21.09.2021
Тываның чедери берге кожууннарында чурттакчы чоннуң 70 хуузун чизелээн
Бүгү-российжи чон чизези-2020 чорудуу-биле, бо чылдың сентябрь 1-ден Тываның чедери берге Тере-Хөл, Тожу, Бии-Хем (Хадың, Тарлаг, Севи суурлар), Каа-Хем (Сизим) кожууннарында чурттакчы чон чизези эгелээн.
20.09.2021
Тываның Соңгулда комиссиязы бадылаашкынның баш бурунгаар түңнелдерин дыңнаткан
Үш хүн иштинде, сентябрьның 17, 18, 19 хүннеринде, бүгү Россияга бадылаашкын хүннери болуп эрткен.
20.09.2021
2021 чылдың январь 1-ден Тывада 178 кижи Covid-19-тан чок болган
Регионнуң Кадык камгалал яамызы өлүп-хораанының чылдагаанын тургузар республиканың эксперт комиссиязының медээзин дамчыткан.
20.09.2021
Республиканың көдээ ишчилериниң байырлалы - Наадым-2021 сентябрь 24-те болур
Тыва Республиканың Чазааның 2021 чылдың сентябрь 15-те № 487 доктаалы-биле, республиканың көдээ ажыл-агыйының кол ишчилери - малчыннарның Наадым байырлалын бо чылдың сентябрь 24-те байырлаарын доктааткан.
19.09.2021
Тываның Баштыңының албан-хүлээлгезин күүседип турар Владислав Ховалыг Тыва Республиканың Дээди Хуралының (парламент) депутады Өнер Хүлерович Ондарның элекке мөчээни-биле кажыыдалын илереткен
Тыва Республиканың Дээди Хуралының депутады, күрүне ажылдакчызы болгаш хөй-ниитичи Өнер Хүлерович Ондарның элекке мөчээниниң дугайында медээ республиканы качыгдадыпкан.
15.09.2021
Тываның Өөредилге болгаш эртем яамызы школаларга өөредилге номнарын мөөңү-биле садар деп планнаан
Тываның Баштыңының албан-хүлээлгезин күүседип турар Владислав Ховалыг, 2020-2021 өөредилге чылында республика школалары номнар-биле 84 хуу хандырылгалыг айтырыгны, ТР-ниң Өөредилге болгаш эртем яамызының удуртулгазы-биле ужуражып, чугаалашкан.
14.09.2021
Тываның чедери берге кожууннарынче 11 муң тонна хөмүр-дашты чедирген
Бо чылын республиканың 13 кожуунунда, чедери берге 30 суурда, 125 социал объектиге одаар чүүлдү садып, чедирер дээш, республика бюджединден 45,5 млн рубльди тускайлаанын Тываның Одалга болгаш энергетика яамызы дыңнаткан.
14.09.2021
«Россияның 100 тулган барааннары» мөөрейде Тываның бараан бүдүрүкчүлери киржип турар
«Биче болгаш ортумак сайгарлыкчы чорукту база сайгарлыкчы эгелээшкиннерни деткиири» национал төлевилелди боттандырар дээш, республиканың сайгарлыкчы чорук деткиир фондузунуң деткимчези-биле, Тывадан дөрт сайгарлыкчы-бүдүрүлге «Россияның 100 тулган барааннары» конкурста киржип турар.
14.09.2021
Тургустунган өртектерни сагывас чиижең хөмүр садыгжыларын торгаар
Тываның Тарифтер албаны биле Кызыл хоорай мэриязының төлээлери журналистер-биле кады, регион чазааның тургусканы өртек-биле хөмүрнү садып турарын хынап, элээн каш черлерни кезээн.
13.09.2021
Тываның Өөредилге болгаш эртем яамызы башкыларның күш-ажыл төлевириниң чаа системазын ажылдап кылган
Тываның Баштыңының албан-хүлээлгезин күүседип турар Владислав Ховалыг башкылар ниитилежилгезиниң август чөвүлел хуралында, 18 шак кичээлдиг башкы эвээш дизе 24,5 муң рубль акшаны алыр кылдыр күш-ажыл төлевириниң системазын сайзыраңгайжыдар ажылды катап эгелээрин Өөредилге яамызынга дааскан турган.
