08.09.2021
Тыва көдээ ажыл-агый адырында инвестиция төлевилелдерин боттандырып эгелээн
Тываның Көдээ ажыл-агый яамызы биле ”Фермер бизнезин база көдээ ажыл-агый кооперативтерин хөгжүдер фонд” коммерцияга хамаарышпас организацияның инновация инициативаларын республиканың чазаа деткээн.
08.09.2021
Тываның Чазаа республиканың башкарыкчы кадрлар курлавырын хевирлээри-биле конкурсту чарлаан
Тыва Республиканың Баштыңының Администрациязы база Тыва Республиканың Чазааның күрүне албаны база кадр курлавырының айтырыгларының талазы-биле департамент кадрлар курлавырын хевирлээри-биле, 2021 чылдың сентябрь 7-ден сентябрь 29-ка чедир күрүне хамааты албан-хаакчы албан-дужаалдарже документилерни хүлээп эгелээн.
08.09.2021
Тываның Баштыңының албан-хүлээлгезин күүседип турар Владислав Ховалыг саң-хөө ажылдакчыларынга профессионал байырлалы-биле байыр чедирген
Бөгүн саң-хөө ажылдакчылары боттарының профессионал байырлалын демдеглеп турарлар. Бистиң республикада бухгалтер-экономиктиг база саң-хөө органнарында 1600 ажыг, а банк организацияларында 694 кижи хаара туттунган. Республиканың Саң-хөө яамызында 53 специалист бөгүнде ажылдап турар.
07.09.2021
Тываның Чазаа кожууннарда социал объектилерниң капитал септелгезинче акша-хөреңгини тускайлаан
Тываның Баштыңы албан-хүлээлгени күүседип турар Владислав Ховалыгның муниципалитеттерге сургакчылаашкынының түңнелдери болгаш кожуун чурттакчыларындан кирген чагыглар-биле, ындыг объектилерниң даңзызын тургускан.
07.09.2021
Ведомстволар аразының комиссиязы хөмүр "садыгжыларын" хынаар
Тываның Чазаанга хөмүр-даш өртээн чиигеткенинге брифинг болуп эрткен. Тыва Республиканың Чазааның Даргазының бирги оралакчызының албан-хүлээлгезин күүседип турар Александр Брокерт база Тарифтер талазы-биле албан удуртукчузунуң хүлээлгезин күүседип турар Эдуард Куулар журналистерниң айтырыгларынга харыылаан.
06.09.2021
Тываның көдээ эмнелгелери чаа реанимация автомобильдерин алган
Бөгүн, Тываның Баштыңы албан-хүлээлгени күүседип турар Владислав Ховалыг көдээ черлерде кожуун деңнелдиг дүрген эмчи дузазын көргүзүп турар станцияларга 20 автомашина дүлгүүрлерин тывыскан.
06.09.2021
Тывада «Демография» национал төлевилел шугуму-биле социал хандырылганың чаа бажың-интернадын туткан
Чоокта чаа, Каа-Хем кожууннуң Авыйган сумузунда, назылап кыраан болгаш кадыы кошкак кижилер чурттаар Бүренниң бажың-интернадының чаа корпузун байырлыы-биле ажыткан.
06.09.2021
Тываның кожууннарында камгалал чалдарны тудуп, септээринге республика чазаа 40 млн рубльди үндүрген
Тываның Баштыңы албан-хүлээлгени күүседип турар Владислав Ховалыгның дилээни-биле республикагага федералдыг бюджеттен келген 1,5 млрд рубльдиң 40 хире млн-ин Бойдус курлавыры база экология яамызының шугуму-биле Кызыл, Чөөн-Хемчик кожууннарда база Кызыл хоорайда камгалал чалдарны быжыглап, өске-даа суг ажыл-агый хемчеглериниң төлевелел-смета документилерин ажылдап кылырынче чарыгдаар.
06.09.2021
Тываның автооруктарынга сервис объектилерин кадарынга ооң даңзызын база ачы-дуза өртээн тодарадып турар
Автомобиль оруктарынга кожа чыдар шупту объектилер орукка каттыжар ажылдарны эртер ужурлуг деп, Тываның Чазаа ындыг чурумну киирген.
03.09.2021
Тывада колледжтер база техникумнар башкыларынга класс удуртулгазы дээш немелде төлевирни бээр
Тываның техникумнар болгаш колледжтер башкылары класс удуртканы дээш 5 рубль хемчээлдиг ай санының немелде төлевирин 2021 чылдың сентябрь 1-ден санап эгелээр. Тываның Баштыңының албан-хүлээлгезин күүседип турар Владислав Ховалыг республика чазааның август 31-де хүлээп алганы доктаалынга атты салган.
