде эде септелгеде «Кызылская» 220 кВ подстанцияга чораан. 

08.02.2024 РФ-тиң Президентизиниң бүрүн эргелиг төлээзи Анатолий Серышев Российжи эртем хүнү-биле эртем ниитилежилгезиниң төлээлеринге байырын чедирген

Российжи эртем хүнү база Россияның эртемнер академиязының үш чүс чылдааны-биле эртемденнерге, шинчилекчилерге база эртем ниитилежилгезиниң шупту төлээлеринге байыр чедирип тур мен!

08.02.2024 Тываның Баштыңы Российжи эртем хүнү-биле республиканың эртем ниитилелинге байырын чедирген

Тываның Баштыңы Владислав Ховалыг бодунуң социал четкилеринде Российжи эртем хүнү-биле байырын чедирген. 

07.02.2024 Тываның Баштыңы Вавилин ээтпээнде чаа школаны хынаан

Бо чылын өөредилге чорудуун эгелээр объектилерниң бирээзинге Кызыл хоорайда Вавилин ээтпээнде школа хамааржыр.

07.02.2024 Республика чурттакчызының мөчээн чылдагаанын истээр дилегни Тываның омбудсмени Россияның Истелге комитединиң даргазынче киирген

Тываның Баштыңы Владислав Ховалыгның даалгазы-биле, 2024 чылдың январь 31-де Санкт-Петербург хоорайның Мария эмнелгезиниң дузалал ажыл-агый өрээлинге республиканың чурттакчызы Айдыс Чындыгырның мөчүзү тывылган фактыга истелгени чорудар дугайында бижикти Россия Федерациязының Истелге комитединиң даргазы Александр Бастрыкинниң адынче чоруткан. 

07.02.2024 Тывада эде чаарткан инвестиция порталын ажылдаткан

Тываның Экономиктиг сайзырал яамызы «Тыва Республиканың инвестиция порталы» чаартынган информация системазын таныштырган.