Республиканың көдээ ишчилериниң байырлалы - Наадым-2021 сентябрь 24-те болур
20.09.2021
Тыва Республиканың Чазааның 2021 чылдың сентябрь 15-те № 487 доктаалы-биле, республиканың көдээ ажыл-агыйының кол ишчилери - малчыннарның Наадым байырлалын бо чылдың сентябрь 24-те байырлаарын доктааткан. Covid-19 хамчык аарыынга удур санитар-эпидемиологтуг хемчеглерни сагып тургаш байырлалды эрттирерин ында айыткан. Байырлалды организастап белеткээр база эрттирер талазы-биле республика комитеди хемчеглерни план езугаар чорударын хандырар.
Наадым-2021-ге тураскааткан хемчеглерниң программазы:
10.00 шакта – «Хүреш» стадионга "Наадым-2021"-ниң мурнакчы малчыннарын шаңнаар байырлыг езулал. Көрүкчүлерниң саны кызыгаарлыг.
11.00 шакта – Эрзин кожууннуң Божалыг деп черге республика чергелиг аът чарыжы.
12.00 шакта – «Хүреш» стадионга үндезин тыва баг адар маргылдаа. Көрүкчүлерниң саны кызыгаарлыг.
13.00 шак – 128 мөге аразынга Наадым хүрежиниң дорт дамчыдылгазы. Маргылдаа «Сүбедей» спорт өргээзинге хааглыг хевирге эртер.
Наадым ажыл хүнү – пятницада таваржы берген болганда, «Тыва Республиканың байырлал хүннери дугайында» 143 дугаарлыг доктаалы езугаар ол хүннү дыштаныр байырлал хүнү кылдыр санаар.
Возврат к списку
|