Медээлер

22.07.2021 “Кадык камгалалы” национал төлевилел чорудуу-биле Тываның ыраккы суурлары – Мугур-Аксы биле Тоора-Хемге вертолет хондурар чаа шөлдерни тудар
Тыва Республиканың Баштыңының албан-хүлээлгезин түр када күүседип турар Владислав Ховалыг «Кадык камгалалы» национал төлевилелдиң “Бирги эмчи-санитар дузазы көргүзер системаны хөгжүдери» төлевилел күүселдези-биле санитар авиациязын ажыглаан эмчи дузазының чедингирин хандырарын онза контрольда алган.

22.07.2021 Тываның абитуриентилери-биле тускайлаан олуттарже 919 керээни чарган
Тыва Республиканың Өөредилге болгаш эртем яамызының медээзи-биле алырга, республиканың болгаш Россияның дээди өөредилге черлеринче улаштыр дужаап кирер кылдыр абитуриентилер-биле 919 тускай олуттарлыг керээлерни 2021 чылдың июль 20-ге чедир чарган.

22.07.2021 Россияның чыынды командалар кежигүннери болур тыва спортчуларга Тываның Баштыңының стипендияларын доктааткан
Россияның чыынды командалар кежигүннери – тыва спортчуларга спортчу чедиишкиннери дээш регион Баштыңының 7000 рубль хемчээлдиг ай санының стипендилерин тывыскан.

22.07.2021 Тывада «Эмчилерге четтирдивис» акция эгелээн
Пандемияның үшкү чалгыының үезинде, коронавирус-биле демиселдиң мурнуку одуруунда дүн-хүн дивейн ажылдап турар эмчи ажылдакчыларын деткиир сорулгалыг “Эмчилерге четтирдивис” деп акция июль 20-де Тывада катап ажылын эгелээн.

22.07.2021 Тывада Фермер школазынга халас өөренир күзелдиглерден билдириишкиннерни хүлээп эгелээн
Тывада фермер ажыл-агыйын хөгжүдүп, ук ажылды эгелеп чоруур болгаш холда тудуп алганнарга бизнести чорударының база бүдүрүлгениң хемчээлин өстүрериниң чажыттарынга өөредир сорулгалыг фермерниң школазынга халас өөредир кылдыр август 12-ге чедир чыылданы эгелээн.

22.07.2021 Тыва Арат Республиканың 100 чылынга уткуштур республика найысылалында оран-саваларның даштыкы аян-шинчизинге мөөрейни чарлаан
Кызылдың мэриязы Тыва Арат Республиканың 100 чылынга уткуштур сайгырлыкчы субъектилер аразынга оран-савазын чараштыр шимеп алганынга көрүлде мөөрейни чарлаан.

30.06.2021 Владислав Ховалыг ханы кажыыдалын илереткен

Дүүн, июнь 29-та, кежээки үеде Чөөн-Хемчик кожууннуң Чадаана – Бажың-Алаак автооруунга транспорт хөлгези аңдарылган, ооң түңнелинде руль артынга чораан назы четпээн оол мөчээн.

Баш буруңгаар медээден алырга, Чадаана хоорайның 13 харлыг чурттакчызы «УАЗ-31512» марканың автомашиназын мунуп чорааш, башкарылгага күш четпейн, машинаны аңдарган. Чолаачы-биле кады машина иштинге 12-14 хар назылыг 6 назы четпээн пассажир чораан.

30.06.2021 Тывада уруглар дыштаныр чайгы лагерьлерниң ийиги сезонун сонгаарлаткан. Ада-иелер 8 (394-22) 2-70-75, 2-17-44 дугаарлыг “изиг-шугум” телефоннарынче долгап болур

Республикада эпидемилогтуг байдалдың нарыыдап турарын база уруглар дыштаныр «Байлак» лагеринге Сovid-19 халдавырлыг аарыгның өөскээнин барымдаалап, Тываның шупту чайгы дыштанылга лагерьлериниң ийи дугаар сезонун түр када соксадырының дугайында ТР-ниң Чазак Даргазының оралакчызының хүлээлгезин күүседип турар Саида Сенгии дыңнаткан. Ук шиитпирни коронавирус хамчыының нептерели-биле демисел чорудар штаб база Тываның Чазааның Баштыңының албан-хүлээлгелерин түр када күүседип турар Владислав Ховалыг деткээн.

29.06.2021 «Байлак» лагеринге дыштанып турган уругларның чамдыызын “Буян-Бадыргы” аалчылар бажыңында чыттырган

“Байлак” лагеринге аарыг кижилер-биле холбаа тудуп турган уругларны «Буян-Бадыргы» аалчылар өргээзинче көжүрериниң дугайында даалганы Тываның Баштыңының хүлээлгезин түр када күүседип турар Владислав Ховалыг берген. Мооң мурнунда уругларны Тыванын тудуг техникумунуң ниити чуртталга бажыңынга чурттадып турган. Ынчалза-даа ол черниң байдалы бичии уругларга үр үеде чурттап болур хире таарымча чок болган. Владислав Ховалыг сургакчылаашкындан келген дораан тургустунуп келген нарын байдалды дургени-биле хуралга сайгарып корген.

