28.06.2023
Тываның Баштыңы ТШО киржикчилеринге эмчи комиссиязын республика девискээринге организастаар дугайында дилегни Камгалал яамызынче киирген
Тываның Баштыңы Владислав Ховалыг кыска шөлээзинде төрээн черинде чанып келген шериг оолдар-биле ужуражып, чугаалашкан.
27.06.2023
Тывада чиигелделиг хамаатыларга хөмүр дүжүрер чаңгыс хандырыкчыны шилип алган
Республиканың эрге-чагыргазы “Социал хөмүр” төлевилел боттандырылгазы-биле Тывада эвээш хандырылгалыг болгаш хөй ажы-төлдүг өг-бүлелерге халас хөмүр дүжүрүлгезин чаңгыс хүлээникчи – кадыг боктар-биле ажылдап турар регионалдыг оператор «Транспорт сервизи болгаш төлевилели» КУБ-ка бүзүрээн.
27.06.2023
Тывада Республиканың хүлээп алыышкын комиссиязы июль 28-ке чедир ажылдаар
Кечил-оол кудумчузу, 15 адрестиг, Кызылдың транспорт техникумунуң баазазында ажыттынган Республиканың хүлээп алыышкын комиссиязы ажылын эгелээн.
27.06.2023
Тываның чурттакчыларын өртке удур айыыл чок чорук дүрүмнерин сагыырынче кыйгырган
Россияның ОБЯ Тыва Республикада кол эргелели 2023 чылдың эгезинден июнь 22-ге чедир республикага 637 өрт өөскээнин, 2022 чылга деңнээрге 257 таварылга эвээш болганын дыңнаткан.
27.06.2023
Тываның Өөредилге яамызы 2024 чылда 36 школаны бүрүнү-биле септеп-чаартыр төлевилелдерни белеткээр
Ыраккы Өвүр кожууннуң Ак-Чыраа суурда школаның капитал септелгези адакталган. “Өөредилге” национал төлевилел-биле бо чылын чаартынар 13 ниити өөредилге черлериниң бирээзи ол.
26.06.2023
Тывада алдын медаль-биле школа доосканнарның саны ийи катап көвүдээн
Бо чылын республиканың ниити өөредилге школаларын 63 доозукчу, Кызылдың Президентиниң кадет училищезин 18 кадет алдын медальдар-биле дооскан.
26.06.2023
Тываның Чазааның Үрер хөгжүм оркестри боттарының аъттары-биле региондан дашкаар гастрольда
Сибирь федералдыг округтуң, эртем, культура, өөредилге, үлетпүр, ажыл-агыйның төвү болур Новосибирск хоорайның үндезилеттинип тургустунганындан бээр 130 чыл болган юбилейлиг хемчеглеринге киржир чалалганы алгаш, Тываның Үрер хөгжүм оркестриниң хөгжүмчүлери боттарының аъттары-биле байырлал хемчеглеринге чедиишкинниг киришкеннер.
26.06.2023
“Амыдыралче 10000 базымнар” деп бүгү-российжи акцияны Аныяктар хүнүнге тураскаадып эрттирген
Республиканың хөй-ниити кадыкшылга болгаш эмчи профилактика төвүнүң ажылдакчылары “Амыдыралче 10000 базымнар” деп бүгү-российжи акцияны Аныяктар хүнүнге тураскаадып Дөгээ дааның баарынга эрттирген.
26.06.2023
2023 чылдың июнь 26-да Тыва Республикада өрттер болгаш суг үери-биле оперативтиг байдал
Республиканың арга-арыг ажыл-агыйлар девискээринде 980 га ниити шөлдүг 6 арга-арыг өрттерин өжүрген:
24.06.2023
Бүгү чуртта хөй ажы-төлдүг деп чаңгыс аайлаан тодарадылганы Тывада база быжыглаан
Бүгү чуртта хөй ажы-төлдүг деп статусту тыпсыр чаңгыс аай чурумга Тыва база каттышкан. ТР-ниң Күш-ажыл яамызының федералдыг хоойлу езугаар ажылдап кылганы, ол статусту тыпсырының азы узадырының талазы-биле күрүне эргелели биле хамаатыларның хөделиишкиннерин таарыштырган дүрүмнү республиканың чазаа эрткен неделяда деткээн.