13.09.2021
Тывада гриппке удур тарылга эгелээн
Росхереглел хайгааралының регион эргелелиниң дыңнатканы болза, чурттакчы чоннуң 60 хуузун азы 196 400 кижини, ооң иштинде 94 368 уругларны, 1459 иштиг херээженнерни грипке удур тарыыр.
13.09.2021
Тывада 50 ажыг км муниципалдыг оруктарны септеп чаартыр
Тываның Баштыңы албан-хүлээлгени күүседип турар Владислав Ховалыгның дилээни-биле, федералдыг бюджеттен Тывада келген немелде акша-хөреңги-биле тус черлерниң 50 хире км оруктарын септеп, үш көвүрүгнү база түр үениң ийи кежиин тудар.
10.09.2021
Тывада хуу сайгарлыкчыларны деткиири-биле республика бюджединден 50 ажыг миллион рубльди аңгылаан
Биче болгаш ортумак бизнестиң төлээлери бизнезин шуудадып, дериг-херексел саткан чарыгдалдарынга субсидия алыр чагыгны киирип болур.
Коронавируска удур чарлаан кызыгаарлаашкын үезинде когараан биче болгаш ортумак сайгарлыкчы чорук төлээлеринге ниитизи-биле 30 млн рубльдиң субсидиязы – республика деткимчезин бээр.
10.09.2021
Тожу, Мөңгүн-Тайга, Улуг-Хем, Каа-Хем кожууннар база Кызыл хоорай муниципалдыг бюджетти чедимчелиг удуртуп турар
Тыва Республиканың Саң-хөө яамызы 2020 чылдың түңнелдери-биле муниципалдыг саң-хөөнү башкарып турарының шынарынга үнелелди берген. Тожу, Мөңгүн-Тайга, Улуг-Хем, Каа-Хем кожууннар база Кызыл хоорай казна акшаларынбилдилиг чарыгдап турарын түңнел көргүскен.
10.09.2021
Тывада хамаатыларны ажылче хаара тударын деткээн регион төлевилелин түңнээн
Бөгүнде республикада 3,5 муң кижи боттарын ажыл-биле хандырттынган. Бо чылдың 8 айының түңнели-биле, сайгарлыкчы чорукту деткиир инфраструктура организацияларында бодун ажыл-биле хандырттынган 200 ажыг хамааты күрүне деткимчезин алган.
10.09.2021
Кызылда Яндекс.Лицей школачыларны чыып турар
Яндекс Академиязының лицейинче дужаап кирер дизе (төлевилелдиң чаарттынган ады «Яндекс.Лицей»), сентябрь 10-га чедир сайтыга билдириишкинни киирип, онлайн-тестини эртер
10.09.2021
Тывага «Тыва хой эъдиниң фестивалы» онлайн-конкурс эртер
Сентябрьның 22-23 хүннеринде, Кызылга аъш-чем кылырының «Тыва хой эъдиниң фестивалы» онлайн-конкурс болуп эртер. Хөй-ниити чемнелгезинде ажылдап чоруур сайгарлыкчылардан фестивальга киржир чагыгларны сентябрь 20-ге чедир хүлээр.
09.09.2021
Тывада коронавирус кызыгаарлаашкынындан когараан хуу сайгарлыкчылар субсидияларны ап эгелээн
Тывага июль-август айларда, пандемия байдалы нарыыдаанда, ажыл-чорудулгазын түр када соксаткан хуу сайгалыкчыларга база ажылдакчыларынга субсидияны төлеп эгелээн.
09.09.2021
Владислав Ховалыг Россияның ОБЯ-зының баштыңының чок болганы-биле кажыыдалын илереткен
Тываның Баштыңы албан-хүлээлгени күүседип турар
Владислав Ховалыг Россияның Онза байдалдар яамызының баштыңы Евгений
Зиничевтиң мөчээни-биле, ооң чоок кижилеринге, кады ажылдап чораан эш-өөрүнге
кажыыдалын илереткен.
09.09.2021
Күш-ажылдың хоочуну Олег Сергеевич Седен мөчээн
Күш-ажылдың хоочуну Олег Сергеевич Седен үр аараанының соонда, 2021 чылдың сентябрь 8-те мөчээн.