03.09.2021
Тываның Чазаа чурттакчы чонга садар хөмүрнүң өртээн бадырар шиитпирни хүлээп алган
Тываның Баштыңының албан-хүлээлгезин күүседип турар Владислав Ховалыг чурттакчы чонга садар хөмүрнүң амгы өртээн бадырар дээн шиитпирин регион чазааның доктаалы-биле быжыглаан. Документиге ат салган соонда, 10 хонук эртип, күш кире бээрге, тывыш компаниязы республиканың чонунга хөмүрнү бир тоннада 2220,1 рубльга садар ужурлуг. Ол дээрге амгы өртектен 476,3 рубль чиик.
03.09.2021
Тывада Covid-19 дээш киирген кызыгаарлаашкыннарның чамдыызын чоорту суларадыр
Санитар-эпидемиологтуг албан сагыыр хемчеглер комплекизин арттырбышаан, кызыгаарлаашкынныг хемчеглерни чоорту ап кааптар дугайында Тываның кол санитар эмчизиниң саналынга даянгаш, Тыва Республиканың Баштыңының 2021 чылдың сентябрь 1-де № 319 Чарлыы-биле, культура, спорт база өөредилге албан черлери, чараштап-шеверлээр адырда ачы-дуза чедирер объектилер ажылын чоорту катап эгелээрин айыткан.
02.09.2021
Токиога эрткен XXXII Олимпий оюннарының хүлер медалының эдилекчизи Артас Санаага Тыва Республика орденин тывыскан
Токио-2020 Олимпийжи оюннарда хүлер медальды чаалап алган, Казахстанның чыынды командазының составының кежигүнү Артас Санааны Тывага байырлыы-биле уткаан. Кызылдың аэропортунга ооң төрээннери, эш-өөрү, спортчулар база МИЧ төлээлери чыылган.
01.09.2021
Владислав Ховалыг: Тыва эки турачыларның маадырлыг чоруунга мөгейип, сактып чорууру – бистиң хүлээлгевис
Тывада сентябрь 1 – Тыва Арат Республиканың эки турачыларынга сактыышкынның хүнү. Кызылда тыва эки турачылар тураскаалының баарынга митингини ол хүн эрттирери, эки чаңчыл апарган. Шак ол черден, таптыг-ла 78 чыл бурунгаар, тыва дайынчыларны Ада-чурттуң Улуг дайынынче үдээн.
01.09.2021
Владислав Ховалыг Билиглер хүнү-биле өөреникчилерге, сургуулдарга, башкыларга база ада-иелерге байырны чедирген
Бөгүн Тываның школаларынга 11-ги база 1-гикалсстың өөреникчилеринге байырлыг чыскаалдар эрткен.
01.09.2021
«Кадык камгалалы» нацтөлевилел-биле Тывага чеди ФАП-ты тудар
“Кадык камгалалының бирги звенозун чаартыры” регион программазының күүселдези-биле, бо чылын Тывага ам-даа чеди фельдшер-акушер пунктуларын (ФАП) база ийи эмнелге амбулаторияларын тудар.
01.09.2021
Бирги чартык чылда Тывада 684 кижи ГТО нормативтерин дужаап алган
«Демография» национал төлевилелдиң “Спорт - амыдыралдың нормазы” регион төлевилел күүселдези-биле, 2021 чылдың бирги кварталында ГТО нормативтерин дужаар 40 спортчу хемчегге 1101 кижи киришкенин, регионнуң спорт яамызы дыңнаткан.
31.08.2021
Тывада чеди культура албан черлеринче «Пушкин картазы»-биле кирип болур
Россияда сентябрь 1-де стартты алыр “Пушкин картазында” акша-биле санажып болур апаар. 14 хардан 23 хар аразында аныяктар тускай банк картазында акша-биле культурлуг хемчеглерже билеттерни садып ап болур.
31.08.2021
Сайгарлыкчы инициативалар деткиир национал төлевилел күүселдези-биле Тывага чаа этноковоркинг төптери ажыттынар
“Биче болгаш ортумак сайгарлыкчы чорукту база хуу сайгарлыкчы инициативаларны деткиири” национал төлевилелди боттандырып, республиканың ус дарганнарын база улусчу шеверлерни деткиири-биле, Тываның Сайгарлыкчы чорукту деткиир фонд дааранылга, сей-белектер, чазанылга база ювелир бүдүрүлгезинде ажылдап чоруур сайгарлыкчылар ортузунга этноковоркинг ажыдарынга мөөрейни эрттирген.
31.08.2021
Тываның эмнелге албан черлеринде “Кадык камгалалының бирги звенозун чаартыр” программа-биле тускай транспорт келген
Эмчи дузазының чедингирин болгаш шынарын хандырарынче угланган “Кадык камгалалының бирги звенозун чаартыры” программаның күүселдези Тывада уламчылавышаан.