28.06.2021 Ɵскүс уругларны бажыӊ-биле хандырар ажыл-хүлээлгени Тудуг яамызынга дамчыткан

Тываныӊ Чазаа өскүс уругларны бажыӊ-биле хандырар бүрүн эргелиг ажыл хүлээлгени республиканыӊ Тудуг яамызынга дамчыдып бээрин шиитпирлээн. «Өскүс болгаш ада-иезиниӊ хайгааралы чок арткан уругларга социал деткимче талазы-биле немелде магадылалдар дугайында» республиканыӊ хоойлузунга чогуур эдилгелерни киирген. Тываның Баштыңының албан-хүлээлгезин түр када күүседип турар Владислав Ховалыг хоойлуга өскерилгелер киирер төлевилелге адын салган.

26.06.2021 Тывада уруглар дыштаныр «Байлак» лагеринде назы четпээн уругнуң коронавирустан ааран чылдагаанын истеп турар

Бөгун Тываның Чазааның коронавирус аарынга удур хемчеглер чорудар штабтың хуралынга “Байлак” уругларның дыштанылга лагеринге турган назы четпээн уругнуң коронавирустан аарый берген дугайында айтырыгны сайгарып көрген.

25.06.2021 Тывада «Өөредилге» национал төлевилелдиң шугуму-биле 8 эвээш өөреникчилиг школаларга ажык спортчу шөлдерни тудуп турар

Тыва Республиканың Өөредилге болгаш эртем яамызының медээзи-биле алырга, эрткен неделяда Эрзин кожууннуң 250 ажыг чурттакчылыг Качык бичежек суурнуң школазынга «Өөредилге» национал төлевилелдиң шугуму езугаар ажык спортчу шөлдү эптеп-тургускан.

23.06.2021 Тывада «Картофельди – бажың бүрүзүнге» деп чаа улусчу төлевилел боттанып эгелээн

Тываның Баштыңының албан-хүлээлгелерин түр када күүседип турар Владислав Ховалыгның эгелээни төлевилел езугаар хууда чер бажыннарда чурттап турар 26098 эвээш орулгалыг кижини картофель үрезини-биле хандырган. Ооң иштинде 1241 өг-бүле үрезинни «Социал картофель» деп социал төлевилелдиң боттанылгазының иштинге алган, 812 өг-бүлени 2020 чылдың дүжүдүнден алган үрезин-биле хандырган, 11 499 өг-бүле бодунуң күжү-биле ногаа аймаан тарып алган.

23.06.2021 Кызылда чаа тарыдылга пунктузунга экономика сайыды Айдыс Сат Covid-19-ка удур тарыдып алган
Кызылда “Мээң бизнезим» төвүнде (Арбат шөлү, Чоннуң банкызының оран-савазы) чаа тарылга чорудар пунктуну ажыткан. Тываның Чазак Даргазының оралакчызының албан-хүлээлгезин күүседип турар – республиканың экономика сайыды Айдыс Сат тарылга чорудар чаа пунктуга коронавирус хамчыынга удур “Гам-Ковид-Вак” (Спутник V) вакцинаның бирги кезээн салдыртып алган.

20.06.2021 “Чаңгыс демниг Россия” партияның Тываның регион салбыры Владислав Ховалыгның кандидатуразын идип үндүрген

Тываның Баштыңының албан-хүлээлгезин түр када күүседип турар Владислав Ховалыг “Чаңгыс демниг Россия” партиядан Тыва Республиканың Баштыңы-Чазааның даргазы албан-дужаалдың соңгулдаларынга киржир.

18.06.2021 «Кадык камгалалы» национал төлевилел-биле Тывада эмнелге албан черлериниң чурагайлыг болгаш техниктиг дериг-херекселдерин чаартып турар

«Кадык камгалалы» национал төлевилел чорудуу-биле, Тыва Республикада “Кадык камгалалының күрүнениң чаңгыс аай информация системазы-биле кадык камгалалынга чаңгыс аай чурагай дөзевилелин тургузары” регион төлевилелиниң хемчеглерин боттандырып, эмчи дузазының шупту системазын чурагайжыдар.

18.06.2021 Тывада культура-массалыг хемчеглер эрттирерин кызыгаарлаан

Тыва Республиканың Культура яамызы культура хемчеглерин залдың чартыын долдургаш, эрттирип болурун дыңнаткан.

18.06.2021 Тываның хемнеринде суг сыыгаан

Тываның гидрометеорология блогаш долгандыр хүрээлелге мониторинг төвүнүң дыңнатканы-биле алырга, бо неделя дургузунда Тываның хемнеринде сугнуң деңнели чоорту чавызап бадар.

17.06.2021 Роспотребнадзорнуң саналдааны кызыгаарлаан хемчеглерни киирерде, Тываның бизнес ниитилежилгезиниң саналын өөренип көрген

Республиканың эрге-чагыргазы регионнуң сайгарлыкчылар ниитилежилгези-биле ужуражып, Роспотребнадзорнуң саналдааны кызыгаарлаттынган хемчеглерни сайгарып чугаалашкан.

17.06.2021 Тываның чурттакчыларынга база аалчыларынга ТАР-ның 100 чылдаанынга делгелгени белеткээн

Июнь 17-де, 12.00 шакта, Кызыл хоорайның Арбат шөлүнге Тыва Арат Республиканың тургустунганындан бээр 100 чылынга уткуштур «Объективте 100 чыл» деп делгелге ажыттынган.

Логин:
Пароль:
	Запомнить меня на этом компьютере

Забыли свой пароль?