23.06.2023
Тываның Чазаа Хамааты инициативаларны деткиир чөвүлелдиң калбак хуралын эрттирер
Кызылга болган болуушкун – хоорайның төвүнге танывазы кижиниң холундан аныяк уругнуң мөчээниниң соонда, Тываның Баштыңы Владислав Ховалыг хөй-ниитиниң төлээлери-биле Үндезин культура төвүнге ужурашкан.
23.06.2023
Тывада чуртталга тудуунуң улуг төлевилелдер киржикчилеринге немелде негелделерни киирген
Тываның Чазаа чуртталга комплекстерин тудары-биле холбашкан улуг инвестиция төлевилелдеринге киржиринче кордап турар тудуг компанияларынга негелделерниң даңзызын калбарткан.
23.06.2023
Тывада хемнерниң суу батканы-биле паром кежиглер ажылын катап эгелээн
Тываның гидрометеорология төвү республиканың шупту хемнерде сугнуң деңнели сыыгаанын дыңнаткан.
23.06.2023
Тывада “Наркотиктерге удур шупту” деп шалыпчы ай чоруп турар
Республика Чазааның хүлээп алганы күрүне программазының боттандырылгазы-биле, республика база муниципалдыг деңнелдиг янзы-бүрү чырыдыышкын хемчеглерлиг “Наркотиктерге удур шупту” деп шалыпчы айны республиканың наркология диспансериниң эмчилери Наркоманияга удур бүгү делегей хүнүнге уткуштур чорудуп турар.
23.06.2023
Тываның школаларынга доозукчулар кежээзин эрттирериниң чурумун бадылаан
Тываның Өөредилге яамызы республиканың ниити өөредилге организацияларынга байырлыг чыскаалдар болгаш доозукчулар кежээлерин эрттиринге методиктиг тускай сүмелерни белеткээн.
22.06.2023
Тывада өртке удур онза чурумну июль 12-ге чедир узаткан
Республиканың эрге-чагыргазы арга-арыгларда тургустунган өрт айыылының нарын байдалын көргеш, өртке удур онза чурумну июль 12-ге чедир узадыр шиитпирни үндүрген.
22.06.2023
Тываның чурттакчылары июнь 22-ниң кежээзинде “Сактыышкынның чулазын” кыпсыр
Бо кежээ Кызыл хоорайга, Россияның төөгүзүнде эң муңгаранчыг хүннерниң бирээзи – Сактыышкын болгаш кажыыдалдың хүнүнге тураскааткан хемчег болуп эртер.
22.06.2023
2023 чылдың июнь 23 эртенинде Тыва Республикада өрттер болгаш үерлээшкин талазы-биле оперативтиг байдал
Республика девискээринде 1389,8 га ниити шөлдү шыва алган 16 арга-арыг өрттери хып турар:
22.06.2023
Тывага Аныяктар хүнүнүң байырлал хемчеглерин соңгаарлаткан
Республиканың Аныяктар херектериниң талазы-биле агентилелдиң удуртукчузу Буян Сонамның Бүгү-российжи Аныяктар хүнүнге тураскааткан хемчеглерни эрттирер хүннү соңгаарладыр дугайында саналын Тываның Баштыңы Владислав Ховалыг деткээн.
22.06.2023
Тывада хөй-ниити черинге аныяк кыстың мөчээнинге хамаарыштыр оперативтиг болгаш социал албаннарның ажылын хынаар
Тываның Баштыңы Владислав Ховалыг регионнуң корум-чурум камгалаар болгаш социал албаннар удуртукчуларының киржилгези-биле төпке болган кем-херекке хамаарыштыр ажылчын хуралды эрттирген.